Hosia 12:2 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

² Ọrovwohwo vwẹ urhi mu Juda, ko hwe Jekọp kirobo rẹ idjerhe rọye epha, vwọ reihri kirobo rẹ uruemu rọye teri.

Hosia 12:2 ပူးပေါင်းရင်းမြစ်များ

Ivie rẹ Ivẹ 17:4

Ẹkẹvuọvo ovie rẹ Asiria da rhe mrẹ ero vughe vwẹ oma ri Hoshea; kidie o ji ikọn bru ovie rẹ Ijipt ra, ọ gbe rha ghwa ẹga rhe ovie rẹ Asiria-a kirobo ro ruẹ kukpe kukpe jovwo na; fiki rẹ ọtiọye na ovie rẹ Asiria de re muo, ọ da kanrọn phihọ uwodi.

ỌBE RẸ JOB 15:2

Ọvwaghwanre sa vwẹ ẹriẹn rẹ aphopho kpahe ota, rọ da vwẹ odju rẹ obaro ọnre vwo vọn oma rọye?

Une rẹ Ejiro 78:36

Ẹkẹvuọvo da yẹ ayen de vwẹ unu brugu phihọ oma, ayen da vwẹ ẹrenvwe rayen vwọrọn efian kẹ.

Aghwoghwo 5:15

Kirobo ro nẹ evun rẹ oni rọye rhe eriyin o che ji rhivwi kpo ẹbẹba ọ vwọ rhe, ọ cha vwẹ obọ rọye ghwa emu ọvuọvo rọ owianre na kpo-o.

Aizaya 10:12

Ọke rẹ Ọrovwohwo de ru iruo rọye ejobi vwẹ Ugbenu ri Zayọn kugbe Jerusalẹm nu, ko che hwe Asiria vẹ eyan ofefe rọye kugbe eheri ọbrabra rọye.

Aizaya 10:6

Orere ro jẹ Ọghẹnẹ ẹriẹn mi ji ro ra ihwo rẹ ophu rẹ ayen mu vwe me vuẹ rẹ na rọ reyọ emuọre re gborho ekuakua, re chiyi ayen pẹtẹ pẹtẹ kerẹ ibehre rẹ irhuvwu.

Aizaya 24:21

Vwẹ ẹdẹ yena Ọrovwohwo ko hwe otu rẹ ofovwi rẹ odjuvwu, vwẹ obo odjuvwu, ivie rẹ akpọ na, vwẹ evun rẹ akpọ na.

Aizaya 3:11

Ekan kẹ oruimwemwu! kọ cha bra kẹ, kidie obo rẹ abọ rọye ruru ke eriyin e ji ru kẹ.

Aizaya 30:6

Epha kpahe eranvwe ri Nẹgẹb. vwọ kpahe otọ rẹ ukpokpogho vẹ ivuemiovwo, asan rẹ okpohrokpo rẹ aye vẹ ọshare nẹcha, asan re ọrobiebi vẹ asiweri nẹcha, ayen kru efe rayen kpahe uko rẹ ekẹtẹkẹtẹ, eyere rayen kpahe ekpo rẹ iyesi, vwo rhe ihwo re cha vwẹ erere kẹ aye-en.

Aizaya 59:18

Kirobo rẹ uruemu rayen epha, eriyin ọ hwa osa te, ophu vwọ kẹ ukọn umwemwu rọye, osa ẹhwa kẹ ivwighrẹ rọye; vwọ kẹ erhuru na ọ cha hwa osa kẹ ayen.

Jerimaya 25:31

Edo na rhoma do te oba rẹ akpọ na re, kidie Ọrovwohwo vwo ẹdjọ kpahe irere na, ọ vẹ ihwo na ejobi che guẹdjọ, iruimwemwu ọ cha vwẹ ọlọkọ hwe ayen, eriyin Ọrovwohwo tare.

Hosia 2:13

Ki mi vwẹ oja riọ fiki rẹ ẹdorẹ ri Baal ọke rọ vwọ torhẹ insens kẹ ayen rọ vwọ vwẹ Isa vẹ ejọnrọn vwọ rhuẹro oma rọye, ro de nenesi rẹ esen rọye, Me da chọrọ ẹro, ọtiọye Ọrovwohwo tare,

Hosia 4:1

Nyo ota rẹ Ọrovwohwo E ihwo rẹ Izrẹl, kidie Ọrovwohwo vẹ ihwo rẹ otọ na vwo aphro. O gbi vwo ọvwata yẹrẹ aruẹdọ-ọn, ọ rhe vwo erianriẹn rẹ Ọghẹnẹ vwẹ otọ na-a;

Hosia 4:9

Kirobo rẹ ihwo na epha, ọtiọye irherẹn na je epha; Me vwẹ oja re ayen fiki rẹ idjerhe rayen, ke me re ihri rẹ umwemwu rayen vwẹ obọ rayen.

Hosia 7:1

Ọke mie vwo sivwi Izrẹl, emu ogbegbo rẹ Ifrem da rhe vwẹ oma phia, kugbe umwemwu ri Samaria, kidie ayen phiẹn ihwo, oji bẹrẹ ẹchẹ ro uwevwi, igbunegbu na re gborho vwẹ obo otafe.

Hosia 7:11

Ifiem pha kerẹ ilekuku gheghẹn, djidji o se Ijipt, o kpo Asiria.

Hosia 7:2

Ẹkẹvuọvo ayen gbi rhe roro-o nẹ me karoho iruo ọbrabra raye-en. Asakiephana uruemu rayen riariẹ ayen phihọ, ayen hẹ obaro mẹ.

Hosia 8:10

Owenẹ ayen re durhie ẹgborho na vwọ ba oma dede, Me cha ghwẹ ayen koko vwẹ ọmọke krẹn vwobọ ayen gbe cha vwẹ ivie kugbe isun vwo muẹ-ẹ.

Hosia 8:13

Ayen guọnọ izobo; eranvwe rẹ ayen vwo ze izobo ayen rerọ; ẹkẹvuọvo Ọrovwohwo vwẹ omavwerhovwẹ vwẹ aye-en. Asakiephana kọ karohọ orukuruku rayen, kọ guọghọ imwemwu rayen, ayen che rhivwi kpo Ijipt.

Hosia 8:9

Kidie ayen yanran kpo Asiria, kerẹ ekẹtẹkẹtẹ rẹ ivuẹghwa ro di muẹ yan; Ifrem re durhie igbeyan.

Hosia 9:15

Umwemwu kumwemwu rẹ ayen vwẹ oma phia vwi Gilgal; etiyin oma rẹ ayen wan tu vwe cha na. Fiki rẹ obrabra rẹ uruemu rayen ke me djẹ ayen nẹ uwevwi mẹ. Me gbe guọnọ ayen ọfa-a; isun rayen na ihwo rẹ okpetu.

Hosia 9:9

Ayen gbe oma rayen ku putu putu kerẹ ọke ri Gibeah; kọ karohọ orukuruku rayen, kọ guọghọ imwemwu rayen.

Emọs 2:4

E nẹ Ọrovwohwo na tare. Fiki rẹ ogbeku erha ri Juda, ji kugbe ẹne, Me gbe sa rhan unu rẹ ehwe na-a, fikiridie ayen sen urhi rẹ Ọrovwohwo na, ayen gbe yọnre iji rọye-e ẹkẹvuọvo efian rayen sun ayen ghwru, kirobo rẹ esẹ rayen yanre.

Maika 6:2

Nyo, ovwan igbenu na, ẹghwọ rẹ Ọrovwohwo na, kugbe ovwan ichivwo ri bẹdẹ rẹ otọ na; kidie Ọrovwohwo vẹ ihwo rọye vwo ẹghwọ, ọ vẹ Izrẹl ke cha phro aphro.

Matiu 16:27

Kidie ọmọ rẹ ohwo cha rhe vwẹ urinrin rẹ Ọsẹ rọye kugbe emakashe rọye; kọ cha hwa osa kẹ ohwo ọvuọvo kirobo rẹ iruo rọye teri.

Ọbe ri Pọl si rhe Ihwo ri Rom 2:6

Kidie ọ cha hwa osa kẹ ohwo kohwo kirobo rẹ iruo rọye epha.

Galesha 6:7

Wo ja phiẹn wẹ-ẹ, a vwẹ Ọghẹnẹ jehwẹ-ẹ, kidie okankọn kẹ okankọn rẹ ohwo kọnre, ọye o ji che vun rhe.