Hibru 6:1 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹ Vwẹ ọtiọye na e gbe jẹ avwanre gbobọnyẹ ebaghẹrẹ rẹ uyono ri Kristi na re e ru kerẹ omiragua, re e kurhẹriẹ nẹ iruo rẹ umwemwu na kpo esegbuyota rẹ Ọghẹnẹ,

Hibru 6:1 ပူးပေါင်းရင်းမြစ်များ

Isẹ 4:18

Ẹkẹvuọvo idjerhe rẹ ohwo esiri ọhọhọ ọke ro rhie cha, ro lo gala gala bẹsiẹ rẹ ọke vwo kpo.

Zekaraya 12:10

Ke Me vwe erhi rẹ arodọvwẹ vẹ ọ re orẹ ke uwevwi ri Devid vẹ ihwo re dia Jerusalẹm, ọtiọye re, ọke rẹ ayen de ni ọ rẹ ayen duvwuru na, ayen ki che muoma phihọ ke, kirobo rẹ ohwo muoma phihọ kẹ ọmọ ọvo rọye, rọ da viẹ gangan keẹ, kirobo re ohwo viẹ ọmọkpako.

Matiu 21:29

Ọ da kpahe ọ da ta nẹ, me cha ra-a: ẹkẹvuọvo ukuko rọye ọ da rhoma ra.

Matiu 21:32

Kidie Jọn bru ovwan rhe vwẹ ọ rẹ ọvwata, ovwan sere gbuyota-a, ẹkẹvuọvo otu rẹ imiarhọghọ kugbe igberadja na sere gbuyota; ovwan re mrẹrẹ dede na se kurhẹriẹ we de segbuyota-a.

Matiu 3:2

Kurhẹriẹ, kidie uvie rẹ odjuvwu si kẹre re.

Matiu 4:17

Nẹ ọke yena yanran, Jesu kọ ta ota rẹ iyẹnrẹ esiri na, ọ da ta nẹ, we kurhẹriẹ, uvie rẹ odjuvwu si kẹre re.

Matiu 5:48

Ọtiọye na ovwan gba fon kirobo rẹ Ọsẹ rẹ ovwan rọ hẹ obo odjuvwu fonro na.

Matiu 7:25

Ọke rẹ osio vwọ rhọ, rẹ ọkẹre vwọ fa, rẹ odju rhi vwo djuo, uwevwi na gbi she-e, fikiridie a bọnrọ vwọ hẹ enu rẹ oragha.

Iyẹnrẹ Esiri ri Mak 1:1

Ẹtuọhọ rẹ iyẹnrẹ esiri ri Jesu Kristi, Ọmọ rẹ Ọghẹnẹ na;

Iyẹnrẹ Esiri ri Mak 6:12

Ayen da yanran, re ghwoghwo ota na rere ihwo vwo kurhẹriẹ;

Iyẹnrẹ Esiri ri Luk 6:48

Kọ họhọ ohwo rọ bọn uwevwi, rọ da nabọ tọn otọ na kokodo, ro ki mu uchivwo na phihọ enu rẹ oragha; ọke rẹ oghwe vwo ku rhe, rẹ ọkẹre vwọ fa uwevwi na, o gbi se kpogho-o, fikiridie a tọnrọ ro otọ kokodo.

Iyẹnrẹ Esiri ri Jọn 12:44

Jesu da van ọ da ta, Ọ ro se vwe gbuyota, o se vwe gbuyota-a ẹkẹvuọvo ọ ro ji vwe rhe.

Iyẹnrẹ Esiri ri Jọn 14:1

We jẹn udu bru ovwa-an; se Ọghẹnẹ gbuyota, we ji se vwẹ gbuyota rhe.

Iyẹnrẹ Esiri ri Jọn 5:24

Uyota, uyota, me ta kẹ owẹ, ohwo ro nyo eta mẹ rọ de se ọ ro ji vwe rhe gbuyota, ko vwo arhọ ri bẹdẹ; e gbi vwo guẹdjọ ọfa-a, ẹkẹvuọvo yo nẹ ughwn kpo arhọ nure.

