Hibru 4:8 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁸ Kidie ọ dianẹ Joshua sa kẹ ayen omaerovwo jovwo nọ, Ọghẹnẹ a rha rhoma ta ota rẹ ẹdẹ ọfa-a.

Hibru 4:8 ပူးပေါင်းရင်းမြစ်များ

1 Ikun rẹ Ivie 7:27

Nun ọmọ rọye, Joshua ọmọ rọye.

Une rẹ Ejiro 105:44

Ọ da vwẹ otọ rẹ ẹgborho na kẹ ayen; ayen da reyọ eyere rẹ emamọ rẹ ihwo na wian phihọ,

Une rẹ Ejiro 78:55

Ọ da djẹ ẹgborho nẹ obaro kẹ ayen; ọ da ghare otọ na ẹkuẹko kẹ ayen ọ da vwẹ itughẹ royen vwọ kẹ orua rẹ Izrẹl dia.

Iruo rẹ Iyinkọn na 7:45

Oki rhi te ọke rẹ esẹ re avwanre vwo muo nene Joshua vwẹ ọke rẹ ayen vwọ djẹ ẹgborho na rẹ Ọghẹnẹ djẹ nẹ obaro rẹ esẹ rẹ avwanre. Ọtiọye ọ epha rhi te ọke ri Devid,

Urhi Rivẹ 12:9

kidie we ji te omerovwo yẹ ukuẹriọ na-a, rẹ Ọrovwohwo wẹn kẹ ovwan na-a.

Urhi Rivẹ 25:19

Fiki rẹ ọtiọye na ọke rẹ Ọrovwohwo rẹ Ọghẹnẹ wẹn na de si we nẹ abọ rẹ ivwighrẹ re riariẹ owẹ phihọ nu, rọ da kẹ wẹ omerovwo nu, vwẹ evun rẹ otọ rẹ Ọrovwohwo rẹ Ọghẹnẹ kẹ wẹ nẹ wọ dia da riuku na, wo mi phoro ẹkarohọ rẹ Amalẹk nẹ otọ rẹ ọnre, wo jọ chọrọ owẹ ẹro-o.

Hibru 1:1

Vwẹ ọke rẹ awanre idjerhe buebu Ọghẹnẹ wan ta ota kẹ esẹ rẹ avwanre ride vwẹ unu rẹ emraro na;

Hibru 4:9

Vwẹ ọtiọye na ẹdẹ rẹ omaerovwo ọfa jẹ herọ vwọ kẹ ihwo rẹ Ọghẹnẹ.

Joshua 1:15

bẹsiẹ rẹ Ọrovwohwo vwọ vwẹ omaerovwo kẹ imoni wẹn kugbe ovwan, ayen ejobi ke ra reyọ ughwẹ rẹ otọ na rẹ Ọrovwohwo Ọghẹnẹ vwọ kẹ ayen na; kẹsiẹye ovwan ki rhivwi kpo otọ rẹ ughwẹ rẹ ovwan, ku we vwo, otọ na ri Mosis odibo rẹ Ọrovwohwo na vwọ kẹ ovwan vwẹ abọ oboyi ri Jọdan vwẹ abọ rẹ ọnre da vacha.

Joshua 11:23

Kẹ ọtiọye Joshua wan reyọ otọ na ejobi, kirobo rẹ Ọrovwohwo ta kẹ Mosis, Joshua da vwọ kẹ Izrẹl vwọ riuku kirobo ra ghare ẹkẹn kẹ orua ọvuọvo. Ufuoma da rhe dia otọ na.

Joshua 22:4

Asakiephana Ọrovwohwo Ọghẹnẹ wẹn na vwẹ omaerovwo kẹ imoni wẹn, kirobo ro ve kẹ ayen; fiki rẹ ọtiọye na we gbe rhivwi we kpo uwevwi rẹ ovwan vwẹ obo otọ rẹ ughwẹ rẹ ovwan epha, ri Mosis odibo rẹ Ọrovwohwo na vwọ kẹ ovwan vwẹ obo ovrẹn ri Jọdan.

Joshua 23:1

Ọke krekri vwọ wan nu, rẹ Ọrovwohwo vwọ vwẹ urovwoma kẹ Izrẹl vwẹ oma rẹ ivwighrẹn re riariẹ ayen phihọ nu, yi Joshua ghworo ọ ke rha tọn hẹrẹhẹrẹ,