Hibru 5:12 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹² Kidie rhi te ọke nana iyono e rori nẹ ovwan a dia, ovwan ke rha hẹrhẹ nẹ e gbe yono ovwan iji rẹ ota rẹ Ọghẹnẹ. Ovwan guọnọ evie, ọ dia emuọre ọgangan.

Hibru 5:12 ပူးပေါင်းရင်းမြစ်များ

2 Samuẹl 16:23

Ọke yena iroro rẹ Ahitofẹl jẹre, da họhọ obo rẹ ọboepha rẹ Ọghẹnẹ tare; ọtiọye iroro rẹ Ahitofel jẹ kẹ Devid kugbe Absalọm epha.

Ezra 7:10

Kidie Ẹzra vwẹ ẹnwẹ roye kpahe eyono rẹ urhi rẹ Ọrovwohwo na, rere o vwo ruo, rere o vwo yono iji kugbe urhi rọye vwẹ Izrẹl.

Une rẹ Ejiro 34:11

Yanrhe, E emọ, kerhọn mẹ, Mi yono uwe oshọ ẹdjẹ rẹ Ọrovwohwo na.

Aizaya 28:13

Vwẹ ọtiọye na kẹ enẹ ota rẹ Ọrovwohwo cha dia kẹ ayen urhi kpahe urhi, urhi kpahe urhi, usi vwọ kpahe usi, usi kpahe usi, etinẹ emerha, etiyin emerha, rere ayen vwọ yanran, re she kpuko, kẹ ayen vwirhi, ufi ko mu ayen, ke mu ayen reyọ.

Aizaya 55:1

Ohwo kohwo rẹ urhuru rẹ ame hwe, yanrhe asan ame na, ohwo ro vwo igho-o, yanrhe, de wọ re! Yanrhe, dẹ udi vẹ ame rẹ Ivie, ọphe o vwo unu-u.

Matiu 17:17

Jesu da kpahe ọ da ta nẹ, Edje ri jẹ esegbuyota evwo, mavọ me vẹ ovwan dia kir te? Komavọ mi chirako rẹ ovwan te? muo rhe vwe.

Iyẹnrẹ Esiri ri Mak 9:19

Ọ da kpahe ke ayen, orua ro je esegbuyota evwo, mavọ Me vẹ ovwan dia kri te? mavọ mi chirako rẹ ovwan te? reyọ vwo rhe vwe.

Iruo rẹ Iyinkọn na 7:38

Ọnana hẹ ohwo rọ hẹ evun rẹ ukoko na vwẹ evun rẹ aghwa na vẹ amakashe rọ ta ota kẹ vwẹ ugbenu ri Sinae, o vẹ esẹ rẹ avwanre; a da vwẹ ovuẹ ọkpokpọ kẹ nẹ ọ vwọ kẹ avwanre.

Ọbe ri Pọl si rhe Ihwo ri Rom 3:2

Obuebu vwi kabọ kabọ. Ọ rẹsosuọ, ihwo ri Ju a ka vwẹ aroẹmrẹ rẹ Ọghẹnẹ na kẹ.

1 Kọrẹnt 14:19

ẹkẹvuọvo, o fori rere me ta ota iyori vwẹ udu mẹ vwẹ evun rẹ ishọshi, rere e vwo yono ihwo efa, nọ eta uriori ihwe vwẹ ephẹrẹ.

1 Kọrẹnt 14:20

Imoni, ovwan rhe se oma rẹ ovwan emọ vwẹ iroro rẹ ovwa-an; wa dia emọ vwẹ umwemwu, ẹkẹvuọvo vwẹ iroro wa dia omiragua.

Galesha 4:3

Ọtiọye ọ vẹ avwanre je epha; ọke rẹ avwanre vwọ hẹ imitete, avwanre kẹ eviẹn rẹ erhi rẹ ebaghẹrẹ rẹ akpọ na.

Filipae 3:1

Ọ rọ ka oba, imoni mẹ, wa ghọghọ vwẹ evun rẹ Ọrovwohwo. Re vwo si emu ọvuọvo na rhe ovwan ghwa bẹn kẹvwẹ nọ-ọ, yẹ ọye ri yovwi kẹ ovwan.

Kolose 3:16

We gbe jẹn ota ri Kristi dia evun rẹ ovwan, rọ kẹ ovwan aghwanre buebu, rere ovwan yono ohwohwo, rere ovwan bru ohwohwo uche, vwẹ akpata, vẹ une rẹ ejiro kugbe ine rẹ erhi, rere wa vwẹ udu rẹ ovwan so ine vwevwerhe kẹ Ọghẹnẹ.

Hibru 10:32

Ẹkẹvuọvo gba karohọ ọke ri jovwo, ọke rẹ ẹro rẹ ovwan vwo rhie nu, wo de chirako rẹ ohọnre ọgangan vẹ oja,

Hibru 5:11

Avwanre mrẹ emu buebu ra ta kpahọ rẹ otọ rọye bẹn ẹfa, fikiridie ovwan se nyo ẹme-e.

Hibru 5:13

Kidie kohwo kohwo ro vie evie yo ji vwo obọ vwẹ ọvwata rẹ Ọghẹnẹ-ẹ, kidie yọ je hẹ omotete vwobọ.

Hibru 6:1

Vwẹ ọtiọye na e gbe jẹ avwanre gbobọnyẹ ebaghẹrẹ rẹ uyono ri Kristi na re e ru kerẹ omiragua, re e kurhẹriẹ nẹ iruo rẹ umwemwu na kpo esegbuyota rẹ Ọghẹnẹ,

1 Pita 2:2

Kere emọ boba, rẹ urhuru rẹ evie rẹ erhi siẹ, rere ovwan vwọ sa rho te esivwo;

1 Pita 4:11

Kohwo kohwo rọ ta ota, ọ me ta kerẹ ọboepha rẹ Ọghẹnẹ; kohwo kohwo rọ gọ ẹga, ọ me ga vwẹ ogangan rẹ Ọghẹnẹ vwọ kẹ; rere vwi kemu kemu ejobi a sa vwẹ urinrin kẹ Ọghẹnẹ vwẹ oma ri Jesu Kristi. Ọye a vwẹ urinrin kẹ kugbe isuesun bẹdẹ bẹdẹ. Isẹ.