Hosia 11:2 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

² Tiobo mi se ayen na, ọtiọye ayen je ghwa mrẹ vwẹ djẹ te; ayen ji ze izobo kẹ Baal, jẹn ayen ghwa torhẹ insens kẹ ema.

Hosia 11:2 ပူးပေါင်းရင်းမြစ်များ

1 Ivie 12:33

Ọ da yanran kpo obenu rẹ agbada rọ so phihọ Bẹtẹl na vwẹ ẹdẹ ihwiori rẹ orianre na, vwẹ emeranvwe ro rori vwẹ udu rọye; o de bru ẹdẹ orẹ kẹ ihwo rẹ Izrẹl, o de kpo obenu rẹ agbada ra torhẹ insẹns.

1 Ivie 18:19

Asakiephana gbe ji ohwo se re Izrẹl ejobi rhi koko vwẹ Ugbenu ri Karmẹl, ji se emraro ujori ẹne gbe ujuvẹ gbe ihwe ri Baal kugbe emraro ujori ẹne ihwo rẹ Ashera, re re emu vwẹ imẹjẹ ri Jezibẹl.

Nehemaya 9:30

Ikpe buebu wo chiri ako rẹ ayen, wọ da wan oma re emraro na vwe Erhi wẹn ta ota kẹ ayen; dede na ayen davwerhọ-ọn. Fiki rẹ ọtiọye na wo de phi ayen phihọ obọ re ihwo rẹ otọ na.

Aizaya 65:7

orukuruku rayen kugbe orukuruku rẹ ese rayen kugbe, eriyin Ọrovwohwo tare; fikiridie ayen torhẹ egẹn vwẹ enu rẹ igbenu na ayen da van ku vwe vwẹ enu rẹ igbenu itete na, Me cha vwanvwe phihọ agada rayen osa re ọbo rayen ruru rhabae.

Jerimaya 18:15

Ẹkẹvuọvo me chọrọ ihwo mẹ ẹro, ayen torhẹ insẹns kẹ eghẹnẹ rẹ efian, ayen yẹghrẹ vwẹ idjerhe rayen, vwẹ idjerhe rẹ awanre na, ri hirhe phihọ obẹnẹ rọ dia idjerhe rọde-e.

Jerimaya 35:13

Enẹ Ọrovwohwo rẹ otuofovwi, Ọghẹnẹ rẹ Izrẹl na tare: Yanran ra ta kẹ eshare ri Juda vẹ ihwo re dia Jerusalẹm, Wa reyọ uyono re wa kerhọn rẹ eta mẹ? Eriyin Ọrovwohwo tare.

Jerimaya 44:5

Ẹkẹvuọvo ayen kerhọ-ọn, ayen vwẹ erhọn kpotọ-ọ, vwo kurhẹriẹ nẹ umwemwu rayen vwo je ugboduma ẹtorhẹ kẹ edjọ efa-a.

Hosia 11:7

Ihwo mẹ kẹ ukuko ayen siẹ phihọ kẹ vwẹ, ọtiọye na e de kru oghwa nyẹ ayen, rẹ ohwo ọvuọvo se mu-u.

Hosia 2:13

Ki mi vwẹ oja riọ fiki rẹ ẹdorẹ ri Baal ọke rọ vwọ torhẹ insens kẹ ayen rọ vwọ vwẹ Isa vẹ ejọnrọn vwọ rhuẹro oma rọye, ro de nenesi rẹ esen rọye, Me da chọrọ ẹro, ọtiọye Ọrovwohwo tare,

Hosia 4:13

Ayen ze izobo vwẹ enu rẹ igbenu na, ayen da ghwẹ Izobo kpahe enu rẹ igbenu itete, vwẹ esiri rẹ ohahe, esiri rẹ afon vẹ esiri rẹ oghriki, kidie ophie rayen yovwiri. Fiki rẹ ọtiọye na emetẹ wẹn vwo gbe igberadja, rẹ epha rẹ ovwan vwo gbe ọfarhie.

Hosia 4:17

Ifrem vwẹ oma ba edjọ, wa yan jo vwo.

Zekaraya 1:4

Wa họhọ esẹ rẹ ovwa-an, e rẹ emraro rẹsosuọ kperi phia kẹ, E nẹ Ọrovwohwo rẹ otuofovwi tare, We rhivwi nẹ idjerhe umwemwu rẹ ovwan vẹ uruemu ebrabra rhe. Ẹkẹvuọvo ayen nyo vwe-e, ayen je kerhọn mẹ-ẹ, Ọrovwohwo tare.

Zekaraya 7:11

Ẹkẹvuọvo ayen kerhọ-ọn ayen de si igabọn te ohọre, rhurhu erhọn rayen re ayen je nyo.

Iyẹnrẹ Esiri ri Luk 13:34

E Jerusalẹm, Jerusalẹm, ro hwe emraro na ro phiẹ ihwo re ji bru we rhe hwe! Bro ọke me ghwẹ emọ rẹ ovwan koko te kerẹ ọhọ rọ vwẹ ibekpe rhurhu emọ rọye, yẹ ovwan kerhọ-ọn.

Iyẹnrẹ Esiri ri Jọn 3:19

Ọnana hẹ obruhwe na, nẹ urhukpe na rhe akpọ na nure, ihwo da guọnọ ebri jẹ urhukpe na vwo, fikiridie uruemu rayen ọbrabra.

Iruo rẹ Iyinkọn na 7:51

Ovwan ihwo re vẹ udu kpoi na, vẹ udu vẹ erhọn koi, ovwan nene Erhi Ofuanfon sivwi oma kọke kọke. Kirobo rẹ esẹ rẹ ovwan ruru, ọtiọye we ji ruẹ na.

Iguẹdjọ 10:6

Ihwo rẹ Izrẹl da rhoma ru emu omiomiovwi vwẹ obaro rẹ Ọrovwohwo na, ayen da gọ Baal kugbe Ashera, te edjọ ri Syria, edjọ ri Sidọn, edjọ ri Mọab, edjọ rẹ ihwo rẹ Ammọn, kugbe edjọ ri Philitia na; ayen da sen Ọrovwohwo na, ayen gbe ga-a.

Iguẹdjọ 2:13

Ayen da sen Ọrovwohwo na, ayen da ga Baal kugbe Ashera.

Iguẹdjọ 3:7

Ihwo rẹ Izrẹl de ru obo ro miovwiri vwẹ obaro rẹ Ọrovwohwo, Ọrovwohwo rẹ Ọghẹnẹ na da chọrọ ayen ẹro, ayen da ra ga Baal kugbe Ashera.