Hibru 7:26 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁶ Kidie o fori rere avwanre vwo orherẹn rode ọtiọye, fuanfon, ọ reabe-e, o vwo upe-e, rọ hẹriẹ oma nẹ iruimwemwu, ra kpare kpenu pheneke.

Hibru 7:26 ပူးပေါင်းရင်းမြစ်များ

Une rẹ Ejiro 68:18

Wọwẹ ghine yere ugbenu ro kpenu na, wo re siẹ ighuvwu nene oma, e re ru ẹse kẹ wẹ vwẹ ohri rẹ ihwo, mrẹmrẹ vwẹ ohri rẹ ihwo re vwọ so wẹ, rere Ọrovwohwo Ọghẹnẹ vwọ sa dia etiyin.

Ẹyano 28:36

Wọ me vwẹ omamọ rẹ oro vwo ru ọsete, wo mi bru ona phihọ, kerẹ oka ra vwọ tamu oravwọ, ọfuanfon kẹ Ọrovwohwo,

Aizaya 53:9

A da tọn ushi rọye kugbe iruimwemwu ọ vẹ ọdafe ọvo vwe ughwu rọye, ẹkẹvuọvo o gbe ozighi-i, o vwo ophiẹvwe ọvuọvo vwẹ unu rọye-e.

Izikiẹl 44:27

Vwẹ ẹdẹ ro che kpo obo evun rẹ ẹshẹ na, kpo obo ẹtan rẹ ọguan na, rọ de re gbe odibọ vwẹ obo ẹshẹ na, ko ze izobo rẹ umwemwu rọye tavwe, eriyin Ọrovwohwo Ọghẹnẹ tare.

Ukeri 29:26

Vwẹ ẹdẹ riyori irhuẹn rẹ eshare irhiri, egbo ivẹ, imigodẹ ihwẹne rẹ ẹgbukpe ọvo ri vwo eka-an,

Matiu 27:18

Kidie ọ riẹnre nẹ omaẹriọ ayen vwo muo rhe.

Iyẹnrẹ Esiri ri Mak 16:19

Eriyin rẹ Ọrovwori Jesu, vwọ ta ota kẹ ayen nu, a da reyọ kpenu kpo odjuvwu, o de tidia vwẹ obọrhe rẹ Ọghẹnẹ.

Iyẹnrẹ Esiri ri Luk 1:35

Amakashe na da ta kẹ, Erhi Ọfuanfon na che bru we rhe, ogangan rẹ Ọro Mekpenu na ko che rhurhu uwe; ọtiọye ọmọ ru wo che vwiẹ na ke se ọfuanfon, ọmọ rẹ Ọghẹnẹ.

Iyẹnrẹ Esiri ri Luk 23:22

Obọ rerha ọ da ta kẹ ayen, Die, didi umwemwu o ruru? Me mrẹ oruchọ ro ruru ro fo ughwu-u, vwẹ ọtiọye na ke me de fa rere mi siobọ no.

Iyẹnrẹ Esiri ri Luk 23:41

Orhie ọsoso e bru hwe avwanre na; kidie osa rẹ umwemwu avwanre reyọ na; ẹkẹvuọvo ohwo nana ru emuọvo chọ-ọ.

Iyẹnrẹ Esiri ri Luk 23:47

Asakiephana rẹ isodje na vwọ mrẹ obo re phiare, o de jiri Ọghẹnẹ, ẹ da ta, Omuẹro, ohwo nana ọvwata ọ ruẹ!

Iyẹnrẹ Esiri ri Luk 24:26

O rhe fo rere Kristi re oja rẹ imu nana tavwe ro ki kpo urinrin rọye-e?

Iyẹnrẹ Esiri ri Luk 24:46

ọ da ra kẹ ayen, Enẹ e siro, nẹ Kristi na cha reoja vwẹ ẹdẹ rerha ko vrẹn nẹ ughwu,

Iyẹnrẹ Esiri ri Jọn 14:30

Mi gbi che nene ovwan ta ota buebu ọfa-a, kidie osun rẹ akpọ nana cha re. O vwo ogangan vwẹ enu mẹ-ẹ.

Iyẹnrẹ Esiri ri Jọn 8:29

Ọ ro ji vwe rhe na vẹ ovwẹ herọ; o che jẹ uvwe ọvo vwo-o, kidie mi ru obo ri je kọke kọke.

Iruo rẹ Iyinkọn na 3:14

Ẹkẹvuọvo ovwan da siẹn Ọvwata Ọvuọvo na ro Fonro na, ovwan da nọ ekpẹn rẹ ozighẹ rere e siobọ no kẹ ovwan.

