Hibru 5:1 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹ Kohwo kohwo re vwo mu orherẹn uherevie rẹ ihwo rọye a da sanọ, ka vwọ phia kẹ Ọghẹnẹ, re ọ vwọ kẹ okẹ re ọ vwọ gọ iye kẹ ihwo ri ru umwemwu.

Hibru 5:1 ပူးပေါင်းရင်းမြစ်များ

Livitikọs 8:2

Reyọ Erọn vẹ emọ rọye kugbe, wọ je reyọ iwun na, vẹ evwri re vwo ghworo na, vwọ ba erhuẹn ọshare re vwo ze izobo rẹ umwemwu na, kugbe egbo ivẹ na, kugbe obere rẹ ikara ro jephuo na,

Livitikọs 9:7

Kẹsiẹye Mosis ke rha ta kẹ Erọn nẹ, Gbe si kẹrẹ agbada na, rere wo ze izobo rẹ umwemwu wẹn vẹ izobo rẹ ẹtorhẹ rere wọ gọ ẹgua nẹ oma wẹ vẹ ihwo na ejobi, re wọ vwẹ ẹkpẹvwẹ rẹ otu ejobi na rhe, rere wọ gọ ẹgua nẹ ayen oma, kirobo rẹ Ọrovwohwo na ji iji rọye na.

Ọbe ri Pọl si rhe Ihwo ri Rom 15:17

Vwẹ ọtiọye na, ke me sa yan eyan rẹ iruo ri mi ru kẹ Ọghẹnẹ vwẹ evun ri Kristi Jesu.

1 Kọrẹnt 15:3

Kidie ọye hẹ obo ri me yovwi re me reyọre re me vwọ kẹ ovwan, nẹ Kristi ghwu kẹ imwemwu rẹ avwanre kirobo rẹ ọbe ọfuanfon na tarọ,

Hibru 10:11

Orherẹn korherẹn muẹdia kọke kọke vwẹ enu rẹ ẹga rọye, rọ vwariẹ iye ọvuọvo na gọ, yọ sa ghwẹ imwemwu nẹ-ẹ.

Hibru 10:12

Ẹkẹvuọvo ọke ri Kristi vwọ gọ iye na ẹsiẹvo goi vwọ kẹ imwemwn nu, o de tidia obọrhe rẹ Ọghẹnẹ,

Hibru 11:4

Vwẹ esegbuyota ọye Ebẹl vwo ze omamọ rẹ izobo kẹ Ọghẹnẹ vwọ nọ Ken, kọye e vwo se oseri kẹ nẹ ovwata o ruẹ, fiki rẹ iseri yena Ọghẹnẹ vwọ reyọ izọbo rọye; ọ de ghwu, vwi fiki rẹ ẹsegbuyota na kọye ọ je vwọ ta ota.

Hibru 2:17

Fiki rẹ ọtiọye na kọye a vwọ ma họhọ imoni rọye vwẹ idjerhe kidjerhe, rere ọ vwọ sa dia orherẹn rode ro nẹ aruẹdọn ro vwo esegbuyota vwẹ evun rẹ ẹga rẹ Ọghẹnẹ, rọ vwọ go ese rẹ imwemwu nẹ ihwo oma.

Hibru 7:27

O rhe vwo ọdavwẹ, kerẹ irherẹn yena, re gọ iye kẹdẹ kẹdẹ-ẹ, rọ ka gọ iye kẹ oma rọye tavwe rọ ke gọ kẹ ihwo efa-a; ẹsiẹvo ọ gọ iye nana kẹ ihwo ejobi vwẹ ọke rọ vwọ vwẹ oma rọye ze kẹ ughwu.

Hibru 8:3

Kidie ọye hẹ iruo ri korherẹn korherẹn rode rere ọ vwọ gọ iye ọ me rha kẹ okẹ; kọye o ji vwo fo rere orherẹn nana ji vwo vwo obọ rọ vwọ gọ iye.

Hibru 8:4

Asakiephana ọ dianẹ kẹ akpọ na ọ epha nọ, ọ rha dia orherẹn kakaka-a, fikiridie irherẹn herọ nure re gọ iye kirobo rẹ urhi na epha.

Hibru 9:9

(kọye hẹ oka rẹ oge nana). Kirobo rẹ irueru nana mudia phihọ, okẹ vẹ iye ra gọre na sa kẹ ohwo egbomọphẹ ra vwọ gọ egagọ rọ ghare-e,