Hibru 8:6 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁶ Ẹkẹvuọvo kirobo rọ epha na, Kristi vwo odiboegbe ro yovwi nọ ọ rẹ awanre na kidie ọphọ ro mudia re na ri me yovwi, fikiridie ive re ve phihọ na ri me yovwi rhe.

Hibru 8:6 ပူးပေါင်းရင်းမြစ်များ

Jerimaya 50:5

Ayen cha nọ ekpẹn rẹ idjerhe ra wan kpo Zayọn, vẹ opharo re hirhe kuo tanẹ, Wa mọ re kuoma gbe Ọrovwohwo vwẹ ọphọ ẹriọ ri bẹdẹ ro je ẹro ẹchọrọ bẹdẹ.

Iyẹnrẹ Esiri ri Luk 22:20

Rẹ ayen vwọ re emu rẹ ovwọnvwọn nu, ọ da reyọ uko tanẹ, Uko nana ro hwẹ kẹ ovwan na ọye ọbara rẹ ọphọ ọkpokpọ.

Ọbe ri Pọl si rhe Ihwo ri Rom 9:4

Ayen hẹ ihwo rẹ Izrẹl, ayen e se emọ, ayen vwo urinrin, vẹ ọphọ, ayen a vwẹ urhi na kẹ, vẹ ẹga, kugbe ive na;

Ẹfesọs 2:12

Gba karohọ nẹ vwẹ ọke yena ka hẹriẹ ovwan nẹ Kristi, ra riẹriẹ ghwru nẹ emotọ rẹ Izrẹl, kẹ erhorha rẹ ọphọ rẹ ive na, ri vwo iphiẹrohọ-ọ ri vwo Ọghẹnẹ vwẹ akpọ na-a.

1 Timoti 2:5

Kidie Ọghẹnẹ ọvnọvo re herọ, ovwrohọnre ọvuọvo re hẹ uvwre rẹ Ọghẹnẹ vẹ ihwo rẹ akpọ, ohwo na hẹ Kristi Jesu,

Taitọs 1:2

vẹ iphiẹrohọ rẹ arhọ ri bẹdẹ na, rẹ Ọghẹnẹ rẹ uyota na ve phihọ rhahae rhe.

Hibru 12:24

kugbe Jesu o vwrohọre rẹ ọphọ ọkpokpọ na, kugbe ọbara ra fẹre rọ ta ota esiri nọ ọbara rẹ Ebẹl.

Hibru 7:22

Kọye Jesu rhe vwọ re esarobọ rẹ omamọ rẹ ọphọ.

2 Pita 1:4

Vwẹ oma rọye ọ wan kẹ avwanre ive rọye rode ghaghare, rere vwẹ oma rẹ enana avwanre vwọ sa vabọ rẹ emu igbegbe re hẹ evun rẹ akpọ na fiki rẹ urhuru si vwe, rere avwanre se vwo obọ vwẹ oma rẹ ọrho rẹ Ọghẹnẹ na.