Hibru 8:5 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁵ Ayen gọ uhoho rẹ ẹshẹ rọ hẹ obo odjuvwu; kidie ọke ri Mosis cha vwọ bọn utughẹ na, Ọghẹnẹ da kpa okpa kẹ, tanẹ, Gbe no, ji kemu kemu ru wo che ru họhọ oghẹre ri mi dje kẹ wẹ vwẹ obenu rẹ ugbenu na.

Hibru 8:5 ပူးပေါင်းရင်းမြစ်များ

1 Ikun rẹ Ivie 28:12

kugbe iroro rẹ obo rẹ ọguan rẹ uwevwi rẹ Ọrovwohwo na dia, vẹ ivun re riarie rẹ phihọ, iwevwi rẹ efe vwẹ uwevwi rẹ Ọghẹnẹ na, vẹ uwevwi rẹ efe ra da sẹro rẹ ekuakua re ẹse re rufon na.

1 Ikun rẹ Ivie 28:19

Enana ejobi ọ nabọ ru phẹphẹ vwẹ oma rẹ isiesi ro nẹ obọ rẹ Ọrovwohwo rhe kpahọ, iruo na ejobi ke ruo kirobo ra guọnọ nẹ iruo na ejobi dia.

Ẹyano 25:40

Wo mi ru ayen kirobo rẹ ayen epha, kirobo re djere kẹ wẹ vwẹ enu rẹ ugbenu na.

Ẹyano 25:9

Kirobo ri mi dje kẹ wẹ kpahe obo rẹ ọgarivi na cha dia, kugbe ekuakua ra vwọ rhuẹrẹ ejobi, ọtiọye wo che ruo.

Ẹyano 26:30

Wọ me bọn ọgarivi na kirobo re djere kẹ wẹ vwẹ enu rẹ ugbenu na.

Ẹyano 27:8

Vwẹ ophapha, ru egbogbo phihọ; kirobo re djere kẹ wẹ vwẹ enu rẹ ugbenu na, ọtiọye wo ruo.

Ukeri 8:4

Ke enẹ e ru ogburhukpẹ na, oro re duvwuru; nẹ obotọ re te idodo rọye, a nabọ duvwo; kerẹ ona rẹ Ọrovwohwo dje kẹ Mosis; ọtiọye o ru ogburhukpẹ na.

Matiu 2:12

Rẹ Ọghẹnẹ vwọ kpokpa kẹ ayen vwẹ evwerhẹ nẹ ayen rhivwi bru Herọd ra-a, ayen da wan idjerhe ọfa kpo.

Iruo rẹ Iyinkọn na 7:44

Esẹ rẹ avwanre vwo utughẹ rẹ iseri vwẹ evun rẹ aghwa, kirobo re djere kẹ Mosis nẹ o ru, kerẹ oghẹre yena rọ mrẹre na.

Kolose 2:17

Enana ejobi na uhoho rẹ obo re cha vwẹ obaro; ẹkẹvuọvuo oma na ọ ri Kristi.

Hibru 10:1

Rẹ urhi na vwọ dia uhoho rẹ emu esiri rọ cha na yọ dia okpuyovwi rẹ emu na dẹn na-a, eriyin na iye ọvuọvo rẹ ayen gọ nẹ ukpe fi ukpe na, rhe se vwo ogangan rọ vwọ vwẹ esivwo kẹ ihwo ri sere gbuyota-a.

Hibru 11:7

Vwẹ esegbuyota ọye Ọghẹnẹ vwọ vuẹ Noa kpahe obo re cha phia ra je mrẹ-ẹ, o da djẹ oshọ ra kare okọ ro vwo sivwi evwruwevwi rọye, vwẹ oma rẹ ọnana o vwo brorhiẹ hwe akpọ na ọ da rhe dia ọreuku rẹ ọvwata rọ wan oma rẹ esegbuyota rhe.

Hibru 12:25

We ja mrẹ nẹ ovwan siẹn ohwo rọ ta ota na-a. O da dianẹ ayen siẹn ohwo rọ ta ota kẹ ayen vwẹ akpọ na rẹ ayen da djẹ vabọ-ọ, komavọ ọ dia rẹ avwanre sa vwọ djẹ vabọ ra da siẹn ohwo ro ta ota kẹ ayen nẹ odjivwu rhe.

Hibru 13:10

Avwanre vwo agbada rẹ ihwo re ga vwẹ evun rẹ utughẹ na nu se vwo ogangan re vwọ ria vwọ-ọ.

Hibru 9:9

(kọye hẹ oka rẹ oge nana). Kirobo rẹ irueru nana mudia phihọ, okẹ vẹ iye ra gọre na sa kẹ ohwo egbomọphẹ ra vwọ gọ egagọ rọ ghare-e,

Joshua 22:28

Avwanre ki rori nẹ, Ọ da dianẹ a ta ọnana kẹ avwanre eyẹ uvwiẹ rẹ avwanre vwẹ ọke rọ cha, avwanre ke ta, Nighere, ọkpọ rẹ agbada rẹ Ọrovwohwo na, rẹ esẹ rẹ avwanre soro, o dianẹ fiki rẹ izobo rẹ ẹtorhẹ-ẹ eyẹ fiki rẹ izobo-o, ẹkẹvuọvo rere ọ vwọ dia iseri kẹ avwanre vẹ ovwan.

Ẹvwọphia 15:5

Rẹ Ọnana vwọ wan nu mi de ni, utughẹ rẹ uwevwi rẹ ẹga rẹ iseri rọ hẹ obo odjuvwu de rhie phihọ,