Hibru 9:11 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹¹ Ẹkẹvuọvọ ọke ri Kristi rẹ orherẹn rode rẹ emu esiri rọ rhere na, rọ wan oma rẹ ọ rọ marho ejobi kugbe omamọ rẹ utughẹ rọ ghare rhe (rẹ a vwẹ obọ ru-u, kọye hẹ, ọ dia ọ rẹ emama nana-a)

Hibru 9:11 ပူးပေါင်းရင်းမြစ်များ

Jẹnẹsis 49:10

Ọkpọ na rhe se ni Juda-a, eye ọkpọ rẹ osun na rhe se nẹ agada rọyee, bẹsiẹ ro che vwo te obọ rẹ ohwo ro viri, kọye ihwo na ejobi che mu ọghọ ke.

Une rẹ Ejiro 40:7

Etiyin me da ta, Nighe, me cha; vwe evun rẹ e kpirho re ọbe na e siro kpahe ovwẹ,

Aizaya 59:20

Kọ cha rhe Zayọn kerẹ Ọtan, bru otu ri Jekọp ri kurhẹriẹ nẹ ogbigbiru, eriyin Ọrovwohwo tare.

Jerimaya 33:8

Ke me cha hworhẹ ayen nẹ abe rẹ umwemwu rẹ ayen ru kpahe ovwẹ na, ke me vwẹ abe rayen vẹ omẹriọ rayen ghovwo ayen.

Malakae 3:1

Nighe, mi ji ikọn mẹ rọ ra rhuẹrẹ idjerhe hẹrhẹ ovwẹ, Ọrovwohwo rẹ ovwan guọnọ na cha rhe uwevwi rọye kpregede; ọyinkọ rẹ ọphọ na rọ vwerhe ovwan oma na, nighe, ọ rọ cha, eriyin Ọrovwohwo rẹ otuofovwi na tare.

Matiu 11:3

Ọ da ta kẹ nẹ, Wẹ ọ ro cha na, gbinẹ ohwo ọfa?

Matiu 2:6

Wẹ Bẹtlẹhẹm, vwẹ otọ ri Juda Ọ dia owẹ re ma hanvwe vwẹ isun ri Juda ejobi; Kidie ohri wẹn osun che nurhe ro che sun ihwo mẹ Izrẹl.

Iyẹnrẹ Esiri ri Mak 14:58

Avwanre nyori rọ tarẹ nẹ, Mẹ cha guọghọ uwevwi rẹ ẹga na ra vwẹ abọ bọn na, ẹdẹ erha ke Me bọn ọfa ra vwẹ obọ bọ-ọn.

Iyẹnrẹ Esiri ri Jọn 1:14

Ota na de rhi hirhe phihọ ohwo ọ da rhe dia ohri rẹ avwanre, ọ vọnre vẹ ẹserọphẹ vẹ uyota; avwanre da mrẹ urinrin rọye ọ tiẹ urinrin rẹ Ọmọ ọvuọvo na ro nẹ obọ rẹ Ọsẹ na rhe.

Iyẹnrẹ Esiri ri Jọn 4:25

Aye na da ta kẹ, Me riẹnre nẹ Mesaya cha (ọ re se Kristi); ọke rọ da rhe, ko dje emu na ejobi kẹ avwanre.

Iruo rẹ Iyinkọn na 7:48

Dede na Ọro Mekpenu na dia uwevwi ra vwẹ abọ bọ-ọn; Kirobo rẹ ọmraro na tarẹ,

2 Kọrẹnt 4:18

Fikiridie avwanre rhẹro rẹ obo ra mrẹ-ẹ ẹkẹvuọvo ọ rẹ obo re jẹ mrẹ; kidie obo ra mrẹ eye obo re wanvrẹn, ẹkẹvuọvo obo re jẹ mrẹ na eye obo ri jeghwo.

2 Kọrẹnt 5:1

Kidie avwanre riẹnre nẹ ọ da dianẹ a guọghọ utughẹ rẹ akpọ nana rẹ avwanre dia na, yẹ avwanre vwo uwevwi ọvo ro nẹ obọ rẹ Ọghẹnẹ rhe, ọ dia uwevwi ra vwẹ obọ bọ-ọn, ọ re rara vwẹ obo odjuvwu.

Kolose 2:11

Oma rọye ovwan wan yanvwe ọ dia oyanvwe rẹ ugboma ra vwẹ obọ ru-u, rẹ ovwan vwo phi oma rẹ imwemwu rẹ ovwan phihọ oyanvwe ri Kristi;

Hibru 10:1

Rẹ urhi na vwọ dia uhoho rẹ emu esiri rọ cha na yọ dia okpuyovwi rẹ emu na dẹn na-a, eriyin na iye ọvuọvo rẹ ayen gọ nẹ ukpe fi ukpe na, rhe se vwo ogangan rọ vwọ vwẹ esivwo kẹ ihwo ri sere gbuyota-a.

Hibru 12:27

Ephẹrẹ nana, Kẹ ẹsiẹvo ri chekọ na, dje phia nẹ e che si obo ri kpogho no, kọye hẹ obo ra mare, rere obo ri je kpogho vwọ daji.

Hibru 13:14

Kidie avwanre vwo orere ri bẹdẹ na vwo obonẹ-ẹ, yẹ ẹkẹvuọvo avwanre guọnọ orere rọ cha na.

Hibru 2:17

Fiki rẹ ọtiọye na kọye a vwọ ma họhọ imoni rọye vwẹ idjerhe kidjerhe, rere ọ vwọ sa dia orherẹn rode ro nẹ aruẹdọn ro vwo esegbuyota vwẹ evun rẹ ẹga rẹ Ọghẹnẹ, rọ vwọ go ese rẹ imwemwu nẹ ihwo oma.

Hibru 3:1

Fiki rẹ ọtiọye na, imoni re fonro, ri vwo obọ vwẹ use rẹ obo odjuvwu na, gbe roro Jesu, ọyinkọn kugbe orherẹn rode rẹ avwanre rhọvwere na.

Hibru 4:15

Kidie avwanre vwo orherẹn rode ro jẹ ọdavwẹ rẹ avwanre eriẹẹn, ẹkẹvuọvo ọ rẹ avwanre vwori na je vwẹ ohwo ra davwini devure kerẹ ekpuyovwi rẹ avwanre, yo ru umwemwu-u.

Hibru 7:1

Kidie Mẹlkizẹdẹk nana, ovie ri Salẹm, orherẹn rẹ Ọghẹnẹ ro me kpenu, ọye re vwa Ebraham ro vwo nẹ ofovwi rẹ ihwehwe rẹ ivie cha ọ da nẹ ẹrhovwo kẹ;

1 Jọn 5:20

Yẹ avwanre riẹnre nẹ Ọmọ rẹ Ọghẹnẹ na rhe nure ọ da kẹ avwanre ẹruọ, ra vwọ riẹn ohwo rẹ uyota; evun rẹ ohwo rẹ uyota na kọye avwanre epha, evun rẹ Ọmọ rọye na Jesu Kristi. Ọnana hẹ Ọghẹnẹ rẹ uyota kugbe arhọ ri bẹdẹ na.

2 Jon 1:7

Kidie otu re phiẹn ihwo buebu ro evun rẹ akpọ na re, otu re sian nẹ Jesu Kristi rhere vwẹ ugboma-a; ohwo ọtiọye na hẹ ọphiẹn ohwo kugbe Kristi rẹ ofian na.