Hibru 9:7 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁷ ẹkẹvuọvo ubruwevwi rivẹ na orherẹn rode na ọvo kọye re ruọ, ẹsiẹvo egbukpe, ọ me ra reyọ ọbara kọye ọ vwọ gọ iye kẹ oma rọye kugbe oruchọ rẹ ihwo na ejobi.

Hibru 9:7 ပူးပေါင်းရင်းမြစ်များ

2 Samuẹl 6:7

Ophu de mu Ọrovwohwo kpahe Uzza; Ọghẹnẹ da ghwiẹ etiyin kidie ọ vwẹ obọ rọye te ekpeti na; o de ghwu vwẹ etiyin vwẹ oma rẹ ekpeti rẹ Ọghẹnẹ na.

2 Ikun rẹ Ivie 33:9

Manasse da riẹriẹ Juda vẹ ihwo re dia Jerusalẹm, ọ da nẹrhẹ ayen ru umwemwu nọ ẹgborho rẹ Ọrovwohwo guọghọ nu kẹ ihwo rẹ Izrẹl dia.

Une rẹ Ejiro 19:12

Ẹkẹvuọvo kono se vughe oruchọ rọye? hworhẹ ovwẹ ne ogbeku mẹ re djahere.

Une rẹ Ejiro 95:10

Kidie ikpe ujuvẹ mi tuoma re uvwiẹ yena Me da ta, Ayen ihwo ri ghwruru vwe udu rayen, ayen se idjerhe mẹ gbe emu-u.

Ẹyano 30:10

Erọn kọ gọ ẹgua no oma vwẹ enu rẹ ighoro rọye obọvo ẹgbukpe; ọbara rẹ izobo ra vwo gọ ẹgua rẹ umwemwu na kọye ọ vwọ gọ ẹgua kẹ obọvo ẹgbukpe na vwẹ uvwiẹ wẹn ejobi; ọ rọ ma fon gangan kẹ Ọrovwohwo.

Aizaya 28:7

Enana ejobi na re kpogho vẹ idi, idi egangan re mu ayen gele; te orherẹn vẹ ọmraro re gele vẹ idi gangan, ayen ghwruru vwi jẹn obaro enote, ayen beghe vwẹ orhiebro

Aizaya 29:14

fiki rẹ ọtiọye na, nighe, me cha rhoma vwẹ ihwo nana ru emu rẹ igbunu, emu rẹ igbunu rode, aghwanre rẹ ọvwaghwanre rayen na ejobi ke guọghọ, evughe rẹ ihwo re mrẹ emu vughe ejobi ke che sionu.

Aizaya 3:12

Ihwo mẹ imitete ki shenyẹ ayen, eya ki che sun ayen. E ihwo mẹ, isun rẹ ovwanvwan sun ovwan ghwru, ayen de phi ozighi phihọ ada rẹ ovwan.

Aizaya 9:16

kidie ihwo ri sun ihwo nana sun ayen ghwru, ihwo rẹ ayen sunrun ejobi e mu ayen rọ.

Hosia 4:12

Ihwo mẹ re duotọ rẹ akpọ vwẹ obọ rẹ ubrurhe, ọkpọ rayen kọye ayen vwọ bọ epha. Kidie urhuru sivwe rẹ ọfarhiẹ sun ayen ghwru, ayen da yan jẹn Ọghẹnẹ rayen vwo re gbe igberadja.

Livitikọs 16:34

Ọnana kọ dia urhi re vwo sun ovwan bẹdẹ, re a vwọ gọ ẹgua nẹ ihwo rẹ Izrẹl oma ẹsiẹvo ẹgbukpe fiki rẹ imwemwu rayen ejobi Mosis de ghine ru ọtiobo rẹ Ọrovwohwo na jiji rayen vwọ kẹ.

Livitikọs 5:18

Kọ reyọ egbo ro vwo eka-an vwo rhe orherẹn na, egbo ro mu uwan ra hwa osa rẹ izobo rẹ abe na, orherẹn na kọ gọ ẹgua rọye nu vwọ kẹ fiki rẹ oruchọ ro ruru vwe ijẹriẹn na, ke vwo ghovwo.

Emọs 2:14

Ogba re ọnẹ gbe cha sa dje-e, ihwo re ganre gbi che vwo oganga-an, yẹrẹ ọgba gbi che se sivwi oma rọye-e.

Ukeri 15:25

Orherẹn na kọ gọ ẹgua nẹ ukoko rẹ ihwo rẹ Izrẹl na ejobi, ko vwo ghovwo ayen; fikiridie ọ chọ ayen obọ, kẹ ayen reyọ izobo rẹ ayen rhe, izobo rẹ ẹtorhẹ kẹ Ọrovwohwo, kugbe izobo rẹ umwemwu vwẹ obaro rẹ Ọrovwohwo na, fiki rẹ oruchọ rayen.

Ẹfesọs 4:18

Ayen vwo ẹruọ-ọ, ra phiẹ ghwru nẹ akpọ eyere rẹ Ọghẹnẹ fiki rẹ ugheghẹ rọ hẹ ayen oma, fiki rẹ udu ogangan rayen.

Hibru 10:3

Ẹkẹvuọvo iye nana rẹ ayen gọ na kọ nẹrhẹ ayen karohọ umwemwu nẹ ukpe re fi ukpe.

Hibru 6:19

Kọye hẹ ọtan rẹ avwanre churu erhi rẹ avwanre mu ro vwo je bo, iphiẹrohọ rọ sa ro obo ẹtan rẹ ẹshẹ na rọ hẹ obuko rẹ oga na,

Hibru 7:27

O rhe vwo ọdavwẹ, kerẹ irherẹn yena, re gọ iye kẹdẹ kẹdẹ-ẹ, rọ ka gọ iye kẹ oma rọye tavwe rọ ke gọ kẹ ihwo efa-a; ẹsiẹvo ọ gọ iye nana kẹ ihwo ejobi vwẹ ọke rọ vwọ vwẹ oma rọye ze kẹ ughwu.

Hibru 9:3

Vwẹ obuko rẹ amwa rivẹ na utughẹ ọvo herọ re se Asan rọ Ma fon,