Hibru 8:8 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁸ Kidie ọke rọ vwọ mrẹ oruchọ vwọ o da ta nẹ: Ẹdẹ cha, eriyin Ọrovwohwo tare, re me vẹ uwevwi rẹ Izrẹl cha vwọ re ọphọ ọkpokpọ kugbe uwevwi ri Juda;

Hibru 8:8 ပူးပေါင်းရင်းမြစ်များ

Aizaya 55:3

Rhie erhọn wẹn, ri wo bru vwe rhe; nyo, re erhi wẹn vwọ rhọ; ke Me vẹ owẹ re ọphọ re rara, omamọ rẹ uvi rẹ ẹguọnọ ro jẹrhẹriẹ ri mi vwo kẹ Devid.

Jerimaya 23:5

Nighe, ẹdẹ cha, Ọrovwohwo tare, me cha vwọ kpare oghọn rẹ ọvwata kẹ Devid, kọ re uvie kerẹ ovie ọghwanghwanre, ko brorhiẹ rẹ ọsoso vẹ ọvwata vwẹ otọ na.

Jerimaya 23:7

Ọtiọye na, gbe nighe, ẹdẹ cha, Ọrovwohwo tare, rẹ ihwo gbe cha ta ọfa-a, kirobo rẹ Ọrovwohwo herọ rọ reyọ ihwo rẹ Izrẹl nẹ otọ rẹ Ijipt rhe na,

Jerimaya 30:3

Kidie nighe, ẹdẹ cha, eriyin Ọrovwohwo tare, re me cha vwọ reyọ ughwẹ rẹ ihwo mẹ rhivwi rhe, Izrẹl vi Juda, eriyin Ọrovwohwo tare, ke me vwẹ ayen rhe otọ re me vwọ kẹ esẹ rayen, ayen ke reyọ.

Jerimaya 31:27

Nighe, ẹdẹ cha, eriyin Ọrovwohwo tare, re me cha vwẹ omamọ rẹ ohwo vẹ eranvwe vwọ kọn uwevwi rẹ Izrẹl vẹ uwevwi ri Juda.

Jerimaya 31:38

Nighe, ẹdẹ cha, eriyin Ọrovwohwo na tare, ra cha vwọ rhuẹrẹ orho na bọn kẹ Ọrovwohwo nẹ uwevwi rẹ ohẹrhẹ ri Hananẹl re te Unurhoro rẹ Akakọ na.

Jerimaya 32:40

Ke me vẹ ayen cha re ọphọ ri bẹdẹ bẹdẹ, iroro esiri re me jẹn kpahe ayen jovwo mi gbi siobọ nọ-ọ, ki mi phi oshoẹdjẹ mẹ phihọ udu rayen re ayen ju vwe ẹdjẹ jovwo.

Izikiẹl 37:26

Me vẹ ayen ke re ọphọ rẹ ufuoma; kọ dia ọphọ re rara me vẹ ayen cha re; ki mi bruphihọ kẹ ayen ki bun phihọ, ke me vwẹ ẹshẹ mẹ vwo vi vwẹ uherevie rẹ ayen rhiri bẹdẹ.

Matiu 26:28

Kidie ọnana ọbara mẹ rẹ ọphọ ọkpokpọ na, ro hwẹri kẹ otu buebu, fiki rẹ evworhovwo rẹ umwemwu.

Iyẹnrẹ Esiri ri Mak 14:24

Ọ da ta kẹ ayen, Ọnana ọbara mẹ rẹ ọphọ na, ro hwẹ kẹ otu buebu.

Iyẹnrẹ Esiri ri Luk 17:22

Ọ da ta kẹ idibo rọye, Ẹdẹ cha rẹ ovwan cha vwọ guọnọ ẹdẹ ọvo rẹ Ọmọ rẹ ohwo na mrẹ, yẹ ovwan cha sa mrẹ-ẹ.

Iyẹnrẹ Esiri ri Luk 22:20

Rẹ ayen vwọ re emu rẹ ovwọnvwọn nu, ọ da reyọ uko tanẹ, Uko nana ro hwẹ kẹ ovwan na ọye ọbara rẹ ọphọ ọkpokpọ.

Iyẹnrẹ Esiri ri Luk 5:38

Ẹkẹvuọvo udi ọkpokpọ e kuo phihọ ephiẹ ọkpokpọ.

1 Kọrẹnt 11:25

Eriyin ọ je reyọ uko, ra vwọ re emu rẹ ovwọnvwọn na nu, ọ da ta, Ọnana ọbara mẹ rẹ ọphọ ọkpokpọ na. Ru ọnana, kọke kọke rẹ ovwan darọ, wa karohọ ovwẹ.

2 Kọrẹnt 3:6

Ohwo ro ru avwanre fo vwọ dia ogbodibo rẹ ọphọ ọkpokpọ na, ọ dianẹ vwẹ ọbe re siri-i ẹkẹvuọvo vwẹ evun rẹ Erhi na, kidie ọbe re siri na hwe ghwẹ, ẹkẹvuọvo Erhi na kẹ arhọ.

Urhi Rivẹ 29:14

Ọ dia ovwanvwan ọvo mi nene re ọphọ na-a,

Hibru 12:24

kugbe Jesu o vwrohọre rẹ ọphọ ọkpokpọ na, kugbe ọbara ra fẹre rọ ta ota esiri nọ ọbara rẹ Ebẹl.

Hibru 7:22

Kọye Jesu rhe vwọ re esarobọ rẹ omamọ rẹ ọphọ.

Hibru 8:13

Rọ vwọ ta ota rẹ ọphọ ọkpokpọ na o de dje nẹ ọ rẹsosuọ na kpo awanre re. Ọbo ri kpo awanre rọ ghworo yo muegbe rọ vwọ ranvwiẹ re.

Hibru 8:6

Ẹkẹvuọvo kirobo rọ epha na, Kristi vwo odiboegbe ro yovwi nọ ọ rẹ awanre na kidie ọphọ ro mudia re na ri me yovwi, fikiridie ive re ve phihọ na ri me yovwi rhe.

Hibru 9:15

Fiki rẹ ọtiọye na kọye ọ vwọ dia obruche rẹ ọphọ ọkpokpọ na, rere ayen otu re seri se vwo vwo ivẹ rẹ uku ri bẹdẹ na, fikiridie ohwo ọvo ghwuru ra vwọ tan ayen nẹ ogbeku rọ hẹ otọ rẹ ọphọ rẹsosuọ.