Hosia 11:9 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁹ Ki mi gbobọnyẹ ophu ọtuatua mẹ na, Me gbe sa guọghọ Ifremu-u, kidie Mẹvwẹ Ọghẹnẹ me dia ohwo rẹ akpọ-ọ, Ọfuanfọn Ọvuọvo vwẹ uherevie rẹ ovwan, Me gba rha rhe rhe ghwọrọ-ọ.

Hosia 11:9 ပူးပေါင်းရင်းမြစ်များ

2 Samuẹl 20:10

Ẹkẹvuọvo Amasa gbi rhe ni ọlọkọ rọ hẹ obọ ri Joab so-o; o de ghwe duvwo phihọ evun ọ gbe rha rhuẹrẹ duvwu re o ki ghwu-u. Etiyin Joab vẹ Abishai da vwọ tua Sheba ọmọ ri Bichri.

Une rẹ Ejiro 46:5

Ọghẹnẹ o hẹ uherevie rọye, e gbi se ghwie-e; Ọghẹnẹ cha uko phẹrẹkpẹ;

Une rẹ Ejiro 78:38

Dede na, rọ vwọ dia ọgba rẹ ehrọre na, o da vwẹ orukuruku rayen vwo rhovwe ayen, ọ gbe ghwọrọ aye-en, ọ da da ophu rọye ji ọke ejobi, o rhe jẹ ivuemiovwo rọye kparọ-ọ.

Une rẹ Ejiro 85:4

Vwẹ avwanre rhivwi rhe, E Ọghẹnẹ re esivwo rẹ avwanre, re wo se ivuemiovwo wẹn ne avwanre oma!

Aizaya 12:6

Kperi, so ine rẹ aghọghọ, E emotọ ri Zayọn, kidie Ọfuanfon Ọvuọvo rẹ Izrẹl na rọ uherevie rẹ ovwan na vwa rhurarho.

Aizaya 31:1

Ekan ke otu re yanran kpo Ijipt ra guọnọ ọchuko re vwẹ ẹro go iyesi, re vwẹ ẹro so ekpere re ofovwi kidie i buru re vwẹ ẹro so ihwo re gua iyesi kidie ayen ganre, ẹkẹvuọvo ayen vwẹ ẹro so Ọfuanfon Ọvuọvo rẹ Izrẹl na-a eyẹ ayen je nọ mie Ọrovwohwọ-ọ

Aizaya 41:14

Wọ djẹ oshọ-ọ, we ri Jekọp re ohori, ovwan ihwo rẹ Izrẹl! Me sa cha we uko, eriyin Ọrovwohwo tare, Ọtan wẹn ọye Ọfuanfon Ọvuọvo rẹ Izrẹl na.

Aizaya 41:16

Ku wọ va ehọrọ nẹ ayen, odju ko mu ayen yanran, aphopho kọ hra ayen. Ku wọ ghọghọ vwẹ evun rẹ Ọrovwohwo vwẹ evun rẹ Ọfuanfon Ọvuọvo rẹ Izrẹl na wo de vwo urinrin.

Aizaya 48:9

Fiki rẹ odẹ mẹ ke Me nyẹ ophu mẹ, fiki re ejiro rẹ odẹ Mẹ Me vwọ daji kẹ wẹ, rere Mi vwo ju we ẹnyavwọ kuefia.

Aizaya 5:24

Fiki rẹ ọtiọye na kirobo rẹ imwerhanre torhẹ etu na, rẹ odi ọyaya torhẹ vwẹ erhanre na, eriyin awọ rẹ umwemwu rayen cha dia gbegbo ẹbe eboba ri yoro cha ki bru ighorigho, fikiridie ayen sen urhi rẹ Ọrovwohwo rẹ otuofovwi na, ayen da jẹ ota rẹ Ọfuanfon Ọvuọvo rẹ Izrẹl na fia.

Jerimaya 26:3

Siẹvo ayen me kẹrhọn, ri dohwo dumiovwo rọye de siobọ nu, re me vwọ mrasa rhẹriẹ iroro omiomiovwi re mejẹkpahe ayen fikirẹ iruo umwemwu rayen.

Jerimaya 30:11

Kidie mi nene uwe dia vwo sivwi uwe, eriyin Ọrovwohwo tare, mi che guẹ irere na ejobi ẹdjọ ohri rẹ ihwo re me hra ovwan ra na, ẹkẹvuọvo mi che ghwọrọ ovwa-an re-e. Me cha ghwọ umuchẹghwọ ku ovwan O vwo obo re sorọ ri mi vwo je ovwan ehwe-e.

Hosia 12:1

Ifrem Osun rẹ odju, ọ vwọ tua odju rẹ obaro ọnre vwẹ ẹdẹ na ejobi; ogbarogba vẹ ozighi ra rhoma buẹ phihọ; ayen vẹ Asiria re vwo ọrhọvwekugbe, ayen re muẹ ọfigbo kpo Ijipt.

Hosia 14:4

Mi sivwi ijesegbuyota rayen ke me guọnọ ayen odedede, fikiridie ophu mẹ fuẹ nure.

Malakae 3:6

Kidie mẹvwẹ rẹ Ọrovwohwo na rhẹriẹ-ẹ; fiki rẹ ọtiọye na E emọ ri Jekọp, ọye e vwo jẹ ovwan eghwọrọ na.

Ukeri 23:19

Ọghẹnẹ dia ohwo, rọ vwọrọ ofia-an, eyẹ ọmọ rẹ ohwo, ro se kuẹrhẹriẹ-ẹ ọ ta nure, o gbi rhe ruo? Eyẹ rọ vwọ ta nu na, o gbi rhe se ruo gba?

Urhi Rivẹ 13:17

Wo gbi jẹ emuẹgha ọvuọvo tamu obọ wẹ-ẹn; rere Ọrovwohwo mrasa vwo kurhẹriẹ nẹ ophu ọgangan rọye, ro nẹ aruẹdọ wẹn, rọ rie ehrọre wẹn, ro ru we bu phihọ kirobo ro veri kẹ esẹ–ovwan na;

1 Samuẹl 26:8

Etiyin Abishai da ta kẹ Devid, Ọghẹnẹ phi ọvweghrẹ wẹn phihọ owẹ obọ nonẹ na; gbe ju vwẹ vwe ubiri mẹ na sa muorọ; me gbe rha vwariẹ ọfa-a.