Iruo rẹ Iyinkọn na 11:18

Ọke rẹ ayen vwo nyo ọnana ayen da fọ. Ayen de jiri Ọghẹnẹ, tanẹ, Kẹ Ọghẹnẹ je kẹ ayen otu ri Keferi ekuorhẹrie rẹ esivwo rẹ arhọ rhe.

Iruo rẹ Iyinkọn na 17:30

Ọke rẹ ughẹghẹ Ọghẹnẹ vwo ku opharo fia, ẹkẹvuọvo asakiephana o de ji urhi kẹ ihwo ejobi vwi kasan kasan nẹ e kurhẹriẹ,

Iruo rẹ Iyinkọn na 2:38

Pita da ta kẹ ayen nẹ, Kurhẹriẹ rere ovwan ohwo ọvuọvo reyọ ame vwẹ odẹ ri Jesu Kristi fiki rẹ evwoghovwo rẹ imwemwu rẹ ovwan; ovwan ke cha mrẹ okẹ rẹ Erhi Ọfuanfon na reyọ.

Iruo rẹ Iyinkọn na 20:21

ri mi se oseri kẹ ihwo ri Ju vẹ ihwo ri Grik ni kurhẹriẹ bru Ọghẹnẹ rhe ri vwo esegbuyota kpahe Ọrovwavwanre Jesu Kristi.

Iruo rẹ Iyinkọn na 26:20

ẹkẹvuọvo ki mi ke ghwoghwo vwi Damaskọs, o ki rhi te Jerusalẹm ra wan orho ri Judia ejobi, kugbe otu ri Keferi rhe, rere ayen kurhẹriẹ bru Ọghẹnẹ rhe re ayen ru uruemu ro fori kẹ ekuorhẹriẹ rayen.

Iruo rẹ Iyinkọn na 3:19

Ovwan gbe kurhẹriẹ rere ephoro imwemwu rẹ ovwan nu, rere omamọ rẹ eyere rẹ arhọ na vwo nẹ obọ rẹ Ọrovwohwo na bru ovwan rhe.

1 Kọrẹnt 13:10

ẹkẹvuọvo ọke rẹ ọ rọ gbare da rhe, ọ ro jẹ gba na ko bioma.

1 Kọrẹnt 2:6

Vwẹ ohri rẹ ihwo rẹ ghwanre kẹ ọye avwanre de yono aghwanre, dede na yọ dia aghwanre rẹ oge nana-a eyẹ ọ rẹ isun rẹ oge nana-a, ri che ghwrẹ kuẹfia na.

2 Kọrẹnt 7:1

Imoni re ghare, rẹ avwanre vwo vwo ivẹ nana nure na, e gbe jẹn avwanre họ oma rẹ avwanre nẹ ẹgua rẹ ugboma vẹ erhi, re ru ẹfuọn gba vwẹ oshọẹdjẹ rẹ Ọghẹnẹ.

2 Kọrẹnt 7:10

Kidie omamọ rẹ ivun emiovwo nẹrhẹ ekuẹrhẹriẹ kọye ri suẹn ohwo kpo esivwo o rhe vwo ọdavwẹ-ẹ, ẹkẹvuọvo ivun emiovwo rẹ akpọ nana ghwa ughwu cha.

Ẹfesọs 2:1

Ọ da rhọvwọ ovwan, vwẹ ọke rẹ ovwan vwo ghwu fiki rẹ urhi ẹchọ vẹ umwemwu,

Ẹfesọs 2:5

vwẹ ọke rẹ avwanre vwo ghwu fiki rẹ urhi ẹchọ rẹ avwanre na, ọ da kpare avwanre vi Kristi vrẹn (ẹserọphẹ e vwo sivwi ovwan).

Ẹfesọs 4:12

Vwọ kẹ omaẹcha rẹ ihwo efuanfon na, vwọ kẹ iruo rẹ odibo egbe, vwọ kẹ ebanbon rẹ ugboma ri Kristi,

Kolose 1:28

Kọye avwanre ghwoghwo na, rere kohwo kohwo ejobi sa vwọ dia ohwo ri Kristi;

Kolose 3:14

Ọ rọ marho ejobi, ovwan gbe ku ẹguọnọ phihọ, kọye ufi ro churu ihwo kugbe.

