Hibru 4:4 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴ Kidie ọ je ta vwẹ asan ọfa kpahẹ ẹdẹ righwrẹ na nẹ, Ọghẹnẹ de rovwoma vwẹ ẹdẹ righwrẹ na vwẹ enu rẹ iruo rọye ejobi.

Hibru 4:4 ပူးပေါင်းရင်းမြစ်များ

Ẹyano 20:11

kidie ẹdẹ esan ye Ọrovwohwo vwọ ma odjivwu vẹ akpọ, abadi na vẹ imu rehẹ evun rẹ ayen ejobi, o de rovwoma vwẹ ẹdẹ righwrẹ na, fiki rẹ ọtiọye na Ọrovwohwo de bruphihọ edidjala na o de ruo fon.

Ẹyano 31:17

Ọyena kọ dia oka ri bẹdẹ rọ hẹ uvwre mẹ vẹ ihwo rẹ Izrẹl na tanẹ ẹdẹ esan ọye Ọrovwohwo vwọ ma odjuvwu vẹ akpọ, ẹdẹ rẹ ighwrẹn o de rovwoma, oma rọye da sasa.

Urhi Rivẹ 5:14

ẹkẹvuọvo ẹdẹ righwrