Hosia 2:10 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁰ Asakiephana ke me ban amwa no vwẹ obaro rẹ esen rọye, ohwo ọvuọvo gbi se sio nẹ obọ mẹ-ẹ,

Hosia 2:10 ပူးပေါင်းရင်းမြစ်များ

2 Ikun rẹ Ivie 24:7

Kidie emọ rẹ Araiaya, aye umwemwu na, ra guọghọ ẹchẹ ro uwevwi rẹ Ọghẹnẹ; ayen da ghwẹ ekuakua efuanfon rẹ uwevwi rẹ Ọrovwohwo na reyọ ra vwọ rhuẹrẹ ọ ri Baal.

Une rẹ Ejiro 50:22

Gba ka oka phihọ ọna, ovwan otu rẹ Ọghẹnẹ chọẹro Me da rhe bẹre ovwan, a cha mrẹ ohwo ọvuọvo rọ chọ ochọ re ovwa-an

Isẹ 11:21

Jo mu we ẹro, nẹ ohwo umwemwu che jẹ ehwe ẹmrẹ-ẹ, ẹkẹvuọvo ihwo rẹ evun rayen fonro e che sivwẹ ayen.

Aizaya 3:17

Ọrovwohwo cha vwẹ ogbẹn ghwiẹ uyovwi emetẹ ri Zayọn, kọ cha ba odjahọ rayen phihọ.

Jerimaya 13:22

Ọ da dianẹ wọ ta vwẹ udu wẹn, Die sorọ rẹ enana vwo bru uwẹ rhe? fiki rẹ ọrho rẹ umwemwu wẹn a vwọ kparẹ eshamwa wẹn wọ da re oja fiki rẹ omaẹdja wẹn.

Jerimaya 13:26

Mẹvwẹ ọvo cha kpare eshamwa wẹn rhurhu opharo wẹn, ka mrẹ omẹvuọ wẹn.

Izikiẹl 16:16

Wọ da reyọ iwun wẹn evo, wọ da vwẹ ayen hwa umukpe, enu rọye kọye wo de gbe igberadja, a je mrẹ oghẹre rọye dẹvo-o, eyẹ a cha mrẹ bẹdẹ-ẹ.

Izikiẹl 16:19

Ji kugbe ikara mẹ re me vwọ kẹ wẹ–Me vwẹ omamọ rẹ eyagha rẹ ọka vẹ evwri kugbe ọnyọn vwọ ghẹrẹ owẹ–Wo de mu ayen kẹ ayen ri gbo ọrhe ororo hwe ayen, eriyin Ọrovwohwo Ọghẹnẹ tare.

Izikiẹl 23:29

Omaetuo kọye ayen vwo nene uwe yeri, ayen me ghwẹ erere rẹ owian wẹn reyọ, ayen ke yan ju we vwo ẹbẹban hrohro, ka mrẹ ẹban rẹ igberadja wẹn. Ẹban wẹn kugbe igberadja wẹn

Hosia 10:1

Izrẹl epha kerẹ vain pọkọpọkọ rọ mọ emamọ rọye. Ọtiobo rẹ emamọ rọye buẹ te ọtiọye ọ je ghwa so egbada buebu te; kerẹ obo rẹ ọrho rọye yovwẹ te ọtiọye ọ je ghwa ma osusu te.

Hosia 13:1

Ọke rẹ Ifrem vwọ ta ota, ihwo de kpogho; a da kparọ kpenu vwẹ Izrẹl, ẹkẹvuọvo rọ vwọ wan oma ri Baal re abe o de ghwu.

Hosia 2:3

me da rhe ban phihọ ọ da rhe dia kerẹ ọke re vwo vwiẹ, mi de rhi ruọ hirhe phihọ aghwa mi de rhe ruo hirhe phihọ otọ ọyaya, me da vwẹ urhuru rẹ ame hwe.

Hosia 6:9

Kirobo rẹ iji hwa phihọ idjerhe hẹrhẹ ohwo ye, otiọye irherẹn na ji se oma koko, ayen da dia izighẹ vwẹ idjerhe ro kpo Shikẹm, uyota, ayen ru obo re brare.

Maika 5:8

Umuku ri Jekọp ro chekọ ke cha dia ohri rẹ ẹgborho na, vwẹ ohri rẹ ihwo buebu, kerẹ okpohrokpo vwẹ ohri rẹ eranvwe rẹ aghwa, kerẹ upene rẹ okpohrokpo vwẹ ohri rẹ ekru rẹ igegede, ọ da dianẹ ẹ wanvrẹn, ko chiyi ayen muotọ ọ me chẹghẹ kẹnẹ kẹnẹ, o rhe vwo ohwo ro sivwo-o.

1 Kọrẹnt 4:5

Eriyin na wo rhe brorhiẹ tavwe rẹ ọke na ki te-e, tavwe rẹ Ọrovwohwo ke rhe, ohwo rọ cha vwẹ obo re sinu asakiephana vwẹ ebri vwọ phia kugbe obo rẹ udu roro ejobi vwọ phia. Etiyin ohwo ọvuọvo ki che vwo ejiro rọye vwẹ obo rẹ Ọghẹnẹ.