Hibru 7:27 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁷ O rhe vwo ọdavwẹ, kerẹ irherẹn yena, re gọ iye kẹdẹ kẹdẹ-ẹ, rọ ka gọ iye kẹ oma rọye tavwe rọ ke gọ kẹ ihwo efa-a; ẹsiẹvo ọ gọ iye nana kẹ ihwo ejobi vwẹ ọke rọ vwọ vwẹ oma rọye ze kẹ ughwu.

Hibru 7:27 ပူးပေါင်းရင်းမြစ်များ

Hibru 9:28

Vwẹ ọtiọye na ra vwọ vwi Kristi gọ iye ẹsiẹvo nure na rọ ghwa imwemwu rẹ ihwo buebu nu na, kọ je cha rhe vwẹ obọ rivẹ, ọ dianẹ kẹ umwemwu ọ cha ghwọrọ-ọ ẹkẹvuọvo ko che sivwi ayen otu re vwẹ erhiori hẹrhẹ.

Hibru 9:12

ọ da ro Asan Ọfuanfon na ẹsiẹvo goi, ọ dianẹ kẹ ọbara rẹ ẹvwe vẹ erhuẹ-ẹn ẹkẹvuọvo ọbara robọ rọye, kenẹ ọ vwọ dẹ ẹtanhirhe ri bẹdẹ na.

Hibru 9:14

komavọ ọbara ri Kristi, rọ wan oma rẹ Erhi ri bẹdẹ na vwẹ oma rọye gọ iye ro jẹ ekan evwo kẹ Ọghẹnẹ, se ru udu rẹ ovwan fon nẹ iruo ighweghwu na ra gọ Ọghẹnẹ ri bẹdẹ na.

Ẹfesọs 5:2

Re wan yan vwẹ evun rẹ ẹguọnọ, kirobo ri Kristi guọnọ avwanre ro de siobọ nẹ oma rọye vwọ kẹ avwanre, vwo ze izobo ro gbo ọnrhe ororo kẹ Ọghẹnẹ.

Hibru 5:3

Fiki rẹ ọnana na kọye ọ vwọ gbahọ ohọre rere ọ vwọ gọ iye fiki rẹ umwemwu robọ rọye kugbe ọ rẹ ihwo efa rhe.

Taitọs 2:14

Ohwo rọ vwẹ oma rọye kẹ avwanre rọ vwọ tan avwanre nẹ orukuruku ejobi kugbe ro vwo ru avwanre fon kẹ oma rọye ihwo rẹ obọ rọye ri vwo oruru kẹ iruo esiri.

Ọbe ri Pọl si rhe Ihwo ri Rom 6:10

Ughwu ro ghwuru na o ghwu kẹ umwemwu obọvo nure, ẹkẹvuọvo akpọ rọ rhoma yerẹ na ko yere vwọ kẹ Ọghẹnẹ.

Hibru 9:25

Eyẹ o rhe fo rere ọ vwẹ oma rọye gọ iye kọke kọke-e, kirobo rẹ orherẹn rode na ro Asan Ọfuanfon na ẹgbukpe vẹ ọbara rọ dia ọ robọ rọye-e;

Livitikọs 16:11

Erọn kọ cha vwẹ erhuẹn ọshare na phia vwo ze izobo fiki rẹ izobo rẹ umwemwu rọye, o mi rhe phorho ẹgua nẹ oma rọye vẹ uwevwi rọye. O mi rhi hwe erhuẹn ọshare na vwo ze fiki rẹ izobo rẹ umwemwu rọye.

Hibru 9:7

ẹkẹvuọvo ubruwevwi rivẹ na orherẹn rode na ọvo kọye re ruọ, ẹsiẹvo egbukpe, ọ me ra reyọ ọbara kọye ọ vwọ gọ iye kẹ oma rọye kugbe oruchọ rẹ ihwo na ejobi.

Hibru 5:1

Kohwo kohwo re vwo mu orherẹn uherevie rẹ ihwo rọye a da sanọ, ka vwọ phia kẹ Ọghẹnẹ, re ọ vwọ kẹ okẹ re ọ vwọ gọ iye kẹ ihwo ri ru umwemwu.

Livitikọs 16:15

Tavwe o ki rhi hwe ẹvwe ro che vwo ze izobo fiki rẹ umwemwu kẹ ihwo na ejobi, ọ Me reyọ ọbara rọye ra ro evun rẹ asan ra vwe amwa tan na, o mi ruo kirobo ro ru ọ rẹ erhuẹn ọshare na, ọ Me fẹrẹ ku enu rẹ akpanurhe rẹ arodọvwẹ na kugbe obaro rọye,

Livitikọs 16:6

Erọn Me vwẹ erhuẹn ọshare na ze izobo fiki rẹ izobo rẹ umwemwu na vwọ kẹ oma obọ rọye, re vwenẹ ọ vwọ gọ ẹgua nẹ oma rọye vẹ uwevwi rọye.

Ẹfesọs 2:22

Evun rọye kọye a je bọn ovwan phihọ ẹdia rẹ Ọghẹnẹ vwẹ evun rẹ Erhi na.

Izikiẹl 43:19

ku wọ vwọ kẹ ọrherẹn ri Livae rẹ uvwiẹ ri Zadọk, rọ sikere ovwẹ ri gbe odibo kẹ vwẹ, eriyin Ọrovwohwo Ọghẹnẹ tare, erhuẹn e che vwo ze izobo rẹ umwemu.

Hibru 8:4

Asakiephana ọ dianẹ kẹ akpọ na ọ epha nọ, ọ rha dia orherẹn kakaka-a, fikiridie irherẹn herọ nure re gọ iye kirobo rẹ urhi na epha.

Hibru 9:26

kọye o vwo dje oja na ẹriẹriọ nẹ ẹtuọhọ rẹ akpọ na rhe. Ẹkẹvuọvo kirobo rọ epha na, ọ vwẹ oma rọye gọ iye ẹsiẹvo nure ọ da rhe vwẹ oma phia vwẹ oba rẹ oge na re ọ vwọ ghwẹ imwemwu rẹ ihwo ejobi nu.