Hosia 11:4 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴ Me da vwẹ irihrẹ rẹ ehrọnre vwo sun ayen, vẹ ufi rẹ ẹguọnọ. Mi de rhi hirhe phihọ ohwo ro dogho urhukpe re vwo mu ohwo vwọ kẹ ayen, Mi de rhuẹn kpotọ ra ghẹrẹ ayen.

Hosia 11:4 ပူးပေါင်းရင်းမြစ်များ

2 Samuẹl 7:14

Ke Me dia ọsẹ rọye kọ rha dia ọmọ mẹ, o de ru umwemwu, ke Me vwẹ uphiephia rẹ ohwo rẹ akpọ vwọ fa.

Une rẹ Ejiro 105:40

Ayen nọre, ọ da vwẹ irurẹ kẹ ayen ọ da vwe ikara ne obo odjuvwu rhe buebu.

Ẹyano 16:32

Mosis da ta, ọnana obo rẹ Ọrovwohwo tare na: E jẹn a sẹro rẹ omer rọye ọvo nu vwẹ uvwiẹ rẹ ovwan ejobi, rere ayen vwọ mrẹ ikara re me vwọ ghẹrẹ ovwan vwẹ evun rẹ aton, ọke re me vwọ reyọ ovwan nẹ otọ rẹ Ijipt rhe.

Solomon 1:4

Si vwe te oma wẹn, jẹn avwanre bru okpakpa. Ovie reyọ ovwẹ rhe uvun rọye. Oma ko di mu avwanre sanvwan ki mi di muẹ ghọghọ. Avwanre tete ẹguọnọ wẹn nọ udi Ọye sorọ rẹ ayen vwọ guọnọ owẹ.

Aizaya 63:9

Vwẹ evun rẹ ukpokpogho rayen ejobi ọye e kpokpori, amakashe rẹ opharo rọye ri sivwi ayen, vwẹ evun rẹ ẹguọnọ kugbe ehrọre rọye ọ da tan ayen, Ọ kpare ayen kpenu ọ de mu ayen vwẹ ọke rẹ awanre ejobi.

Hosia 2:8

Ọ gbe rha riẹn nẹ omẹvwẹ re vwẹ ọka na, vẹ udi na vẹ ọfigbo na kẹ-ẹ, nẹ mẹvwẹ re je rhaphiẹ idọnọ vẹ oro rọ rhaphiẹ kẹ Baal.

Livitikọs 26:13

Mẹvwẹ Ọrovwohwo Ọghẹnẹ rẹ ovwan, rọ reyọ ovwan vwo nẹ otọ rẹ Ijipt rhe, rere ovwan vwo je eviẹn re Ijipt ẹdia, oghwa ọhọhọhọ rọ gere ovwan ehun jovwo mi siro no rere ovwan vwọ mrẹ asan yan kpoma vi.

Iyẹnrẹ Esiri ri Jọn 12:32

mẹvwẹ dẹn, ọke ra da kpare ovwẹ kpenu nẹ akpọ na, ki mi si ihwo buebu nene oma mẹ.

2 Kọrẹnt 5:14

Kidie ẹguọnọ ri Kristi ri sun avwanre, kidie o mu avwanre ẹro nẹ ohwo ọvo ghwu kẹ avwanre ejobi; vwẹ ọtiọye na ihwo na ejobi ghwu re.

Urhi Rivẹ 32:12

Ọrovwohwo ọvo suro, edjọ vwẹ oma ba-a.

Urhi Rivẹ 32:14

Ameivie orhierhi rẹ ẹvwe, kugbe ameivie ro nẹ igegede rhe kugbe ivwri rẹ emọ rẹ igegede vẹ egbo, uchuru ri Bashan kugbe ẹvwe kugbe eka ri Me yovwi ejobi vwẹ evun rẹ ọbara ri otie wọ da da wain