Hibru 5:7 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁷ Vwẹ ọke rọ vwọ herọ vwẹ ugboma na, Jesu nẹ ẹrhovwo ọ ghwa yare oyare, vẹ ekperẹ vẹ oviẹ, kẹ ohwo ro se sivwo nẹ ughwu, e de nyo kẹ fikiridie ohwo ọfuanfon rọ djẹ oshọ o ruẹ.

Hibru 5:7 ပူးပေါင်းရင်းမြစ်များ

Une rẹ Ejiro 22:24

Kidie o ku ẹro fia kẹ ihwo re he okpetu eye ukpokpogho-o, wo si opharo wẹn nu kẹ aye-en ẹkẹvuọvo wọ vwọ viẹ kperi se o nyori.

Une rẹ Ejiro 69:1

Sivwe, E Ọghẹnẹ! kidie ame na rhi te vwe ohọre

Une rẹ Ejiro 88:1

E Ọrovwohwo, Ọghẹnẹ mẹ, me nekpẹn rẹ ọchuko vwẹ oghẹruvo, mi kperi se we vwẹ ọke rẹ ason.

Aizaya 49:8

Enẹ Ọrovwohwo tare Vwe ọke re aroestri Me da jẹ wẹ reyọ, vwẹ ẹdẹ re esivwo Me da cha wẹ uko, Me sẹro wẹ Me da vwẹ owẹ ru kerẹ ọphọ vwọ kẹ ihwo na, re vwo rherhe otọ na vi, ra vwọ gharọ utetemute ughwẹ ra kua jovwo na,

Aizaya 53:11

kọ cha mrẹ omamọ rẹ uvwiẹ ẹchuẹ rẹ erhi rọye evun kọ vọn, vwẹ erianriẹn rọye ọye ọvwata mẹ na, odibo mẹ, vwo ru ihwo buebu phihọ ọvwata; ko mu oghwa rẹ orukuruku rayen.

Aizaya 53:3

A jẹrẹfia ihwo serọ, ohwo re oja, ivuemiovwo rierierẹ oma, kerẹ ohwo ra mrẹ si opharo djẹ, a jẹrẹfia, avwanre sere gbe ohwo-o.

Livitikọs 2:2

Ọ Me vwẹ ayen rhe emọ rẹ Erọn re irherẹn na Ọ Me ghwe ẹkuobọ vọn nẹ eka re duvwuru na vẹ evwri, kugbe adjija na ejobi; orherẹn na kọ torhẹ Ọnana rọ dia ẹkẹn re ẹkarohọ rọye vwẹ enu rẹ agbada na, izobo rẹ erhanre, ro gbo ọnrhen ororo kẹ Ọrovwohwo.

Matiu 27:46

Unọke irhiri vwo te Jesu de kperi urhuru gangan ta nẹ, Eloi, Eloi lama sabaktani? ra fan otọ rọye nẹ, Ọghẹnẹ mẹ, Ọghẹnẹ mẹ, die jabọ wọ vwọ sen vwẹ?

Matiu 27:50

Jesu da rhoma kperi gangan, o de phi ẹnwẹn họ.

Iyẹnrẹ Esiri ri Mak 15:34

Rẹ unọke irhiri vwo te. Jesu de kperi urhuru gangan, Eloi, Eloi lama sabaktani? ra fan otọ rọye nẹ, Ọghẹnẹ mẹ, Ọghẹnẹ mẹ, Die jabọ wọ vwọ sen vwẹ?

Iyẹnrẹ Esiri ri Mak 15:37

Jesu de kperi urhuru gangan o de phi ẹnwẹn họ.

Iyẹnrẹ Esiri ri Luk 23:46

Etiyin Jesu, rọ vwọ van kperi, ọ da ta, Ọsẹ, obọ wẹn mi phi erhi mẹ phihọ! Rọ vwọ ta ọnana nu o de phi ẹnwẹ họ.

Iyẹnrẹ Esiri ri Jọn 1:14

Ota na de rhi hirhe phihọ ohwo ọ da rhe dia ohri rẹ avwanre, ọ vọnre vẹ ẹserọphẹ vẹ uyota; avwanre da mrẹ urinrin rọye ọ tiẹ urinrin rẹ Ọmọ ọvuọvo na ro nẹ obọ rẹ Ọsẹ na rhe.

Iyẹnrẹ Esiri ri Jọn 11:35

Jesu da viẹ.

