Hibru 6:9 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁹ Ẹkẹvuọvo fiki rẹ ovwan na, imoni re ghare, ọtiobo rẹ avwanre vwẹ unu kpotọ ta kẹ ovwan na, o ji mu avwanre ẹro nẹ emu esiri buebu hẹ oma rẹ ovwan ro fo esivwo.

Hibru 6:9 ပူးပေါင်းရင်းမြစ်များ

Aizaya 57:15

Kidie enẹ Ọro grori ro kpenu Ọvuọvo na tare rọ dia uphephẹ re rara, rẹ odẹ rọye Ọfuanfon. Me dia asan ro kpenu rọ fonro, ihwo re fonro rẹ udu rayen kpotọ Me vayen gbe dia, rere Me vwọ rhọvwọ udu ro kpotọ, rere Me vwọ sasa udu rọ fonro,

Iyẹnrẹ Esiri ri Mak 16:16

Ohwo ro seregbuyota ọ da reyọ ame ọ cha rhọ; ẹkẹvuọvo ọ ro seregbuyota-a cha reabe.

Iruo rẹ Iyinkọn na 11:18

Ọke rẹ ayen vwo nyo ọnana ayen da fọ. Ayen de jiri Ọghẹnẹ, tanẹ, Kẹ Ọghẹnẹ je kẹ ayen otu ri Keferi ekuorhẹrie rẹ esivwo rẹ arhọ rhe.

Iruo rẹ Iyinkọn na 20:21

ri mi se oseri kẹ ihwo ri Ju vẹ ihwo ri Grik ni kurhẹriẹ bru Ọghẹnẹ rhe ri vwo esegbuyota kpahe Ọrovwavwanre Jesu Kristi.

1 Kọrẹnt 10:14

Fiki rẹ ọtiọye na, imoni mẹ, sioma nẹ edjọ ẹgọ.

2 Kọrẹnt 12:19

Ku we roro rhabae rhe nẹ avwanre bru ocha cha oma rẹ avwanre kẹ ovwan? Obaro rẹ Ọghẹnẹ uyota avwanre ta vwi Kristi, ayen ejobi na ke ra vwọ kpọ ovwan vi, imoni.

2 Kọrẹnt 7:1

Imoni re ghare, rẹ avwanre vwo vwo ivẹ nana nure na, e gbe jẹn avwanre họ oma rẹ avwanre nẹ ẹgua rẹ ugboma vẹ erhi, re ru ẹfuọn gba vwẹ oshọẹdjẹ rẹ Ọghẹnẹ.

2 Kọrẹnt 7:10

Kidie omamọ rẹ ivun emiovwo nẹrhẹ ekuẹrhẹriẹ kọye ri suẹn ohwo kpo esivwo o rhe vwo ọdavwẹ-ẹ, ẹkẹvuọvo ivun emiovwo rẹ akpọ nana ghwa ughwu cha.

Galesha 5:6

Kidie, vwẹ evun ri Kristi Jesu, oyanvwe kugbe ijẹyanvwọ fi emu ọvuọvo-o; ẹkẹvuọvo esegbuyota ro ru iruo vwẹ evun rẹ ẹguọnọ.

Hibru 10:34

Kidie ovwan re ehrọre re otu re mu phihọ uwodi, re vwo gborho ekuakua wẹn oma da vwerhe owẹ, kidie okpuyovwi wẹn riẹnre nẹ wo vwo ekuakua ri yoma nọ eyena re je tọn nọ.

Hibru 10:39

Ẹkẹvuọvo avwanre dia otu ri siẹoma reyọ a ghwọrọ aye-en, ẹkẹvuọvo ayen otu ri segbuyota re sẹro rẹ ẹnwẹn rayen.

Hibru 2:3

komavọ avwanre sa djẹ vabọ rẹ avwanre da siẹn esivwo rode ọtiọna? Ọrovwohwo ri ke djẹ ẹsosuọ, avwanre otu ri nyoro kẹ iseri rọye.

Hibru 5:9

re vwo ruo gba nu kọ rhe dia esiri rẹ esivwo ri bẹdẹ na vwọ kẹ ayen ejobi ri mu ọghọ kẹ.

Hibru 6:10

Kidie Ọghẹnẹ dia orharhe rẹ ohwo ro jẹ iruo esiri kugbe ẹguọnọ rẹ ovwan vwo kẹ odẹ rọye ẹkarohọ, ri we ru kẹ ihwo efuanfon na fiki rọye, kirobo rẹ ovwan ji ruẹ na.

1 Pita 2:11

Imoni re me guọnọre, me rẹ ovwan kerẹ erhorha kugbe otu re hẹ imu re we sioma nẹ urhuru sivwe rẹ ugboma ro nene ẹnwẹn họnra na.

2 Pita 3:1

Imoni mẹ, asakiephana ọnana hẹ ọbe rivẹ ri mi si rhe ovwan na, vwẹ ẹbe ivẹ na ke mẹ vwerọ rhariẹ udu rẹ ovwan re wa vwọ karohọ;

1 Jọn 2:7

Imoni mẹ, ọ dia urhi ọkpokpọ mi siẹ rhe ovwa-an, ẹkẹvuọvo urhi rẹ awanre na rẹ ovwan nyori notọrhe na; urhi rẹ awanre na ọye hẹ ota na rẹ ovwan nyori na.

Ọbe ri Jud 1:3

Imoni re ghare, rẹ urhuru vwo si vwe vwo siẹ ọbe nana rhe ovwan kpahe esivwo rẹ avwanre ọvuọvo na, emu ọvo da gba phihọ ovwẹ udu ni mi si rhe ovwan vwo bru ovwan uche, rere ovwan vwọ họnre chochọ rẹ esegbuyota ra vwọ kẹ ihwo efuanfon na.