Hibru 9:5 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁵ Cherobim da hẹ enu rọye vẹ urinrin rọye ro lo muẹ akpanurhe rẹ aruẹdọn na. Ẹ rhe se gbe ikun nana fiotọ vwẹ asakiephana-a.

Hibru 9:5 ပူးပေါင်းရင်းမြစ်များ

Ivie rẹ Ivẹ 19:15

Hẹzikaya da nẹ ẹrhovwo vwẹ obaro rẹ Ọrovwohwo na, ọ da ta, E Ọrovwohwo Ọghẹnẹ rẹ Izrẹl,– tidia ekete vwẹ ohri rẹ chẹrobim, Wọwẹ ọvo ọye Ọghẹnẹ rẹ ivie rẹ akpo na ejobi; We re ma odjuvwu vẹ akpo.

1 Ikun rẹ Ivie 28:11

Etiyin Devid da vwẹ obo rẹ uwevwi na dia kẹ Solomọn rẹ ọmọ rọye, kugbe iwevwi rọye, iwevwi rẹ efe rọye, ivun re hẹ obenu, kugbe ighẹn re hẹ obo etan, kugbe uvun rẹ akpanurhe rẹ arodọvwẹ na,

Une rẹ Ejiro 80:1

Kerhọn, E Osuigegede rẹ Izrẹl, wọwẹ rọ sun Josẹf kerẹ ekru rẹ igodẹ! Wọwẹ rọ tidia ekete vwẹ enu ri chẹrobim, gbe lo phia.

Une rẹ Ejiro 99:1

Ọrovwohwo na ria uvie, jẹn ihwo na phariẹ! O tidia phihọ ekete rọ hẹ enu ri cherubim, jẹn akpọ na kpogho!

Livitikọs 16:13

O mi phi ugboduma phihọ erhanre vwẹ obaro rẹ Ọrovwohwo na, rere ivwirhi rẹ ugboduma na vwo rhurhu akpanurhe rẹ arodọvwẹ na rọ enu rẹ okọ na rẹ irhi rẹ Ọrovwohwo epha na, re vwenẹ o vwo je ghwo;

Livitikọs 16:2

Ọrovwohwo da ta kẹ Mosis, Ta kẹ Erọn oniọvo wẹn nẹ ọ rha vwẹ ọke ejobi ro asan ọfuanfon na rọ hẹ evun re utughẹ na-a, vwe obaro re akpanurhe rẹ arodọvwẹ ro enu rẹ ekpeti na, O de rhe ghwu, kidie Me cha phia vwẹ evun rẹ egho vwẹ enu rẹ akpanurhe rẹ arodọvwẹ na.

Ukeri 7:89

Ọke ri Mosis vwọ ro evun rẹ utughẹ ra da vwa oma na ra ta ota kẹ Ọrovwohwo, o de nyo urhuru rọ ta ota kẹ nẹ obenu rẹ akpanurhe rẹ arodọvwẹ rọ hẹ enu rẹ ekpeti rẹ iseri na, vwẹ uvwre ri chẹrobim ivẹ na; ọda ta ota kẹ.

Ọbe ri Pọl si rhe Ihwo ri Rom 9:4

Ayen hẹ ihwo rẹ Izrẹl, ayen e se emọ, ayen vwo urinrin, vẹ ọphọ, ayen a vwẹ urhi na kẹ, vẹ ẹga, kugbe ive na;

Ẹfesọs 3:10

Nẹ vwẹ oma rẹ ishọshi na a sa vwọ riẹn aghwanre rẹ Ọghẹnẹ rọ pha buebu na vwẹ asakiephana vwẹ otu rẹ ikpihwo ride kugbe ogangan rọ hẹ asan ro kpenu.

Hibru 4:16

E gbe jẹ avwanre sikẹre ekete rẹ ẹserọphe na vẹ ẹroẹvwọsuọ, rere avwanre mrẹ arodọvwẹ reyọ kugbe ẹserọphẹ rọ cha avwanre uko vwẹ ọke rẹ ọbẹnvwẹ.

1 Pita 1:12

A da vwọ phia kẹ ayen nẹ ọ dia omobọ rẹ ayen ayen ga na-a ẹkẹvuọvo ovwan, vwe oma rẹ emu rẹ ayen ghwoghwo kẹ ovwan vwẹ asakiephana rẹ ihwo ri gbe ikun rẹ iyẹnrẹ esiri na kẹ ovwan vwẹ oma rẹ Erhi Ọfuanfon na re ji nẹ odjuvwu rhe na, emu rẹ emakashe guọnọre nẹ ayen mrẹ.

1 Samuẹl 4:4

Etiyin ihwo na de ji ikọn kpo Shiloh, ayen de re mu ekpeti rẹ ọphọ rẹ Ọrovwohwo rẹ ofuofovwi na rhe, ro tidia ekete vwẹ enu ri chẹrobim; emeshare rẹ Eli ivẹ na, Hofni vẹ Finihas, vẹ ekpeti rẹ ive rẹ Ọghẹnẹ na vwẹ etiyin.