Hosia 12:4 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴ Ọ vẹ amakashe muabọ ọ da marọ, ọ viẹre ọ da guọnọ aruesiri rọye, ọ vwa Ọghẹnẹ vwi Betẹl etiyin Ọghẹnẹ vọye da ta ota.

Hosia 12:4 ပူးပေါင်းရင်းမြစ်များ

Malakae 3:1

Nighe, mi ji ikọn mẹ rọ ra rhuẹrẹ idjerhe hẹrhẹ ovwẹ, Ọrovwohwo rẹ ovwan guọnọ na cha rhe uwevwi rọye kpregede; ọyinkọ rẹ ọphọ na rọ vwerhe ovwan oma na, nighe, ọ rọ cha, eriyin Ọrovwohwo rẹ otuofovwi na tare.

Jẹnẹsis 35:15

Kọye Jekọp de se odẹ re asan rẹ Ọghẹnẹ da ta ota kẹ na, Bẹtẹl.

Hibru 5:7

Vwẹ ọke rọ vwọ herọ vwẹ ugboma na, Jesu nẹ ẹrhovwo ọ ghwa yare oyare, vẹ ekperẹ vẹ oviẹ, kẹ ohwo ro se sivwo nẹ ughwu, e de nyo kẹ fikiridie ohwo ọfuanfon rọ djẹ oshọ o ruẹ.

1 Tẹsalonaika 4:17

Kẹsiẹye o ki rhi te re hẹ ekpokpo, ri ghwu chekọ, ka ghwẹ avwanre rhi koko kugbe ayen otu re hẹ obenu na, ke ku usun họ ra vwa Ọrovwohwo na vwẹ obo irharheghe, kẹ oboyi avwanre vẹ Ọrovwohwo da dia bẹdẹ.

Aizaya 63:9

Vwẹ evun rẹ ukpokpogho rayen ejobi ọye e kpokpori, amakashe rẹ opharo rọye ri sivwi ayen, vwẹ evun rẹ ẹguọnọ kugbe ehrọre rọye ọ da tan ayen, Ọ kpare ayen kpenu ọ de mu ayen vwẹ ọke rẹ awanre ejobi.

Une rẹ Ejiro 66:6

Ọ rhẹriẹ abadi phihọ otọ ọyaya; ihwo da vwẹ owọ wan urhie na vrẹn. Etiyin avwanre da ghọghọ vwẹ oma rẹ obo ro ruru,

Jẹnẹsis 48:15

Ọ nẹ ẹrhovwo ki Josẹf, ọ da ta, Ọghẹnẹ rẹ Ebraham vẹ Aizik rẹ esẹ mẹ yan nene, Ọghẹnẹ ro sun vwe vwẹ akpọ mẹ rhi te nonẹ,

Jẹnẹsis 32:29

Etiyin Jekọp da no, Ta kẹ vwẹ, Me rẹ wẹ, odẹ wẹn rhọ? Ẹkẹvuọvo ọ da ta, Die wọ vwọ nọ ekpẹn rẹ odẹ mẹ? Etiyin ọ da nẹ ẹrhovwo kẹ.

Jẹnẹsis 32:24

Jekọp ọvo kọye ri chekọ obuko, ọshare ọvo de nene muabọ bẹsiẹ rẹ ọke vwo rhie.

Jẹnẹsis 32:26

Etiyin ọ da ta, Ju vwe kpo, kidie ọke ro rhie. Ẹkẹvuọvo Jekọp da ta, Mi se siobọ nu wẹ-ẹ, jokpa nẹ wọ nẹ ẹrhovwo kẹ vwẹ.

Jẹnẹsis 25:26

Emerha oniọvo rọye de rhi shotọ, ọ da vwẹ obọ yọnrọn uchuku owọ rẹ Isọ, Etiyin e de se odẹ rọye Jekọp. Aizik ikpe ujorha vwẹ ọke ro vwo vwiẹ emọ na.

Jẹnẹsis 32:25

Ọke rẹ ọshare na vwọ mrẹ nẹ ọye sa marọ Jekọpu-u, ọ da vwe obo si ekpogho owọ rọye; ekpogho owọ ri Jekọp da rhoghra rẹ ayen vwo muabọ na.