Hibru 5:3 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³ Fiki rẹ ọnana na kọye ọ vwọ gbahọ ohọre rere ọ vwọ gọ iye fiki rẹ umwemwu robọ rọye kugbe ọ rẹ ihwo efa rhe.

Hibru 5:3 ပူးပေါင်းရင်းမြစ်များ

Livitikọs 16:15

Tavwe o ki rhi hwe ẹvwe ro che vwo ze izobo fiki rẹ umwemwu kẹ ihwo na ejobi, ọ Me reyọ ọbara rọye ra ro evun rẹ asan ra vwe amwa tan na, o mi ruo kirobo ro ru ọ rẹ erhuẹn ọshare na, ọ Me fẹrẹ ku enu rẹ akpanurhe rẹ arodọvwẹ na kugbe obaro rọye,

Livitikọs 16:6

Erọn Me vwẹ erhuẹn ọshare na ze izobo fiki rẹ izobo rẹ umwemwu na vwọ kẹ oma obọ rọye, re vwenẹ ọ vwọ gọ ẹgua nẹ oma rọye vẹ uwevwi rọye.

Livitikọs 9:7

Kẹsiẹye Mosis ke rha ta kẹ Erọn nẹ, Gbe si kẹrẹ agbada na, rere wo ze izobo rẹ umwemwu wẹn vẹ izobo rẹ ẹtorhẹ rere wọ gọ ẹgua nẹ oma wẹ vẹ ihwo na ejobi, re wọ vwẹ ẹkpẹvwẹ rẹ otu ejobi na rhe, rere wọ gọ ẹgua nẹ ayen oma, kirobo rẹ Ọrovwohwo na ji iji rọye na.

1 Kọrẹnt 15:3

Kidie ọye hẹ obo ri me yovwi re me reyọre re me vwọ kẹ ovwan, nẹ Kristi ghwu kẹ imwemwu rẹ avwanre kirobo rẹ ọbe ọfuanfon na tarọ,

Hibru 10:12

Ẹkẹvuọvo ọke ri Kristi vwọ gọ iye na ẹsiẹvo goi vwọ kẹ imwemwn nu, o de tidia obọrhe rẹ Ọghẹnẹ,

Hibru 7:27

O rhe vwo ọdavwẹ, kerẹ irherẹn yena, re gọ iye kẹdẹ kẹdẹ-ẹ, rọ ka gọ iye kẹ oma rọye tavwe rọ ke gọ kẹ ihwo efa-a; ẹsiẹvo ọ gọ iye nana kẹ ihwo ejobi vwẹ ọke rọ vwọ vwẹ oma rọye ze kẹ ughwu.

Hibru 9:7

ẹkẹvuọvo ubruwevwi rivẹ na orherẹn rode na ọvo kọye re ruọ, ẹsiẹvo egbukpe, ọ me ra reyọ ọbara kọye ọ vwọ gọ iye kẹ oma rọye kugbe oruchọ rẹ ihwo na ejobi.