Iyẹnrẹ Esiri ri Jọn 11:42

Me riẹnre nẹ wo nyo vwe kọke kọke, ẹkẹvuọvo me ta ọnana fiki rẹ ihwo ri mudia vwẹ etinẹ na, rere ayen vwo segbuyota nẹ wọwẹ ri ghine ji uvwe.

Iyẹnrẹ Esiri ri Jọn 17:1

Ọke ri Jesu vwọ ta eta nana nu, ọ da kpare opharo ni enu ọ da ta, Ọsẹ, ọke na tere; vwẹ urinrin kẹ Ọmọ wẹn rere Ọmọ na vwẹ urinrin kẹ owẹ.

Ọbe ri Pọl si rhe Ihwo ri Rom 8:3

Kidie obo rẹ urhi na se ru-u, rọ vwọ hẹ ọvwiẹrẹ fiki rẹ ugboma na, Ọghẹnẹ de ji Ọmọ rọye rhe vwẹ oma rẹ ohwo rẹ akpọ rọ vọnre vẹ umwemwu, o de vwo ze kẹ umwemwu, rere o vwo bruhwe umwemwu vwẹ ugboma,

Galesha 4:4

Ẹkẹvuọvo, rẹ ọke na rhe vwọ gbare, Ọghẹnẹ de ji ọmọ rọye na rhe, rẹ aye vwiẹri, re vwiẹri vwẹ otọ rẹ urhi na,

1 Timoti 3:16

Ẹtẹkuẹte, oye hẹ ẹrhọvwọ, rẹ igbunu rẹ egagọ rẹ avwanre na; Ọ rọ phiare vwẹ ughoma, ẹ Erhi Ọfuanfon brorhiẹ kẹ, rẹ emakashe mrẹre, re ghwoghwori vwẹ ohri rẹ ẹgborho na, re segbuyota vwẹ akpọ na, re mu kpenu vwẹ urinrin.

Hibru 10:10

Vwẹ oma rẹ ọhọre yena a wan ru avwanre fon fiki rẹ iye ri Jesu Krisri vwẹ ugboma rọye gọ ẹsiẹvo kẹ ihwo ejobi.

Hibru 10:5

Kọye, ri Kristi vwọ rhe akpọ na, ọ da ta, Iye kugbe egagọ wọ guọnọre-e, ẹkẹvuọvo ugboma vwọ rhuẹrẹ kẹ vwẹ;

Hibru 11:7

Vwẹ esegbuyota ọye Ọghẹnẹ vwọ vuẹ Noa kpahe obo re cha phia ra je mrẹ-ẹ, o da djẹ oshọ ra kare okọ ro vwo sivwi evwruwevwi rọye, vwẹ oma rẹ ọnana o vwo brorhiẹ hwe akpọ na ọ da rhe dia ọreuku rẹ ọvwata rọ wan oma rẹ esegbuyota rhe.

Hibru 12:28

Vwẹ ọtiọye na e gbe jẹn avwanre kpẹvwẹ rẹ avwanre vwo vwo uvie ro je kpogho, kẹ avwanre ga omamọ rẹ egagọ ro fo ẹreyọ kẹ Ọghẹnẹ, vẹ etete kugbe udidi; kidie Ọghẹnẹ rẹ avwanre na hẹ erhanre rọ ghwọrọ.

Hibru 13:20

Asakiephana e gbe jẹ Ọghẹnẹ rẹ ufuoma rọ kpare Ọrovwavwanre Jesu nẹ ughwu rhe, osuigegede rode na, vwẹ ọbara rẹ ọphọ re rara na,

Hibru 2:14

Kirobo rẹ emọ na herọ vwẹ oma vẹ obara na, eriyin okpuyovwi rọye ji vwo oma ọvo na, rere vwẹ oma rẹ ughwu ọ vwọ guọghọ ohwo ro vwo ogangan rẹ ughwu na, kọye hẹ, idẹbono na.

1 Jọn 4:3

erhi kerhi rọ gbe rhọvwe Jesu-u yọ dia ọ rẹ Ọghẹnẹ-ẹ. Ọnana hẹ erhi ri Kristi rẹ ofian na, rẹ ovwan nyori nẹ ọcha na, asakiephana e hẹ evun rẹ akpọ na nure.

2 Jon 1:7

Kidie otu re phiẹn ihwo buebu ro evun rẹ akpọ na re, otu re sian nẹ Jesu Kristi rhere vwẹ ugboma-a; ohwo ọtiọye na hẹ ọphiẹn ohwo kugbe Kristi rẹ ofian na.