Hosia 2:11 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹¹ Ki mi phi oba phihọ omavwerhovwẹ rọye, te erẹ rọye, tẹ ọtuphro rẹ emeranvwe rọye, ẹdidjala rọye, kugbe ẹdẹ rẹ orẹ re bruru.

Hosia 2:11 ပူးပေါင်းရင်းမြစ်များ

1 Ivie 12:32

Jeroboam de bru ẹdẹ phihọ ẹdẹ ihwiori rẹ orianre na kerẹ ẹdẹ rọ hẹ obi Juda; o de ze izobo vwẹ enu rẹ agbada; ọtiọye o ruru vwi Bẹtẹl, ro vwo ze izobo kẹ umuomuo rẹ erhuẹn ro duvwuru na. o dẹ phi irherẹn rẹ enu rẹ igbenu ro ruru na phihọ Bẹtẹl.

Jerimaya 16:9

Kidie enẹ Ọrovwohwo rẹ otuofovwi na tare, Ọghẹnẹ rẹ Izrẹl na, Nighe, mi che ru rere urhuru rẹ omavwerhovwẹ vẹ urhuru rẹ aghọghọ, urhuru rẹ ọshare rẹ ọpha kugbe urhuru rẹ ọpha de ghwru nẹ etine na, vwẹ aro rẹ ovwan na ejobi.

Jerimaya 25:10

Ọ rọ ma rho, mi che si urhuru rẹ omavwerhovwẹ vẹ urhuru rẹ aghọghọ, urhuru rẹ oshare rẹ ọpha vẹ urhuru rẹ ọpha nẹ ayen obọ, ẹnọ rẹ elanọ vẹ elo rẹ urhukpẹ.

Jerimaya 7:34

Ki mi fue urhuru rẹ aghọghọ vẹ omavwerhovwẹ nẹ irere ri Juda kugbe Jerusalẹm ejobi, urhuru rẹ opha vẹ ọshare rọye, kidie otọ na cha dia ofefe.

Izikiẹl 26:13

Ihwehworo vẹ ine wẹn ke me da ayen ji, edo rẹ isorogun wẹn e gbi nyo ọfa-a.

Hosia 3:4

Kidie emọ rẹ Izrẹl ke dia vwẹ ẹdẹ buebu ayen gbi vwo ovie-e yẹrẹ osu-un, ọ rhe vwo izobo e ze-e yẹrẹ uchivwo-o, ibuluku yẹrẹ utẹ-ẹ.

Hosia 5:7

Ayen phiẹn Ọrovwohwo; kidie ayen vwiẹ emọ rẹ erhorha. Asakiephana emeranvwe ọkpokpọ cha ghwọrọ ayen vẹ idju rayen ejobi.

Livitikọs 26:20

ovwan ke vwẹ ogangan rẹ ovwan wian owian kufia, kidie otọ rẹ ovwan gbi che yovwi emu-u, irhe re otọ na gbe rha mọ-ọ.

Emọs 5:21

O tu vwẹ oma, Me jẹ orẹ rẹ ovwan fia, Ọghwẹkoko ofuefu rẹ ovwan na vwerhe ovwẹ oma-a.

Emọs 8:3

Ine rẹ uwevwi rẹ Ọghẹnẹ na, ko che hirhe phihọ oviẹ vwẹ ẹdẹ yena, eriyin Ọrovwohwo Ọghẹnẹ na tare, irivwi na ke cha dia buebu, vwi kasan kasan ke che mu aycn kufia runrun.

Emọs 8:5

tanẹ, ọkevọ ọtuphro rẹ emeranvwe ọkpokpọ na vwo re, rere ma ra shẹ ọka? Kugbe ẹdidjala na, rere avwanre ra ghwẹ ọka ra shẹ, rere me ru iputusẹ havwe rere shekẹl rho, rere ma ghwa ayen re vwẹ evwanvwọn,

Nahum 1:10

Kerẹ inwe re gba phihọ eriyin a cha ghwọrọ ayen, kerẹ ehẹbe eyaya.