Hibru 7:25 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁵ Vwẹ ọtiọye na ko se sivwi kohwo kohwo rọ wan oma rọye sikẹrẹ Ọghẹnẹ, fikiridie ọ herọ kọke kọke rọ vwọ rẹ kẹ ayen.

Hibru 7:25 ပူးပေါင်းရင်းမြစ်များ

ỌBE RẸ JOB 22:17

Ayen da ta kẹ Ọghẹnẹ nẹ, Bi nẹ avwanre oma, kidie Ọrovwoẹgba na se ru avwanre?

ỌBE RẸ JOB 23:3

E, mane ke me riẹn asan re me da guọnọ mrẹ vwonẹ, ri mi de te asan rọ tidia phihọ dẹn!

Aizaya 45:22

Rhoma bru vwe rhe re wọ rho, oba rẹ akpọ na ejobi na: Kidie Mẹvwẹ Ọghẹnẹ, o gbi vwo ọfa-a

Aizaya 45:24

Vwẹ oma rẹ Ọrovwohwo ọvo, ọye a da cha ta kpahe ovwẹ nẹ, ọye ọvwata vẹ ogangan epha, kọye ayen che bru rhe oma kọ vo ayen, ayen ejobi ri mu ophu kpahọ.

Aizaya 53:12

Fiki rẹ ọtiọye na ke Me ghare ẹkẹn te vwẹ usun rẹ ihwo ride, ọ vẹ egba keye gba ghare ughwẹ; kidie o ku ọbara rọye phihọ otọ kẹ ughwu, e de kere kugbe otu ri gburhi ku; yẹ ọye re ghwa umwemwu rẹ ihwo buebu, ọ da re orẹ vwọ kẹ otu ri gburhi ku.

Aizaya 59:16

Ọ mrere nẹ o vwo ohwo ọvuọvo-o o de gbe unu nẹ a mrẹ ohwo ro vwrẹ ohọnre-e; etiyin ugbobọ rọye da kẹ ephiokparobọ, ọvwata rọye kọye re yọnrerọ.

Aizaya 63:1

Ona ono ro ne Idọm cha na, rọ vẹ iwun rẹ ododo gbe nẹ Bozrah cha, ro muẹ urinrin vwe evun rẹ irhuo rọye, ro chiyẹ cha vwe evun rẹ ogangan rọye rode? Mẹvwẹ, ri ghwoghwo ase ẹriọ, kugbe ẹgba rẹ esivwo.

Jerimaya 3:22

We rhivwi rhe emọ rẹ igberadja na, Mi sivwi ọfarhiẹ rẹ ovwan na. Nighe, avwanre bru we rhe; kidie wẹ Ọrovwohwo Ọghẹnẹ rẹ avwanre.

Daniẹl 3:15

Asakiephana, wa da choma vwẹ ọke we de nyo edo rẹ owanre, akpata, isorogun urephe vẹ ihwehworo ejobi, we de she diguẹ re wa da ga oma ri mi ruru na, yẹ oyoma; ẹkẹvuọvo wa gbe rha ga-a, ugege yena ke mu ovwan phihọ ogidi erhanre na; ki didi Ọghẹnẹ se si ovwan nẹ abọ mẹ?

Daniẹl 3:17

O da dia ọtiọye, Ọghẹnẹ rẹ avwanre rẹ avwanre ga na se sivwi avwanre nẹ ogidi erhanre na, o ji si avwanre nẹ obọ wẹn, E Ovie.

Daniẹl 3:29

Fiki rẹ ọtiọye na mi ji urhi; kohwo kohwo ẹgborho eyẹ ephẹrẹ rọ ta ota kpahe Ọghẹnẹ ri Shadrak, Meshak, vẹ Abẹdnigo na ka sha awọ nẹ ayen oma, a me rha guọghọ iwevwi rayen te otọ, kidie o rhe vwo Ọghẹnẹ ọfa ro se sivwi ihwo vwẹ idjerhe nana-a.

