Hosia 1:4 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴ Ọrovwohwo da ta kẹ, se odẹ rọye Jezrẹl, vwẹ ọmọke emerha, ke me cha vwẹ oja rẹ uwevwi ri Jehu fiki rẹ ọbara ri Jezrẹl, uvie rẹ uwevwi rẹ Izrẹl kọ vwo oba.

Hosia 1:4 ပူးပေါင်းရင်းမြစ်များ

Ivie rẹ Ivẹ 10:1

Asakiephana Ehab vwo emọ ujorha gbẹ ihwe vwi Sameria. Jehu de si ọbe vwo kpo Sameria, vwo rhe isun rẹ orere na, vẹ ekpako, kugbe ihwo re vwẹ ẹro te emọ rẹ Ehab, tanẹ.

Ivie rẹ Ivẹ 10:17

Ro rhi vwo te Sameria, o de hwe ihwo rẹ Ehab ri chekọ vwi Sameria, bẹsiẹ ro rhi vwo phoro ayen ejobi nẹ otọ na, kirobo rẹ ota rẹ Ọrovwohwo epha rọ ta kẹ Ilaija.

Ivie rẹ Ivẹ 15:29

Vwẹ ọke ri Peka ovie rẹ Izrẹl vwo suẹn, ọye Tigiatpileza ovie rẹ Asiria rhe vwọ kua Ijọn, vẹ Abel-bet-maka, vi Janoa, vi Kedẹsh, vi Hazo, vi Giliad, kugbe Galili vẹ otọ ri Naftali ejobi; o de mu ihwo na ighuvwu kpo Asiria.

Ivie rẹ Ivẹ 15:8

Vwẹ ukpe ọgban gbẹ ẹrenre rẹ Azaraya ovie ri Juda, Zekaraya ọmọ ri Jeroboam de sun Izrẹl vwi Sameria emeranvwe esan.

Aizaya 7:14

Fiki rẹ ọtiọye na Ọrovwohwo ọvo kọye cha vwẹ oka kẹ wẹn. Nighe, eghene aye cha mrevun, ko che vwiẹ ọmọ, ke se odẹ rọye Imanuẹl.

Aizaya 8:3

Mi de bru ọmraro rẹ aye na ra, ọ da mrevun o de vwiẹ ọmọshare. Etiyin Ọrovwohwo da ta kẹ vwẹ, se odẹ rọye Mahashalal-hashbaz;

Aizaya 9:6

Kidie avwanre e vwiẹ ọmọ na kẹ, avwanre a vwẹ ọmọ na kẹ, isuesun na kẹ igabọ rọye ọ cha dia, ke se odẹ rọye Ọgba-Aghwanre, Ọghẹnẹ ro vwo Ogangan, Ọsẹ ri Bẹdẹ, Ọmọ rẹ ovie rẹ Ufuoma.

Jerimaya 20:3

Vwẹ ẹdẹ rivẹ, ri Pashọ vwọ rhan Jerimaya nẹ igoni na nu, Jerimaya da ta kẹ, Ọrovwohwo se odẹ wẹn Pashọ-ọ, ẹkẹvuọvo Imuọshọ vwẹ abọ kabọ.

Jerimaya 23:2

Ọtioye na enẹ Ọrovwohwo, Ọghẹnẹ rẹ Izrẹl tare, kpahe isuigegede ri nẹ ihwo mẹ: wa hra ukoko rẹ igegede mẹ, wa djẹ ayen ghwru, wa vwẹ ẹro te aye-en. Nighe, Me cha mrẹ ovwan fiki rẹ iruo omiomiovwi rẹ ovwan, eriyin Ọrovwohwo tare.

Jerimaya 3:8

Ọ riẹnre nẹ fiki rẹ igberadja rẹ Izrẹl, ohwo ọfafarhiẹ na, mi vwo si ọbe kẹ nẹ o kpo, dede na oshọ se mu oniọvo ofian rọye na Juda-a, ẹkẹvuọvo ekpuyovwi rọye da je yanran re gbe igberadja.

Izikiẹl 23:10

Enana keye banrọ phihọ na, ayen de gborho emeshare rọye vẹ emetẹ rọye, ekpuyovwi rọye ayen da vwẹ ọlọkọ nyavwọ hwe, o de rhi hirhe phihọ oha vwẹ ohri rẹ eya na, vwẹ ọke re vwo brorhiẹ hwe nu.

Izikiẹl 23:31

Idjerhe rẹ oniọvo wẹ neneri ọye wo ji nene na, fiki rẹ ọtiọye na ki mi phi uko rọye phihọ owẹ obọ.

Hosia 1:6

Ọ vwọ rhoma mrẹ evun o de vwiẹ ọmọtẹ. Ọrovwohwo da ta kẹ, Se odẹ rọye Ovwo-ehrọre-e, fikiridie me gbe cha re ehrọre rẹ uwevwi rẹ Izrẹl ọfa-a, mi che vwo ghovwo ayen kakaka-a.

Hosia 1:9

Ọrovwohwo da ta, se odẹ rọye Ọdia-ihwo-mẹ-ẹ, fikiridie ovwan dia ihwo mẹ-ẹ, Me je dia Ọghẹnẹ wẹ-en.

Hosia 2:13

Ki mi vwẹ oja riọ fiki rẹ ẹdorẹ ri Baal ọke rọ vwọ torhẹ insens kẹ ayen rọ vwọ vwẹ Isa vẹ ejọnrọn vwọ rhuẹro oma rọye, ro de nenesi rẹ esen rọye, Me da chọrọ ẹro, ọtiọye Ọrovwohwo tare,

Hosia 2:22

otọ ke rha kpahe kẹ eka, udi kugbe ọfigbo, ayen ejobi ke kpahe kẹ Jezrẹl,

Hosia 9:17

Ọghẹnẹ mẹ cha kpare ayen kufia, kidie ayen davwerhọn rọye-e; ayen ki che suosuo vwẹ ohri rẹ ẹgborho na.

Emọs 9:8

Nighere, ẹro rẹ Ọrovwohwo Ọghẹnẹ ọ he enu rẹ uvie rẹ umwemwu, ki mi hwe nẹ otọ na; ji mi che hwe uwevwi ri Jekọp ejobi-i, eriyin Ọrovwohwo na tare.

Matiu 1:21

O che vwiẹ ọmọ ku wo se odẹ rọye Jesu, fikiridie ọye che sivwi ihwo rọye nẹ umwemwu.

Iyẹnrẹ Esiri ri Luk 1:13

Ẹkẹvuọvo amakashe na da ta kẹ, Zakaraya wọ djẹ oshọ-ọ, kidie enyo ẹrhovwo wẹn, aye wẹn Flizabẹt che vwiẹ ọmọshare, ku wo se odẹ rọye Jọn.

Iyẹnrẹ Esiri ri Luk 1:31

Nighe, wọ cha mrevun ku wo che vwiẹ ọmọshare, ku wo se odẹ rọye Jesu.

Iyẹnrẹ Esiri ri Luk 1:63

Ọ da nọ ekpẹn rẹ ọbe kugbe imẹjẹ, o de sio nẹ, E se odẹ rọye Jọn. O de gbe ayen ejobi unu,

Iyẹnrẹ Esiri ri Jọn 1:42

Ọ da reyọ vwo rhe Jesu. Jesu de no, ọ da ta, Wẹ hẹ Saimọn na ọmọ ri Jọn? E che se we Kifas (otọ rọye oragha).

Joshua 19:18

Ubrotọ roye etiyin enana epha Jezrẹl, Chesollot, Shunẹm,