Hibru 5:9 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁹ re vwo ruo gba nu kọ rhe dia esiri rẹ esivwo ri bẹdẹ na vwọ kẹ ayen ejobi ri mu ọghọ kẹ.

Hibru 5:9 ပူးပေါင်းရင်းမြစ်များ

Une rẹ Ejiro 45:17

Mi ru odẹ wẹn vwo kperi usi vwẹ uvwiẹ na ejobi, fiki rẹ ọtiọye na ihwo na ki jiri uwe bẹdẹ bẹdẹ.

Une rẹ Ejiro 51:6

Nighere, wọwẹ re guọnọ uyota ro ne evun rhe; fiki rẹ ọtiọye na gbe yono uvwe aghwanre vwẹ udu mẹ.

Une rẹ Ejiro 51:8

Vwe aghọghọ vẹ ornavwerhe vọn vwẹ evun; jẹn ubeku ru wo vwirhiri jovwo ghọghọ.

Aizaya 45:22

Rhoma bru vwe rhe re wọ rho, oba rẹ akpọ na ejobi na: Kidie Mẹvwẹ Ọghẹnẹ, o gbi vwo ọfa-a

Aizaya 49:6

ọ da ta, Emu ọphapharhe rere wọ vwọ dia odibo mẹ ra vwọ kpare uvwiẹ ri Jekọp vrẹn kugbe rere a vwọ sẹro rẹ uchekotọ rẹ Izrẹl; Me vwẹ owẹ ru urhukpẹ kẹ ẹgborho na, rere esivwo Mẹ rhi vwo te oba rẹ akpọ na.

Aizaya 50:10

Ono vwẹ usun rẹ ovwan na re dje oshọ rẹ Ọrovwohwo ro mu ọghọ kẹ urhuru rẹ idibo rọye, re yan vwẹ evun rẹ ebri ri vwo urhukpẹ-eẹ, dede na yẹ ayen vwẹ ẹro so odẹ rẹ Ọrovwohwo re vwẹ oma da Ọghẹnẹ rọye?

Aizaya 55:3

Rhie erhọn wẹn, ri wo bru vwe rhe; nyo, re erhi wẹn vwọ rhọ; ke Me vẹ owẹ re ọphọ re rara, omamọ rẹ uvi rẹ ẹguọnọ ro jẹrhẹriẹ ri mi vwo kẹ Devid.

Daniẹl 9:24

E bru ẹdidjana ujorha gbẹ ihwe rẹ ukpe vwọ kẹ ihwo wẹn vẹ orere ọfuanfon wẹn, re ogbeku na vwo re, re umwemwu ji vwo re, ra vwọ rhuẹrẹ arhuẹrẹ fiki rẹ orukuruku, bẹsiẹ ra vwọ reyọ ọvwata ri bẹdẹ vwọ rhe uwevwi bẹsiẹ re vwo rhurhu evwerhẹ vẹ aruẹmrẹ, bẹsiẹ ra vwọ vwẹ evwri te asan rọ ma fọn na,

Zekaraya 6:15

Otu re he ogboko jovwo na ke cha rhe rhi nene ayen bọn uwevwi rẹ Ọrovwohwo na; ku wọ cha riẹn nẹ Ọrovwohwo rẹ otuofovwi na ri ji vwe bru we rhe. Ọnana che ru, o da dianẹ wọ vwẹ oma kpotọ nyo urhuru rẹ Ọrovwohwo Ọghẹnẹ wẹn na .

Matiu 17:5

Rọ je vwọ ta ota na, egho de rhi rhurhn ayen; urhuru ọvo de nẹ evun rẹ egho na rhe ta nẹ, Ọnana hẹ ọmọ mẹ ro je vwe na, rẹ ivun rọye vwerha ovwẹ na; we nyo ota rọye.

Iyẹnrẹ Esiri ri Luk 13:32

Ọ da at kẹ ayen, Yanran ra ta kẹ urhirako yena, Nighe, me djẹ idẹbono mi sivwẹ nonẹ kugbe odẹ rọ cha, ẹdẹ rerha yẹ iruo mẹ reri.

Iyẹnrẹ Esiri ri Jọn 19:30

Ọke ri Jesu vwọ da origbo na nu, ọ da ta, O reri; o de gbe uyovwi hẹ otọ o de phi ẹnwẹn họ.

