Hibru 9:6 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁶ Re vwo ru imu nana gba nu, irherẹn na ke rua obo otafe na kọke kọke, kpo iye ẹgọ;

Hibru 9:6 ပူးပေါင်းရင်းမြစ်များ

Ẹyano 27:21

Vwẹ utughẹ ra da vwa oma na rọ obo otafe rẹ oga na rọ hẹ obaro rẹ iseri na, Erọn vẹ emọ rọye ke vwẹ ẹro te nẹ ovwọnvwọn re te irhiọke vwẹ obaro rẹ Ọrovwohwo. Ọna kọ dia iji rẹ ihwo rẹ Izrẹl yọnre bẹdẹ vwẹ uvwiẹ rayen ejobi.

Daniẹl 8:11

O de mu oma rọye kpenu, tobọ re te asan rẹ Osun rẹ otu rẹ obenu na epha na; izobo ra torhẹ kẹ kọke kọke na ọ da reyọ mie, asan eshẹ rọye na e de kporo te otọ.

Ukeri 18:2

Wọ me je reyọ imoni wẹn vwọ ba oma rhe, orua ri Livae, orua rẹ ọsẹ wẹn rere ayen vwẹ oma ba wẹ, re gbe odibo kẹ wẹ vwẹ ọke re owẹ vẹ emeshare wẹn kugbe uwe da obaro rẹ utughẹ rẹ iseri na.

Ukeri 28:3

Ku wọ ta kẹ ayen, ọnana kẹ izobo rẹ erhanre rẹ ovwan che ze kẹ Ọrovwohwo na: imigodẹ rẹ eshare ivẹ rẹ ẹgbukpe ọvo ro vwo eka-an, kẹdẹ kẹdẹ, rere ọ dia izobo re kọke kọke.

Ọbe ri Pọl si rhe Ihwo ri Rom 9:4

Ayen hẹ ihwo rẹ Izrẹl, ayen e se emọ, ayen vwo urinrin, vẹ ọphọ, ayen a vwẹ urhi na kẹ, vẹ ẹga, kugbe ive na;

Hibru 7:11

Asakiephana ọ dianẹ a mrẹ orugba vwẹ oma rẹ orherẹn ri Livae (kidie otọ rọye ihwo na da reyọ urhi na), kidie ọfa a rha guọnọ ra vwẹ orherẹn ofa mu nene urhi ri Mẹlkizẹdẹk, rha nọ ọ re mu odẹ rẹ Erọn se?