Hibru 4:9 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁹ Vwẹ ọtiọye na ẹdẹ rẹ omaerovwo ọfa jẹ herọ vwọ kẹ ihwo rẹ Ọghẹnẹ.

Hibru 4:9 ပူးပေါင်းရင်းမြစ်များ

Une rẹ Ejiro 47:9

Isun rẹ ihwo na si koko kerẹ ihwo re Ọghẹnẹ re Ebraham. Kidie ekpọfia rẹ akpọ na e rẹ Ọghẹnẹ ọye a kpare kpenu gangan!

Ẹyano 16:30

Ọtiọye ihwo na de rovwo oma vwẹ ẹdẹ righwrẹn na.

Aizaya 11:10

Vwẹ ẹdẹ yena owọ ri Jessi na ko che mudia pọe kerẹ oka vwọ kẹ ihwo na; ọye irere na cha guọnọ, ẹdia rọye kọ mu urinrin.

Aizaya 57:2

vwo kpo ufuoma, ayen re rovwoma vwẹ ehwa rọye re yan vwẹ evun re ọvwata rayen.

Matiu 1:21

O che vwiẹ ọmọ ku wo se odẹ rọye Jesu, fikiridie ọye che sivwi ihwo rọye nẹ umwemwu.

Taitọs 2:14

Ohwo rọ vwẹ oma rọye kẹ avwanre rọ vwọ tan avwanre nẹ orukuruku ejobi kugbe ro vwo ru avwanre fon kẹ oma rọye ihwo rẹ obọ rọye ri vwo oruru kẹ iruo esiri.

Hibru 11:25

ọ da jẹ nẹ ọye vẹ ihwo rẹ Ọghẹnẹ reoja nọ ọ rẹ ọye da ghọghọ vwẹ evun rẹ umwemwu.

Hibru 3:11

Kirobo mi vwo ophu duvwu ayen iyori na, O rhe jẹ ayen te omaerovwo mẹ-ẹ.

Hibru 4:1

Eriyin na, ovwan gba kẹnoma ọ rha dia eriyi-in, ive ro ve phihọ kẹ avwanre na nẹ avwanre kpo omaerovwo rọye na vwo jẹ ovwan abọ ẹva.

Hibru 4:10

Kidie kohwo kohwo rọ sa ro omaerovwo rẹ Ọghẹnẹ na nu ko ji rovwoma nẹ iruo rọye kirobo rẹ Ọghẹnẹ ruru.

Hibru 4:3

Kidie avwanre ri segbuyota na che kpo omaerovwo yena, kirobo ro tare nẹ, Kirobo mi vwo ophu duvwu ayen iyori na, o rhe je ayen te omaerovwo mẹ-ẹ, dede na ye ru iruo na ejobi gba nẹ ẹtuọhọ rẹ akpọ na rhe.

Hibru 4:8

Kidie ọ dianẹ Joshua sa kẹ ayen omaerovwo jovwo nọ, Ọghẹnẹ a rha rhoma ta ota rẹ ẹdẹ ọfa-a.

1 Pita 2:10

Devure ovwan dia ihwo jovwo-o ẹkẹvuọvo asakiephana ovwan kẹ ihwo rẹ Ọghẹnẹ; ovwan je mrẹ arodọvwẹ jovwo-o ẹkẹvuọvo asakiephana ovwan mrẹ arodọvwẹ reyọ re.

Ẹvwọphia 14:13

Mi de nyo urhuru ọvo ro nẹ odjuvwu rhe tanẹ, Si Ọnana; Ebruba kẹ irivwi ri ghwuru vwẹ evun rẹ Ọrovwohwo kẹ etinẹ yanran. Ebruba rẹ uyota, eriyin Erhi na tare, rere ayen se rovwoma nẹ owian rayen, kidie uruemu rayen nene ayen.

Ẹvwọphia 21:4

ko ririe ameoviẹ nẹ ẹro rayen, ughwu gbe cha dia ọfa-a, eyẹ omaemuohọ eyẹ oviẹ eyẹ odjadja ọfa-a, kidie emu rẹ awanre na wanvrẹn nure.