Iruo rẹ Iyinkọn na 3:15

Ovwan de hwe ọ ro vwo arhọ, ohwo rẹ Ọghẹnẹ kpare vrẹn nẹ ughwu na. Ọna avwanre hẹ iseri rọye na.

Iruo rẹ Iyinkọn na 4:12

Esivwo rha hẹ oma rẹ ohwo ofa-a, kidie odẹ ọfa rha hẹ otọ rẹ odjuvwu re mu kẹ ihwo ro se sivwi avwanre-e.

Iruo rẹ Iyinkọn na 5:32

Avwanre kẹ iseri rẹ emu nana ejobi, ọtiọye je hẹ Erhi Ọfuanfon na rẹ Ọghẹnẹ vwọ kẹ ayen otu ri mu ọghọ kẹ.

Ọbe ri Pọl si rhe Ihwo ri Rom 1:5

oma rọye avwanre wan vwo ẹserọphẹ vwọ dia ọyinkọn rere mi vwo se ihwo re vwẹ ọghọ kẹ ri vwo esegbuyota kpahe odẹ na vwẹ ohri rẹ ẹgborho na ejobi,

Ọbe ri Pọl si rhe Ihwo ri Rom 10:16

Ẹkẹvuọvo ọ dia ayen ejobi re kerhọn rẹ iyẹnrẹ esiri na-a; kidie Aizaya tare, Ọrovwohwo, ono se iyẹnrẹ esiri rẹ avwanre ghwoghwori na gbuyota?

Ọbe ri Pọl si rhe Ihwo ri Rom 15:18

Kidie mi se yivwi gbe ikun rẹ emuọvo-o jokpa nẹ obo ri Kristi vwẹ ovwẹ ru re otu ri Keferi se vwo mu ọghọ kẹ, vwẹ ota kugbe uruemu.

Ọbe ri Pọl si rhe Ihwo ri Rom 2:8

Ẹkẹvuọvo vwọ kẹ ihwo re guọnọ ohẹriẹ re vwẹ ọghọ kẹ uyota na-a, ẹkẹvuọvo ri mu ọghọ kẹ evun umwemwu, ke mrẹ ivun emiovwo vẹ ophu.

Ọbe ri Pọl si rhe Ihwo ri Rom 6:17

Ẹkẹvuọvo ẹkpẹvwẹ kẹ Ọghẹnẹ, nẹ ovwan re dia eviẹn rẹ umwemwu jovwo na rhoma rhe vwẹ udu rẹ ovwan mu ọghọ kẹ oka rẹ uyono re yono ovwan jovwo,

2 Kọrẹnt 10:5

Avwanre guọghọ aphro kugbe eyan ri hirhe phihọ ukọn kẹ erianriẹn rẹ Ọghẹnẹ, rọ da vwẹ iroro kiroro vwo ru ọviẹn re e vwo jẹ ọghọ emuọ kẹ Kristi,

Filipae 2:12

Vwẹ ọtiọye na, imoni mẹ, kirobo rẹ ovwan mu ọghọ jovwo na, ọtiọye asakiephana, ọ dia irharo mẹ ọvo-o ẹkẹvuọvo ji te obuko mẹ rhe, ovwan gba vwẹ oshọ vẹ ophariẹ vwọ wian owian rẹ esivwo rẹ ovwan phia;

2 Tẹsalonaika 1:8

kọ cha vwẹ ayen otu re riẹn Ọghẹnẹ-ẹ reihri kugbe ayen otu ti jẹ ọghọ emuo kẹ iyẹnrẹ esiri rẹ Ọrovwavwanre Jesu.

2 Tẹsalonaika 2:16

Asakiephana gbe jẹ ekpuyovwi rẹ Ọrovwavwanre Jesu Kristi, kugbe Ọghẹnẹ Ọsẹ rẹ avwanre, rọ guọnọ avwanre rọ da kẹ avwanre ufuoma ri bẹdẹ kugbe omamọ rẹ iphiẹrohọ rẹ ẹserọphẹ,

2 Timoti 2:10

Fiki rẹ ọtiọye na ki mi chiri kemu kemu fiki rẹ ihwo ra sano reyọ na, rere ayen se vwo esivwo rọ herọ vwẹ evun ri Kristi Jesu rọ vẹ urinrin ri bẹdẹ na gba yan usun.

