Hosia 1:6 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁶ Ọ vwọ rhoma mrẹ evun o de vwiẹ ọmọtẹ. Ọrovwohwo da ta kẹ, Se odẹ rọye Ovwo-ehrọre-e, fikiridie me gbe cha re ehrọre rẹ uwevwi rẹ Izrẹl ọfa-a, mi che vwo ghovwo ayen kakaka-a.

Hosia 1:6 ပူးပေါင်းရင်းမြစ်များ

Ivie rẹ Ivẹ 17:20

Ọrovwohwo da siẹn ekrun rẹ Izrẹl ejobi, Ọ da vwẹ oja re ayen, o de siobọ nẹ ayen kẹ ihwo re ghwọrọ ihwo, bẹsiẹ rọ rhe vwọ djẹ ayen ejobi nẹ obaro rọye.

Ivie rẹ Ivẹ 17:6

Vwẹ ukpe rirhiri ri Hoshea ovie rẹ Asiria de mu Sameria, ọ da kua ihwo rẹ Izrẹl kpo Asiria, ọ da ghwa ayen phihọ Hala, kugbe Habo, urhie ri Gozan, kugbe evun rẹ irere rẹ ihwo ri Mid.

Aizaya 27:11

Ọke rẹ eghọn rọye da ya ki vwirhẹ; eya ke cha vwẹ ayen mu erhanre. Kidie enana ihwo re mrẹ emu vughe-e. Vwẹ ọtiọye na ọ rọ ma ayen gbe re ehrọre raye-en. ọ rọ mama ayen gbe vwẹ ẹro esiri ni aye-en.

Hosia 1:8

Ọke re vwo bru Ovwo-ehrọre-e evie nu, ọ da mrẹ evun ọ de vwiẹ ọmọshare.

Hosia 2:23

ke me kọn phihọ otọ na kẹ oma mẹ ke me re ehrọre kẹ ro vwo ehrọre-e ke me ta kẹ ihwo re dia ihwo mẹ-ẹ, Ovwan ihwo mẹ, Kọ ta nẹ, Wẹ Ọghẹnẹ mẹ.

Hosia 2:4

Me rha re ehrọre rẹ emọ rọye-e, kidie ayen emọ rẹ ọfarhiẹ.

Emọs 7:8

Ọrovwohwo na da ta kẹ vwẹ, Emọs, die wọ mrẹre? Me da ta, Ovwavwọn. Etiyin Ọrovwohwo na da ta, Nighere, mi phi ovwavwọn phihọ ohri rẹ ihwo rẹ Izrẹl; Me gbe cha wan oma rayen vrẹ-ẹn,

Emọs 9:8

Nighere, ẹro rẹ Ọrovwohwo Ọghẹnẹ ọ he enu rẹ uvie rẹ umwemwu, ki mi hwe nẹ otọ na; ji mi che hwe uwevwi ri Jekọp ejobi-i, eriyin Ọrovwohwo na tare.

1 Pita 2:10

Devure ovwan dia ihwo jovwo-o ẹkẹvuọvo asakiephana ovwan kẹ ihwo rẹ Ọghẹnẹ; ovwan je mrẹ arodọvwẹ jovwo-o ẹkẹvuọvo asakiephana ovwan mrẹ arodọvwẹ reyọ re.