Iruo rẹ Iyinkọn na 4:27

Ghinẹ nyota vwẹ orere nana ayen de sioma koko vwọ so odibo wẹn ọfuanfon na Jesu, ru wọ vwẹ evwri ghworo na, ri Herọd kugbe Pọntiọs Pailet, vẹ Keferi na kugbe ihwo rẹ Izrẹl,

2 Kọrẹnt 5:21

Fiki rẹ avwanre ọye e vwo ruo vwọ dia oruimwemwu ohwo ro vwo umwemwu vwẹ oma-a, rere avwanre sa rhe wan oma rọye rhe dia ovwata rẹ Ọghẹnẹ.

Hibru 1:3

Ọye hẹ elo rọ họhọ urinrin rọye rọ họhọ Ọghẹnẹ vwẹ erhuvwn rọye dẹn, ọ da reyọ ota rẹ ogangan rọye vwọ yọnre akpọ na. Ọke rọ vwọ hworhẹ imwemwu nu, o de tidia obọrhe rẹ Ọrho vwẹ obenu.

Hibru 12:2

avwanre gba tọn ẹro vi Jesu ọkobaro kugbe orugba rẹ esegbuyota rẹ avwanre, ohwo rọ vwi fiki rẹ aghọghọ rọ hẹ obaro kẹ chiri odjadja rẹ aghagha na, ọ davwerhọn rẹ omaẹvuọ na-a, o de rhi tidia obọrhe rẹ ekete rẹ Ọghẹnẹ.

Hibru 2:10

Kidie o fori nẹ ọye, ra ma emu na ejobi kẹ na, rẹ emu na ejobi vwọ herọ na, sa vwọ reyọ emọ na vwo kpo urinrin, rere e sa dia ekobaro rẹ esivwo rayen na vwẹ oma rẹ oja rọ rere.

Hibru 2:17

Fiki rẹ ọtiọye na kọye a vwọ ma họhọ imoni rọye vwẹ idjerhe kidjerhe, rere ọ vwọ sa dia orherẹn rode ro nẹ aruẹdọn ro vwo esegbuyota vwẹ evun rẹ ẹga rẹ Ọghẹnẹ, rọ vwọ go ese rẹ imwemwu nẹ ihwo oma.

Hibru 3:1

Fiki rẹ ọtiọye na, imoni re fonro, ri vwo obọ vwẹ use rẹ obo odjuvwu na, gbe roro Jesu, ọyinkọn kugbe orherẹn rode rẹ avwanre rhọvwere na.

Hibru 7:11

Asakiephana ọ dianẹ a mrẹ orugba vwẹ oma rẹ orherẹn ri Livae (kidie otọ rọye ihwo na da reyọ urhi na), kidie ọfa a rha guọnọ ra vwẹ orherẹn ofa mu nene urhi ri Mẹlkizẹdẹk, rha nọ ọ re mu odẹ rẹ Erọn se?

Hibru 8:1

Asakiephana obo rẹ avwanre ta na kẹ ọna: avwanre vwo orherẹn rode ọtiọye, ọ ro tidia phihọ obọrhe rẹ ekete rẹ ọ ro vwo Ọrho vwẹ obo odjuvwu.

Hibru 9:14

komavọ ọbara ri Kristi, rọ wan oma rẹ Erhi ri bẹdẹ na vwẹ oma rọye gọ iye ro jẹ ekan evwo kẹ Ọghẹnẹ, se ru udu rẹ ovwan fon nẹ iruo ighweghwu na ra gọ Ọghẹnẹ ri bẹdẹ na.

1 Pita 1:19

ẹkẹvuọvo ọbara ọghaghare ri Kristi na, kerẹ omogodẹ ro vwo eka-an eyẹ upe-e.

1 Pita 2:22

Ọ ru umwemwu ọvuọvo-o; a mrẹ abe vwẹ unu rọye-e.

1 Pita 3:22

ro kpo obo odjuvwu ro de tidia obọrhe rẹ Ọghẹnẹ, vẹ emakashe, otu ri suẹn kugbe ogangan ejobi da vwẹ oma kpotọ kẹ.

1 Jọn 2:2

ọye hẹ ofuophu rẹ imwemwu rẹ avwanre, ọ dia ọ rẹ avwanre ọvo-o ẹkẹvuọvo ji te ọ rẹ akpọ na ejobi.

1 Jọn 3:5

Yẹ ovwan riẹnre nẹ ọ rhere rere ọ rhe ghwẹ imwemwu kufia, ye kaka umwemwu rhere-e.

Ẹvwọphia 3:7

Kẹ enẹ o si rhe amakashe rẹ ishọshi ri Filadẹlfia. Eta rẹ ọfuanfon ọvuọvo na, ohwo rẹ uyota na, ro vwo usiaphrẹ ri Devid, ohwo ro rhie nẹ ohwo ọfa se huho-o, ro de huho nu ohwo ọfa se rhie-e.