Daniẹl 6:20

Ọke ro rhi vwo sikẹre ẹmwa na ri Daniẹl epha, ọ da vwẹ urhuru rẹ uvwerhe kperi se Daniẹl E Daniẹl, ọdibo rẹ Ọghẹnẹ ro je ghwo na, kẹ Ọghẹnẹ wẹn ru wọ ga kọke kọke na se sivwi uwe nẹ abo rẹ Ikpohrokpo na?

Daniẹl 9:16

E Ọrovwohwo, kirobo rẹ uruemu esiri wẹn ejobi epha, gbe si ophu vẹ ivuemiovwo wẹn nẹ orere wẹn Jerusalẹm, ugbenu ọfuanfon wẹn, fikiridie vwẹ ẹkuoma rẹ umwemwu rẹ avwanre vẹ orukuruku rẹ esẹ rẹ avwanre, Jerusalẹm vẹ ihwo wẹn vwo hirhe phihọ ehwẹjẹ vwẹ ohri rẹ ihwo rẹ riariẹ avwanre phihọ.

Iyẹnrẹ Esiri ri Jọn 14:13

Emu kemu rẹ ovwan nọre vwẹ odẹ mẹ, mi se ruo, rere a vwọ vwẹ urinrin kẹ Ọsẹ na vwẹ oma rẹ Ọmọ na.

Iyẹnrẹ Esiri ri Jọn 14:16

Ke me rẹ Ọsẹ na, kọ vwẹ Obruche ọfa kẹ ovwan, rọ vẹ ovwan gbe dia bẹdẹ,

Iyẹnrẹ Esiri ri Jọn 14:6

Jesu da ta kẹ, Mẹvwẹ hẹ idjerhe na, kugbe uyota na, kugbe arhọ na; ohwo ọvuọvo se bru Ọsẹ na rhe-e, ẹkẹvuọvo yẹ oma mẹ.

Ọbe ri Pọl si rhe Ihwo ri Rom 5:10

Ọ da dianẹ ọke rẹ avwanre vẹ ọye vwọ hẹ ọvweghrẹ na a da vwẹ ughwu rẹ Ọmọ rọye vwọ rhuẹrẹ avwanre vẹ Ọghẹnẹ kugbe, kẹ eriyin na, vwẹ asakiephana rẹ avwanre vwọ rhuẹrẹ kugbe nu na, avwanre ke rhọ fiki rẹ arhọ rọye.

Ọbe ri Pọl si rhe Ihwo ri Rom 5:2

Oma rọye avwanre wan vwo ẹserọphẹ rẹ avwanre mudia phihọ na, avwanre ke ghọghọ vwẹ iphiẹrohọ nẹ avwanre vwo ẹkẹn vwẹ urinrin rẹ Ọghẹnẹ na.

Ọbe ri Pọl si rhe Ihwo ri Rom 8:34

Kono e bruhwe? Ki Kristi Jesu, ro ghwuru, e, ra kpare nẹ ughwu rhe, rọ hẹ obọrhe rẹ Ọghẹnẹ, rọ ghene rẹ kẹ avwanre na?

1 Kọrẹnt 1:21

Kidie, vwẹ evun rẹ aghwanre rẹ Ọghẹnẹ, akpọ na gbe vwẹ aghwanre yena riẹn Ọghẹnẹ na-a, o de jẹ Ọghẹnẹ nẹ vwẹ oma rẹ ugheghẹ rẹ avwanre ghwoghwo na o vwo se sivwi ayen otu ri segbuyota.

Ẹfesọs 2:18

Kidie oma rọye avwanre ivẹ na wan mrẹ asan vwẹ evun rẹ Erhi ọvo na vwo bru Ọsẹ na.

Ẹfesọs 3:12

Oma rọye avwanre wan vwo aroeyivwo kugbe udu vwo sikẹrẹ fiki rẹ esegbuyota rẹ avwanre vwo kpahọ.

Ẹfesọs 3:20

Asakiephana vwọ kẹ ohwo ro sa kẹ okẹ ro buru vwẹ ogangan rọye rọ hẹ udu rẹ avwanre vwẹ emu ejobi rẹ avwanre nọre eyẹ rẹ avwanre roro,

Filipae 3:21

ohwo ro che ku orharhe rẹ oma rẹ avwanre na rhẹriẹ hirhe phihọ oma rẹ urinrin rọye, vwẹ ogangan rọ nẹrhẹ ọ vwẹ emu na ejobi hwaotọ kẹ oma rọye.

