Hosia 10:5 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁵ Ihwo ri Samiera re muẹ phariẹ fiki rẹ ọmọ rẹ erhuẹn ri Bẹtaven. Ihwo rọye ki che muomahọ kẹ, irherẹn rẹ edjọ rayen ki che muomahọ kẹ, fiki rẹ urinrin rọye ro muro oma.

Hosia 10:5 ပူးပေါင်းရင်းမြစ်များ

Ivie rẹ Ivẹ 10:29

Ẹkẹvuọvo Jehu siobọ nẹ umwemwu ri Jeroboam rẹ ọmọ ri Nebat na-a, oruchọ rọ nẹrhẹ Izrẹl ru umwemwu, ipene rẹ irhuẹn ra vwẹ iro duvwu phihọ Bẹtẹl, vi Dan.

Ivie rẹ Ivẹ 17:16

Ayen da siẹn irhi rẹ Ọrovwohwo Ọghẹnẹ rayen, ayen de duvwu upene rẹ irhuẹn ivẹ kẹ oma rayen, ayen da ma Ashera, ayen da gọ ema rẹ obo odjuvwu, ayen da gọ Baal.

Ivie rẹ Ivẹ 23:5

O de si irherẹn re gọ ẹdjọ na ni ẹdia rẹ irherẹn rẹ ivie ri Juda vwo mu nẹ etorhẹ ugboduma vwẹ asan ri Kpenu vwẹ irere ri Juda re yariẹ Jerusalẹm phihọ; eriyin je hẹ otu re torhẹ ugboduma kẹ Baal, vwọ kẹ ọnre vẹ emeranvwe vẹ isio, vẹ ekuakua ejobi rẹ hẹ idjuvwu na.

2 Ikun rẹ Ivie 11:15

Ọ da vwẹ irherẹn rọbọ rọye mu kẹ asan ri kpenu, vwọ kẹ ighoghori, kugbe irhuẹn ro duvwuru.

2 Ikun rẹ Ivie 13:8

Asakiephana ku wo rori nẹ udu wẹn cha gba uvie rẹ Ọrovwohwo vwẹ obọ rẹ emọ ri Devid, fikiridie wẹ urogho we ki rhe vwo emọ rẹ irhuẹn rẹ oro ri Jeroboam duvwuru nẹ dia ẹdjọ kẹ ovwan.

Aizaya 46:2

Ayen rhuẹnri, ayen gbe uyovwi otọ kugbe, ayen se sivwi oghwa na-a, ẹkẹvuọvo ekpuyovwi rayen che kpo ighuvwu.

Hosia 13:2

Asakiephana kẹ ayen ruẹ umwemwu buẹ phihọ, ayen de duvwu oma ra wranre kẹ oma rẹ ayen, oma ra vwẹ idọnọ efuanfon vwo ru re bru ona phihọ, ayen ejobi iruo rẹ ọwena. We ze izobo kẹ enana, ayen me ta, ihwo ke fiọnfiọn ema rẹ irhuẹn unu!

Hosia 4:15

Owene wo gbe igberadja, E Izrẹl, wo ji Juda reabe-e, Wọ vwẹriẹ Gilgal re, eyẹ wọ kpọ enu rẹ Betave-en, wo duvwu iyori nẹ, Kirobo rẹ Ọrovwohwo herọ na.

Hosia 5:8

Hworo owanre vwi Gibia, hworo owanre vwi Rama Bunu vwi Bẹtaven Phariẹ, E Bẹnjamin.

Hosia 9:1

Wọ ghọghọ-ọ, E Izrẹl! wo jẹn oma vwerha owẹ kerẹ ihwo na-a; kidie wo gbe igberadja, wọ da sen Ọghẹnẹ wẹn. Osa ra hwa kẹ igberadja ọye ri je we vwẹ utuwevwi re de wuye.

Hosia 9:11

Urinrin rẹ Ifrem kọ cha rhan jovwo kerẹ ọmọphran o vwo uvwiẹ-ẹ o vwo evun ẹmrẹ-ẹ, o vwo emeranvwe ẹchọra-a.

Emọs 3:14

Vwẹ ẹdẹ mi de che hwẹ Izrẹl fiki rẹ ogbeku rọye, Me je cha guọghọ egbada ri Bẹtẹl, ka cha nyavwe ighoro rẹ agbada na kufia ki che she teye otọ.

Zẹfanaya 1:4

Ke me riẹn obọ mẹ kpahe Juda, vwọ kpahe ihwo re dia Jerusalẹm; ke me nyavwẹ umuku ri Baal ro chekọ nẹ etinẹ kugbe odẹ rẹ irherẹn re gọ edjọ na.

Iruo rẹ Iyinkọn na 19:27

Ọna okpetu rode ọ dianẹ eki rẹ avwanre na ọvo ri che she-e ẹkẹvuọvo uwevwi rẹ ẹga rẹ ẹdjọ rode na Atẹmis na ji che she rhe, erhuvwu rọye kọ cha ghwọrọ, ẹdjọ rẹ Esha kugbe akpọ na ejobi ga.

Joshua 7:2

Joshua de ji ihwo nẹ Jeriko kpo Ai, rọ kẹrẹ Betavẹn, vwẹ obaro ọnre ri Bẹtẹl, ọ da ta kẹ ayen, Wan yanran re dorhẹ rẹ otọ na. Ihwo na da yanran ra dorhẹ rẹ Ai.

Iguẹdjọ 18:24

Etiyin ọ da ta kẹ ayen nẹ, ovwan reyọ edjọ mẹ re me manre, kugbe orherẹn mẹ yanran, kidie rhe chekọ kẹ vwẹ?