Hosia 10:1 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹ Izrẹl epha kerẹ vain pọkọpọkọ rọ mọ emamọ rọye. Ọtiobo rẹ emamọ rọye buẹ te ọtiọye ọ je ghwa so egbada buebu te; kerẹ obo rẹ ọrho rọye yovwẹ te ọtiọye ọ je ghwa ma osusu te.

Hosia 10:1 ပူးပေါင်းရင်းမြစ်များ

1 Ivie 14:23

Kidie ayen je bọn asan ri kpenu kẹ oma rayen kugbe isunsun, vẹ ighriki vwẹ enu rẹ ugbenu kugbenu ro kpenu kugbe otọ kotọ rẹ irhe ekpokpọ;

Jerimaya 11:13

Kidie obo rẹ irere rẹ ovwan bute eriyin edjọ rẹ ovwan ji bute, E Juda, kirobo rẹ irhuvwu wẹn bute etiọye egbada re vwo vi kẹ omaẹvuọ rẹ ovwan ji bute vwi Jerusalẹm, egbada ra da torhẹ insẹns kẹ Baal.

Jerimaya 11:17

Ọrovwohwo rẹ otuofovwi na, rọ kọn we na, ghwoghwo umiovwo kpahe owẹ, fiki rẹ umwemwu rẹ uwevwi rẹ Izrẹl vẹ uwevwi ri Juda ruru, vwọ nẹrhẹ ovwẹ phihọ ophu rẹ ayen vwo torhẹ incẹns kẹ Baal.

Jerimaya 2:28

Ẹkẹvuọvo kẹ ẹdjọ rẹ ovwan na rhọ ru wa ma kẹ oma rẹ ovwan na? Gbe jẹn ayen vrẹn se ayen se sivwi ovwan vwẹ ọke rẹ ukpokpogho rẹ ovwan kidie ọtiobo rẹ irere rẹ ovwan bu te na, eriyin edjọ rẹ ovwan ji bu te, E Juda.

Hosia 12:11

Ọ dianẹ orukuruku herọ vwi Gilead ọ rẹ uyota ayen che fiabọ, ayen vwẹ irhuẹn ze izobo vwi Gilead agbada rayen cha dia kerẹ ẹko rẹ ibieragha ra ghwẹ koko vwẹ udju.

Hosia 12:8

Ifrem tare, E mi feri mi feri ke oma mẹ, ẹkẹvuọvo efe rọye ejobi che se si abe ro rere no oma-a.

Hosia 13:15

Owenẹ ọ rho bodo bodo kerẹ ẹgon, odju rẹ obaro ọnre, odju rẹ Ọrovwohwo cha rhe, ọ kpara nẹ obo aghwa cha; ogbugbu rọye cha kpọ, imigbo rọye cha yamu, o che hwerhe kemu kemu esiri rọ sẹro rọye nu ejobi kufia.

Hosia 13:2

Asakiephana kẹ ayen ruẹ umwemwu buẹ phihọ, ayen de duvwu oma ra wranre kẹ oma rẹ ayen, oma ra vwẹ idọnọ efuanfon vwo ru re bru ona phihọ, ayen ejobi iruo rẹ ọwena. We ze izobo kẹ enana, ayen me ta, ihwo ke fiọnfiọn ema rẹ irhuẹn unu!

Hosia 13:6

Ẹkẹvuọvo rẹ evun vwọ vọn ayen nu, oma ko mu ayen, udu rayen da kpare kpenu. Ọye me da chọrọ ayen ẹro.

Hosia 2:10

Asakiephana ke me ban amwa no vwẹ obaro rẹ esen rọye, ohwo ọvuọvo gbi se sio nẹ obọ mẹ-ẹ,

Hosia 2:8

Ọ gbe rha riẹn nẹ omẹvwẹ re vwẹ ọka na, vẹ udi na vẹ ọfigbo na kẹ-ẹ, nẹ mẹvwẹ re je rhaphiẹ idọnọ vẹ oro rọ rhaphiẹ kẹ Baal.

Hosia 3:4

Kidie emọ rẹ Izrẹl ke dia vwẹ ẹdẹ buebu ayen gbi vwo ovie-e yẹrẹ osu-un, ọ rhe vwo izobo e ze-e yẹrẹ uchivwo-o, ibuluku yẹrẹ utẹ-ẹ.

Hosia 4:7

Ọtiọbo rẹ ayen bute, ọtiọye ayen ji ghwe ru imwemwu kpahe ovwẹ, Me rhẹriẹ urinrin rayen vwo kpo omẹvuọ.

Hosia 8:11

Kidie Ifrem so egbada pruru ro vwo ru umwemwu, i de ghine hirhe phihọ egbada rẹ imwemwu kẹ.

Hosia 8:4

Ayen vwẹ ivie mu, yẹ ẹkẹvuọvo ayen wan oma mẹ-ẹ. Ayen vwẹ isun mu, yẹ ẹkẹvuọvo me riẹnre-e. Idọnọ vẹ iro rayen ayen vwo duvwu ema, vwọ kẹ ẹghwọrọ rẹ ayen.

Livitikọs 26:1

Ovwan kare ẹdjọ ọvuọvo kẹ oma rẹ ovwa-an, emu kemu re bru ona phihọ we vwo viẹ-ẹ eyẹ wa ma osusu-un, wa je kare oragha vwo viẹ vwe otọ wẹn na-a, re we diguẹ ke aye-en, Kidie Mẹvwẹ Ọrovwohwo Ọghẹnẹ wẹn.

Nahum 2:2

Kidie Ọrovwohwo rhoma vwẹ ọrho ri Jekọp cha kerẹ ọrho rẹ Izrẹl, kidie igbunegbu gborho ayen ayen da guọghọ eghọn rayen.

2 Kọrẹnt 5:16

Vwẹ ọtiọye na, kẹ etinẹ ara re, vwẹ ẹbẹre rẹ ohwo rẹ akpọ avwanre gbi se ohwo ọvuọvo gbe emu-u; dede na ọtiọye avwanre ji ji Kristi ese gbe emu vwẹ ẹbẹre rẹ ohwo rẹ akpọ, avwanre rha reyọ phihọ ọtiọye ọfa-a.

Filipae 2:21

Ọ robọ rayen ọvo ayen ejobi na guọnọ, ọ dia ọ ri Kristi-i.