Hosia 14:3 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³ Asiria che se sivwi avwanre-e, avwanre cha gua iyesi-i, avwanre gbe cha ta kẹ iruo rẹ obọ rẹ avwanre nẹ, Ọghẹnẹ rẹ avwanre ọfa-a. Vwẹ oma wẹ ọmọphrorivwi da mrẹ arodọvwẹ.

Hosia 14:3 ပူးပေါင်းရင်းမြစ်များ

2 Ikun rẹ Ivie 16:7

Vwẹ ọke yena Hanani rọ ọmrẹ na de bru Asa ovie ri Juda rhe, ọ da ta kẹ, Fikiridie wọ vwẹ ẹro so ovie ri Siria, wọ gbe rha vwẹ ẹro so Ọrovwohwo Ọghẹnẹ wẹ-ẹn, unuofovwi rẹ ovie ri Siria va wẹ abọ djẹ nure.

Une rẹ Ejiro 10:14

Wọ ghene mrẹ, uyota, wọ ka oka phihọ ukpokpogho kugbe ivuemiovwo rere wọ vwọ mrasan reyọ phihọ obọ wẹn; omiovwuyovwi phi oma rọye phihọ obọ wẹn; wọwẹ ọchuko rẹ ọmọphrorivwi.

Une rẹ Ejiro 146:3

Wọ vwẹ ẹro wẹn so isu-un, ọmọ rẹ ohwo, ro vwo ọchuko ọvuọvo-o.

Une rẹ Ejiro 146:9

Ọrovwohwo na rhẹrẹ eyoyan, ọ yọnrọn eyauku vẹ emephrorivwi; ẹkẹvuọvo idjerhe rẹ ohwo umwemwu ọ rharọ mu ekpẹn.

Une rẹ Ejiro 33:17

Iyesi re ofovwi ọye emu diodi rẹ a vwẹ ẹro so fiki rẹ obọẹkparọ; vwẹ ẹgba rọye rode na o che se sivwi-i.

Une rẹ Ejiro 68:5

Ọsẹ rẹ ọmọphrorivwi ọchochọ rẹ eyauku ọye Ọghẹnẹ vwẹ ẹdia ọfuanfon rọye.

Aizaya 1:29

Fikiridie oma re ọhahe ro je we na kọ cha vọ we, opharo wẹn kọ dia ghwọkpọ fiki re ogba ru wọ jẹre.

Aizaya 2:20

Vwẹ ẹdẹ yena ihwo ki ku ema rẹ idọnọ kugbe ema rẹ iro rayen kufia, rẹ ayen ru kẹ oma rayen nẹ ayen ga vwọ kẹ irherhe kugbe edja,

Aizaya 27:9

Vwẹ oma rẹ ọnana kọye e vwo phoro abe ri Jekọp nu. Ọnana kọye cha dia omamọ rẹ emamọ rẹ esiono rẹ umwemwu rọye; vwẹ ọke ro de ru ibieragha rẹ agbada na kerẹ ukori rẹ ọnrhe ra nọre vworovworo, te ighriki vẹ agbada ra da torhẹ egẹn gbi se mudia-a.

Aizaya 30:16

ẹkẹvuọvo wọ tare nẹ, Ẹjo! Avwanre djẹ fafa vwẹ enu rẹ iyesi, vwẹ otiọye na gba djẹ yanran, yẹ, Avwanre ke gua vwe enu rẹ iyesi re eshare kpata kpata, vwẹ ọtiọye na ihwo re vwo tua wẹn na ke djẹ gangan.

Aizaya 30:2

ri mu oyan nẹ ayen kpo Ijipt yẹ ayen nọre vwẹ obọ mẹ tavwe-e, ri re se oma nu vwẹ otọ ri Fero, re ra vwẹ oma da vwẹ otọ rẹ uhoho rẹ Ijipt.

Aizaya 31:1

Ekan ke otu re yanran kpo Ijipt ra guọnọ ọchuko re vwẹ ẹro go iyesi, re vwẹ ẹro so ekpere re ofovwi kidie i buru re vwẹ ẹro so ihwo re gua iyesi kidie ayen ganre, ẹkẹvuọvo ayen vwẹ ẹro so Ọfuanfon Ọvuọvo rẹ Izrẹl na-a eyẹ ayen je nọ mie Ọrovwohwọ-ọ

Aizaya 31:3

Ihwo rẹ Ijipt na ihwo rẹ akpọ, e dia Ọghẹnẹ-e iyesi rayen ugboma gheghe, e dia erhi-i Ọke rẹ Ọrovwohwo da riẹn obọ rọye phia, ọchuko na kọ yẹghrẹ, ihwo rọ chọ na ki she, ayen ejobi ke ghworọ kugbe

Aizaya 36:8

Mọ Asakiephana, rere wọ vẹ onini mẹ ovie rẹ Asiria na yenyan Me vwẹ iyesi ujuhwe akuava kẹ wẹ, su wo sa mrẹ ihwo ri se tidia ayen gua.

