Hosia 13:7 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁷ Ọtiọye na ke me cha dia kerẹ okpohrokpo kẹ ayen, kerẹ edjanakpo ro fiọnko vwẹ oma rẹ idjerhe.

Hosia 13:7 ပူးပေါင်းရင်းမြစ်များ

ỌBE RẸ JOB 10:16

Me da kpare oma mẹ kpenu, ku wọ vwẹ ovwẹ bẹrẹ ibefi kerẹ okpohrokpo, wọ da rhoma ru iruo rẹ igbunu kpahe ovwẹ;

Aizaya 42:13

Ọrovwohwo yan phia kerẹ ọgba, kerẹ ohwo rẹ ofovwi rẹ ophu kpare, ọ viẹ phia, o kperi phia, ọ vwẹ ẹgba rọye phia gangan kẹ ivwighrẹ rọye.

Jerimaya 25:38

Ọ ya jẹ emwa rọye vwọ kerẹ okpohrokpo, kidie otọ rayen ghwọrọ kufia fiki rẹ ọlọkọ rẹ Ọrovwohwo na, kugbe fiki rẹ ophu ọtuatua rọye na.

Jerimaya 5:6

Eriyin na okpohrokpo che nẹ aghwa rhi ri hwe ayen, ubido che nẹ atọn cha rhe ghwọrọ ayen. Edjẹnẹkpo ra rhẹrẹ irere rayen, ohwo kohwo rọ ro uphephẹ ka sanvwọ ibribro, kidie ọyanchọ rayen buru gangan, eshe rayen rhoro gangan.

Uvwerhe 3:10

Ọ da họhọ okorhi ro fiọnko, kere okpohrokpo ro sioma nu.

Hosia 5:14

Kidie me cha họhọ okpohrokpo kẹ Ifrem, kerẹ ọmọ rẹ okpohrokpo kẹ uwevwi ri Juda. Mẹvwẹ, ekpuyovwi mẹ, me da bẹrẹ nu ke me yanran, Mi che muo yanran, yẹ o vwo ohwo ro se sivwo mie vwe-e.

Emọs 1:2

Ọ da ta: Ọrovwohwo na do ni Zayọn rhe, Ọ da ta ota ni Jerusalẹm rhe, egbri re isuigodẹ na muoma phihọ, enu ri ugbenu ri Kamẹl vwiori.

Emọs 3:4

Okpohrokpo de kperẹ vwẹ evun rẹ egbo, yọ mrẹ eranvwe ro mu-u? Ke ọmọ re okpohrokpo di kperẹ vwẹ evun re unu rọye, yo mu emuọvo-o?

Emọs 3:8

Okpohrokpo na kperi; kono oshọ je muo? Ọrovwohwo Ọghẹnẹ na ta nure. kono ri jẹ aroẹmrẹ?

Ẹvwọphia 13:2

Eranvwe re me mrẹre na da họhọ ubido, awọ rọye da họhọ awọ rẹ okorhi, unu rọye da họhọ unu rẹ okpohrokpo.