1 Timoti 2:5

Kidie Ọghẹnẹ ọvnọvo re herọ, ovwrohọnre ọvuọvo re hẹ uvwre rẹ Ọghẹnẹ vẹ ihwo rẹ akpọ, ohwo na hẹ Kristi Jesu,

2 Timoti 1:12

fiki rẹ ọye ọvo na me vwọ reoja kirobo re me ria na. Ẹkẹvnọvo oma vo ovwẹ-ẹ, kidie me riẹn ohwo ri mi segbuyota yo ji mu vwe ẹro nẹ ọ je sa sẹro rẹ obo rọ vwọ kẹ vwẹ yọnre na re te Edẹ na.

Hibru 11:6

Ọ dia esegbuyota-a yọ epha bẹnbẹn re vwo ru obo ri je. Kidie ohwo kohwo rọ tanẹ ọye si kẹre Ọghẹnẹ mi segbuyota nẹ ọ herọ nẹ ọye re hwa osa kẹ ayen otu re guọnerọ.

Hibru 13:15

E gbe jẹn avwanre wan oma rọye gọ iye rẹ ejiro kẹ Ọghẹnẹ kọke kọke, kọye hẹ, ẹbẹrunu rẹ avwanre re vwo jiri odẹ rọye.

Hibru 2:18

Kidie fiki robo rẹ okpuyovwi rọye vwọ reoja ra vwọ davwọ ni, kọ je sa dia ọchuko kẹ ayen otu ra davwere.

Hibru 2:9

Ẹkẹvuọvo avwanre mrẹ Jesu, ra mare kpotọ emerha nọ emakashe na, ra vwẹ urinrin vẹ ọghọ tughẹ fiki rẹ oja rẹ ughwu, ọtiọye na vwẹ oma rẹ ẹserọphẹ rẹ Ọghẹnẹ ọ sa vwọ davwe ughwu kẹ ohwo kohwo.

Hibru 5:7

Vwẹ ọke rọ vwọ herọ vwẹ ugboma na, Jesu nẹ ẹrhovwo ọ ghwa yare oyare, vẹ ekperẹ vẹ oviẹ, kẹ ohwo ro se sivwo nẹ ughwu, e de nyo kẹ fikiridie ohwo ọfuanfon rọ djẹ oshọ o ruẹ.

Hibru 7:16

rọ dia orherẹn nure, o dianẹ kerẹ urhi rẹ evwiẹ rẹ ugboma-a ẹkẹvuọvo kẹ ogangan rẹ arho ro jẹ ghwọrọ.

Hibru 7:19

(kidie urhi na se ruẹ emuọvo gba-a); vwẹ obọ rivẹ, ọ vwẹ omamọ rẹ iphiẹrohọ rhe, oma rọye avwanre wan sikẹre Ọghẹnẹ.

Hibru 7:24

kirobo rẹ ekpuyovwi rọye vwọ dia rhiri bẹdẹ na, orherẹn rọye rhe vwo ewene-e.

Hibru 7:8

Vwẹ etinẹ na ihwo rẹ akpọ ri ghwẹ eye e toro ẹkẹn-ehwe na kẹ; vwẹ oboyi, kẹ ohwo ọvo re se oseri kpahe nẹ ọ dia bẹdẹ.

Hibru 9:24

Kidie Kristi ro ẹshẹ ra vwẹ obọ ru-u, uhoho rẹ ọ rẹ omamọ na, ẹkẹvuọvo okpoyovwi rẹ odjivwu dẹn, asakiephana kọ phia vwẹ obaro rẹ Ọghẹnẹ rọ rẹ kẹ avwanre.

Ọbe ri Jud 1:24

Asakiephana vwọ kẹ ohwo ro se si ovwan nẹ eshe rọ da vwẹ ovwan phia vwẹ obaro rọye o vwo upe-e vẹ aghọghọ,