Hosia 2:12 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹² Ke me guọghọ irhe ri vain vi figi rọyẹ, rọ ta ota kpahe nẹ, Enana osa mẹ, rẹ esen mẹ vwọ kẹ vwẹ. Mi ru ayen hirhe phihọ egbo, eranvwe rẹ aghwa ke re ayen.

Hosia 2:12 ပူးပေါင်းရင်းမြစ်များ

Une rẹ Ejiro 80:12

Die wo vwo kporo igbẹhẹ rọye she, rẹ ihwo re wanvrẹn idjerhe vwọ kọrọ emamọ rọye?

Aizaya 29:17

O gbe dianẹ ọmọke krẹ ri chekọ-ọ ri Lebanọn vwọ rhoma hirhe phihọ udju esiri, ra da vwẹ udju esiri na vwo roro egbo?

Aizaya 5:5

Gba kerhọn re me ta kẹ wẹn obo ri mi che ru kẹ ogba ri vain mẹ na. Ki mi si ogba na no, ka cha guọghọ, Ki mi tueghe ogba rọye, ke chiyo mu ekpẹn

Aizaya 7:23

Vwẹ ẹdẹ yena kasan kasan rẹ irhe ri vain uriori djẹ phihọ, re ghare te ovwanvwọn rẹ idọnọ uriori ko che hirhe phihọ ekpia vẹ Idjighe.

Jerimaya 13:26

Mẹvwẹ ọvo cha kpare eshamwa wẹn rhurhu opharo wẹn, ka mrẹ omẹvuọ wẹn.

Jerimaya 26:18

Maika ri Mọreshẹt ọ mrarọ vwẹ ẹdẹ ri Hẹzikaya ovie ri Juda, ọ da ta kẹ ihwo ri Juda ejobi nẹ. Enẹ Ọrovwohwo rẹ otuofovwi tare, A cha gua Zayọn kerẹ udju, Jerusalẹm cha dia erhurhu rẹ umiovwo, Ugbenu rẹ uwevwi na je cha dia oghwaghwo ro kpenu.

Jerimaya 5:17

Ayen cha re orhọ wẹn vẹ emuọre wẹn, ayen cha re emeshare wẹn vẹ emetẹ wẹn, ayen cha re igegede wẹn vẹ ichuru wẹn; ayen cha re vain wẹn vẹ owe wẹn; irere ra gba ogba phihọ ru wọ vwẹ ẹro so na, ayen cha vwẹ ọlọkọ ghwọrọ ayen.

Jerimaya 8:13

Ọke mi vwo si ayen koko, eriyin Ọrovwohwo na tare, a gbe mrẹ otiẹ vwẹ enu ri vain na-a eye emamọ vwẹ enu rẹ urhe rẹ owe-e. Ẹbe na dede je ghwa ya yẹ obo re me vwọ kẹ ayen wan ayen vrẹn nure.

Hosia 13:8

Mi che pho mu ayen kerẹ edjanakpo re mie emọ, ke me chẹghẹ udu rayen rhie phihọ, kẹ etiyin me da re ayen nu kerẹ okpohrokpo, kirobo rẹ eranvwe rọ djọma chẹghẹ ayen.

Hosia 2:5

Kidie oni rayen gbe ọfarhiẹ; ohwo ro mrẹ evun rẹ ayen ru emu rẹ omẹvuọ. Kidie ọ tare, Mi nenẹ esen mẹ, re kẹ vwẹ emuọrẹ mẹ vẹ ame mẹ, ẹton rẹ ogegede mẹ vẹ oruru mẹ, ọfigbo mẹ vẹ udi mẹ.

Hosia 5:14

Kidie me cha họhọ okpohrokpo kẹ Ifrem, kerẹ ọmọ rẹ okpohrokpo kẹ uwevwi ri Juda. Mẹvwẹ, ekpuyovwi mẹ, me da bẹrẹ nu ke me yanran, Mi che muo yanran, yẹ o vwo ohwo ro se sivwo mie vwe-e.

Hosia 9:1

Wọ ghọghọ-ọ, E Izrẹl! wo jẹn oma vwerha owẹ kerẹ ihwo na-a; kidie wo gbe igberadja, wọ da sen Ọghẹnẹ wẹn. Osa ra hwa kẹ igberadja ọye ri je we vwẹ utuwevwi re de wuye.

Maika 3:12

Vwẹ ọtiọye na fiki wẹ ka cha vwi Zayọn voro udju, Jerusalẹm ko che hirhe phihọ ẹkuerhurhu, Ugbenu rẹ uwevwi na kẹ egbo rẹ irhe.