Kolose 4:12

Epafras, ohwo ọvo vwẹ usun rẹ ovwan na, odibo ri Jesu Kristi nẹ eyere ovwan; kẹdẹ kẹdẹ ọ vwọ nẹ ẹrhovwo kẹ ovwan, rere ovwan se vwo mudia gan vwẹ evun rẹ iruo rẹ Ọghẹnẹ na.

1 Timoti 3:16

Ẹtẹkuẹte, oye hẹ ẹrhọvwọ, rẹ igbunu rẹ egagọ rẹ avwanre na; Ọ rọ phiare vwẹ ughoma, ẹ Erhi Ọfuanfon brorhiẹ kẹ, rẹ emakashe mrẹre, re ghwoghwori vwẹ ohri rẹ ẹgborho na, re segbuyota vwẹ akpọ na, re mu kpenu vwẹ urinrin.

1 Timoti 6:19

Ghwẹ koko kẹ oma wẹn re wọ tọn uehivwo kokoroko hẹrhẹ akpọ rọ cha, rere ayen yọnrọn arhọ na rọ dja nvi rẹ arhọ na.

2 Timoti 2:19

Ẹkẹvuọvo uchivwo rẹ ota rẹ Ọghẹnẹ na mudia kokoroko, oka nana ri nene. Ọrovwohwo riẹn otu re dia ọrọye, E jẹn ohwo kohwo ro se odẹ rẹ Ọrovwohwo siohọ nẹ orukuruku.

Hibru 11:6

Ọ dia esegbuyota-a yọ epha bẹnbẹn re vwo ru obo ri je. Kidie ohwo kohwo rọ tanẹ ọye si kẹre Ọghẹnẹ mi segbuyota nẹ ọ herọ nẹ ọye re hwa osa kẹ ayen otu re guọnerọ.

Hibru 12:13

rere wa gbẹn idjerhe ọphiọnphiọn kẹ awọ rẹ ovwan, rere awo ri ghwuru vwo je sida ẹkẹvuọvo rere i vwo je sivwi.

Hibru 7:11

Asakiephana ọ dianẹ a mrẹ orugba vwẹ oma rẹ orherẹn ri Livae (kidie otọ rọye ihwo na da reyọ urhi na), kidie ọfa a rha guọnọ ra vwẹ orherẹn ofa mu nene urhi ri Mẹlkizẹdẹk, rha nọ ọ re mu odẹ rẹ Erọn se?

Hibru 9:14

komavọ ọbara ri Kristi, rọ wan oma rẹ Erhi ri bẹdẹ na vwẹ oma rọye gọ iye ro jẹ ekan evwo kẹ Ọghẹnẹ, se ru udu rẹ ovwan fon nẹ iruo ighweghwu na ra gọ Ọghẹnẹ ri bẹdẹ na.

Jems 1:4

Gbe jẹ emudiaga wẹ ru iruo rọ gbare, rere wọ vwọ sa gbare tototo, wo jẹ emu ọvuọvo kare owẹ-ẹ.

1 Pita 1:21

Oma rọye ovwan wan vwẹ ẹro so Ọghẹnẹ, rọ kpaherọ nẹ ughwu rhe rọ da vwẹ urinrin kẹ, ọtiọye na te esegbuyota rẹ ovwan kugbe iphiẹrohọ rẹ ovwan e hẹ evun rẹ Ọghẹnẹ.

1 Pita 5:10

Ọke rẹ ovwan da reoja nu emerha, Ọghẹnẹ rẹ ẹserọphẹ ejobi, ro se ovwan rhe urinrin rọye ri bẹdẹ na vwi Kristi, okpuyovwi rọye kọ rhoma vọn, kọ vwẹ owọ rẹ ovwan muotọ, kọ kẹ ovwan ogangan.

1 Jọn 4:12

Ohwo ọvuọvo ji rhie ẹro mrẹ Ọghẹnẹ dẹvo-o; avwanre da guọnọ ohwohwo, yẹ Ọghẹnẹ hẹ evun rẹ avwanre, yẹ ẹguọnọ rọye je gba vwẹ evun rẹ avwanre.