Hibru 1:14

Ayen ejobi dia irhi ri gbe odibo re ji rhe rhe gẹ ga, fiki rẹ ayen otu ri che vwo esivwo na?

Hibru 11:40

rẹ Ọghẹnẹ vwọ ka mrẹ obo ri me yovwi kẹ avwanre na, nẹ ọ rha dia avwanre-e e gbi se ru ayen gba-a.

Hibru 11:8

Vwẹ esegbuyota Ebraham vwo mu ọghọ vwẹ ọke re vwo se kpo asan rọ ra reyọ vwọ reuku na; ọ da yanran, yọ riẹn obo ro vwo gbe-e.

Hibru 12:2

avwanre gba tọn ẹro vi Jesu ọkobaro kugbe orugba rẹ esegbuyota rẹ avwanre, ohwo rọ vwi fiki rẹ aghọghọ rọ hẹ obaro kẹ chiri odjadja rẹ aghagha na, ọ davwerhọn rẹ omaẹvuọ na-a, o de rhi tidia obọrhe rẹ ekete rẹ Ọghẹnẹ.

Hibru 2:10

Kidie o fori nẹ ọye, ra ma emu na ejobi kẹ na, rẹ emu na ejobi vwọ herọ na, sa vwọ reyọ emọ na vwo kpo urinrin, rere e sa dia ekobaro rẹ esivwo rayen na vwẹ oma rẹ oja rọ rere.

Hibru 2:3

komavọ avwanre sa djẹ vabọ rẹ avwanre da siẹn esivwo rode ọtiọna? Ọrovwohwo ri ke djẹ ẹsosuọ, avwanre otu ri nyoro kẹ iseri rọye.

Hibru 9:12

ọ da ro Asan Ọfuanfon na ẹsiẹvo goi, ọ dianẹ kẹ ọbara rẹ ẹvwe vẹ erhuẹ-ẹn ẹkẹvuọvo ọbara robọ rọye, kenẹ ọ vwọ dẹ ẹtanhirhe ri bẹdẹ na.

Hibru 9:15

Fiki rẹ ọtiọye na kọye ọ vwọ dia obruche rẹ ọphọ ọkpokpọ na, rere ayen otu re seri se vwo vwo ivẹ rẹ uku ri bẹdẹ na, fikiridie ohwo ọvo ghwuru ra vwọ tan ayen nẹ ogbeku rọ hẹ otọ rẹ ọphọ rẹsosuọ.

Hibru 9:28

Vwẹ ọtiọye na ra vwọ vwi Kristi gọ iye ẹsiẹvo nure na rọ ghwa imwemwu rẹ ihwo buebu nu na, kọ je cha rhe vwẹ obọ rivẹ, ọ dianẹ kẹ umwemwu ọ cha ghwọrọ-ọ ẹkẹvuọvo ko che sivwi ayen otu re vwẹ erhiori hẹrhẹ.

1 Pita 1:22

Rẹ ovwan vwọ hworhẹ ẹnwẹn rẹ ovwan fon vwẹ oma rẹ ọghọ rẹ ovwan mu kẹ uyota na rẹ ovwan vwo vwo ẹguọnọ kpahe imoni na, ovwan gba guọnọ ohwohwo nẹ otọ rẹ evun rhe.

1 Jọn 5:20

Yẹ avwanre riẹnre nẹ Ọmọ rẹ Ọghẹnẹ na rhe nure ọ da kẹ avwanre ẹruọ, ra vwọ riẹn ohwo rẹ uyota; evun rẹ ohwo rẹ uyota na kọye avwanre epha, evun rẹ Ọmọ rọye na Jesu Kristi. Ọnana hẹ Ọghẹnẹ rẹ uyota kugbe arhọ ri bẹdẹ na.

Ọbe ri Jud 1:21

sẹro rẹ oma rẹ ovwan vwẹ evun rẹ ẹguọnọ rẹ Ọghẹnẹ; hẹrhẹ arodọvwẹ rẹ Ọrovwavwanre Jesu Kristi kugbe arhọ rọye ri bẹdẹ na.