Jerimaya 49:11

Yan jẹ emephrorivwi wẹn vwo, me ghẹrẹ ayen rhọ kẹ wẹ, gbe jẹn eyauku wẹn vwẹ ẹro so vwẹ.

Izikiẹl 36:25

Ke me fẹrẹ ame ọfuanfọn ku we, ku wọ fon nẹ ijẹfuọn wẹn, ke me hworhẹ edjọ wẹn ejobi nẹ uwe oma.

Izikiẹl 37:23

Ayen gbe vwẹ ema rayen kugbe obọ ri tuoma na gbe oma rẹ ayen ẹgua ọfa-a, eyẹ ogbeku rayen, ẹkẹvuọvo ki mi sivwi ayen vwo nẹ imwemwu rẹ ayen vwo she kpo uko na, ke me hworhẹ ayen, ke dia ihwo mẹ, ke me dia Ọghẹnẹ rayen.

Hosia 12:1

Ifrem Osun rẹ odju, ọ vwọ tua odju rẹ obaro ọnre vwẹ ẹdẹ na ejobi; ogbarogba vẹ ozighi ra rhoma buẹ phihọ; ayen vẹ Asiria re vwo ọrhọvwekugbe, ayen re muẹ ọfigbo kpo Ijipt.

Hosia 13:2

Asakiephana kẹ ayen ruẹ umwemwu buẹ phihọ, ayen de duvwu oma ra wranre kẹ oma rẹ ayen, oma ra vwẹ idọnọ efuanfon vwo ru re bru ona phihọ, ayen ejobi iruo rẹ ọwena. We ze izobo kẹ enana, ayen me ta, ihwo ke fiọnfiọn ema rẹ irhuẹn unu!

Hosia 14:8

E Ifrem, die me vwẹ ema ru? Mẹvwẹ ri nyo we, mẹvwẹ je vwẹ ẹro te we. Me họhọ owangha oma mẹ emamọ wẹn nẹ cha.

Hosia 2:17

Kidie mi si odẹ ri Baal nẹ unu rọye, e gbi se odẹ rayen ọfa-a.

Hosia 4:12

Ihwo mẹ re duotọ rẹ akpọ vwẹ obọ rẹ ubrurhe, ọkpọ rayen kọye ayen vwọ bọ epha. Kidie urhuru sivwe rẹ ọfarhiẹ sun ayen ghwru, ayen da yan jẹn Ọghẹnẹ rayen vwo re gbe igberadja.

Hosia 5:13

Ọke rẹ Ifrem vwọ mrẹ ọga rọye, ri Juda vwọ mrẹ omẹwan rọye, etiyin Ifrem de kpo Asiria, o de ji ohwo bru ovie rode na. Ẹkẹvuọvo o se sivwi uwe-e eyere sivwi ora wẹn kpo-o.

Hosia 7:11

Ifiem pha kerẹ ilekuku gheghẹn, djidji o se Ijipt, o kpo Asiria.

Hosia 8:6

Vwẹ Izrẹl? Oruona re marọ, ọ dia Ọghẹnẹ-ẹ. Upene rẹ erhuẹn ri Sameria, ka guọghọ ivwivwuvwu.

Hosia 8:9

Kidie ayen yanran kpo Asiria, kerẹ ekẹtẹkẹtẹ rẹ ivuẹghwa ro di muẹ yan; Ifrem re durhie igbeyan.

Jona 2:10

Ọrovwohwo da ta ota kẹ eri na, ọ da kpa Jona phihọ otọ ọyaya.

Zekaraya 13:2

Je vwẹ ẹdẹ yena, Ọrovwohwo rẹ otuofovwi tare, mi che si edẹ rẹ ema nẹ otọ na, ra gbe karohọ ayen ọfa-a; eriyin rhe mi ji si emraro vẹ erhi re ijẹfuọn nẹ otọ na.

Iyẹnrẹ Esiri ri Jọn 14:18

Mi se jẹ ovwan ọvo vwo sogono-o; mi che bru ovwan rhe.

Urhi Rivẹ 17:16

Ọ rọ herọ na wo jẹn ovie na koko isi buebu kẹ oma rọye-e, eyẹ re o ru ihwo na vwo rhivwi kpo Ijipt rọ vwọ mrasa ghwẹ isi koko buehu-u, rẹ Ọrovwohwo vwọ ta kẹ wẹ nu na nẹ, Wo gbi rhivwi kpo idjerhe yena ọfa-a.