Hosia 1:7 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁷ Ẹkẹvuọvo me re ehrọre rẹ uwevwi ri Juda, ki mi sivwi ayen vwẹ oma rẹ Ọrovwohwọ rẹ Ọghẹnẹ rayen, Me vwẹ umurhabọ sivwi aye-en, eyẹrẹ ọlọkọ, eyẹrẹ ofovwi eyẹrẹ Iyesi, eyẹrẹ ihwo re gua iyesi.

Hosia 1:7 ပူးပေါင်းရင်းမြစ်များ

Ivie rẹ Ivẹ 19:29

Ọnana kọ cha dia oka kẹ wẹ; ukpe nana ku wọ cha re ekakọn ri mu djẹ, ukpe rivẹ ekakọn yena re djẹrhe, ukpe rerha, ko wọ kọn, ku wo vun, ku wọ kọn egbo ri vain ku wọ re ibi rayen.

Ivie rẹ Ivẹ 19:34

Kidie me cha chochọ rẹ orere na ri mi sivwo, vwi fiki mẹ vẹ fiki ri Devid odibo me.

Ivie rẹ Ivẹ 19:35

Vwẹ ason yena amakashe rẹ Ọrovwohwo da yan phia, o de hwe ihwo uriori ujori gbẹ ujọne gbẹ iyori vwẹ erhọn rẹ ihwo rẹ Asiria; ọke rẹ eshare na vwọ rhọvwọn vwẹ urhiọke rhirhi, nighe enana ejobi kẹ iririvwi.

Ivie rẹ Ivẹ 6:18

Ọke rẹ ihwo ri Siria vwo tue rhurho, Ilaesha da nẹ ẹrhovwo kẹ Ọrovwohwo, ọ da ta, Ghwiẹ ihwo nana, me rẹ wẹ, vẹ ẹro erhuo. Ọ da ghinẹ ghwiẹ ayen vẹ ẹro erhuo kirobo rẹ Ilaesha nẹ ẹrhovwo wan.

Une rẹ Ejiro 33:16

Ovie ọ dianẹ ke unuofovwi rọye ri se sivwo-o; ọgba rẹ ofovwi ọ dianẹ kẹ ogangan rọye ri sivwo-o,

Une rẹ Ejiro 44:7

Ẹkẹvuọvo we ri sivwi avwanre nẹ obọ re ivwighrẹ re avwanre, ayen otu ri tuoma re avwanre wo de bi ayen phihọ ozighi

Ẹyano 14:13

Mosis da ta kẹ ihwo na, Wa djoshọ-ọ, we mudia gan, re wa mrẹ esivwo rẹ Ọrovwohwo na, ro che ru kẹ ovwan nonẹ na, kidie ihwo rẹ Ijipt re wa mrẹ nonẹ na, wa gbe cha mrẹ ayen ọfa-a.

Ẹyano 14:30

Enẹ Ọrovwohwo sivwi Izrẹl nẹ abọ rẹ ihwo rẹ Ijipt; Izrẹl da mrẹ ihwo rẹ Ijipt ri ghwuru vwẹ oma rẹ abadi na.

Aizaya 12:2

Nighere, Ọghẹnẹ esivwo mẹ; ọye me vwẹ ẹro so, oshọ gbi mu vwe-e; kidie Ọrovwohwo Ọghẹnẹ ọye ogangan mẹ kugbe une mẹ, ọ rha rhoma hirhe esivwo mẹ re.

Aizaya 30:18

Fiki rẹ ọtiọye na Ọrovwohwo vwọ hẹrhẹ rọ vwọ ni arodọvwẹ wẹ kọye ọ da vwẹ oma rọye kpenu ro vwo dje aruẹdọn rọye kẹ wẹ. Kidie Ọrovwohwo ọye Ọghẹnẹ rẹ ọsoso ebruba kẹ ayen ihwo re hẹrhereẹ.

Aizaya 49:6

ọ da ta, Emu ọphapharhe rere wọ vwọ dia odibo mẹ ra vwọ kpare uvwiẹ ri Jekọp vrẹn kugbe rere a vwọ sẹro rẹ uchekotọ rẹ Izrẹl; Me vwẹ owẹ ru urhukpẹ kẹ ẹgborho na, rere esivwo Mẹ rhi vwo te oba rẹ akpọ na.

Aizaya 7:14

Fiki rẹ ọtiọye na Ọrovwohwo ọvo kọye cha vwẹ oka kẹ wẹn. Nighe, eghene aye cha mrevun, ko che vwiẹ ọmọ, ke se odẹ rọye Imanuẹl.

Jerimaya 25:5

tanẹ, rhẹriẹ asakiephana ovwan na ejobi, nẹ idjerhe umwemwu vẹ iruo ebrabra rọye na, re wa dia otọ rẹ Ọrovwohwo vwọ kẹ ovwan vẹ esẹ rẹ ovwan nẹ awanre rhe rhiri bẹdẹ;

Jerimaya 25:6

ovwan yan nene eghẹnẹ efa re wa ga ayen, shiguẹ kẹ aye-en, eyẹ wa vwẹ iruo rẹ abo rẹ ovwan kpare ovwẹ ophu-u. Me gbe wan ovwan oma-a.

Jerimaya 33:26

kẹsiẹye me ke siẹn uvwie ri Jekọp vẹ Devid odibo mẹ mia rha sanọ ọvo vwẹ emọ rọye na nẹ ọ re uvie vwẹ enu rẹ uvwiẹ rẹ Ebraham, Aizik, vẹ Jekọp ofa-a. Kidie me cha vwẹ oyovwe rayen rhivwi rhe ki mi ji che ni arodọvwẹ rayen.

Hosia 1:8

Ọke re vwo bru Ovwo-ehrọre-e evie nu, ọ da mrẹ evun ọ de vwiẹ ọmọshare.

Hosia 11:12

Ifrem vwọron efia rhurhu uvwe uwevwi rẹ Izrẹl vẹ ọphiẹnvwẹ; ẹkẹvuọvo Ọghẹnẹ je riẹn Juda, ọ je hẹ ohwo rẹ uyota kẹ Ọfuanfon Ọvuọvo na.

Zekaraya 4:6

Etiyin ọ da ta kẹ vwẹ, Ọnana ota rẹ Ọrovwohwo ta kẹ Zerubabẹl: Ọdia ẹgba-a, yẹrẹ oganga-an, ẹkẹvuọvo Erhi Mẹ, Ọrovwohwo rẹ otuofovwi tarọ.

1 Samuẹl 17:47

Ọghwẹgbe nana kọ riẹn nẹ Ọrovwohwo vwẹ ọlọkọ vẹ oshue vwọ sivwẹ-ẹ; kidie ofovwi na ọ rẹ Ọrovwohwo ko phi we phihọ obọ mẹ.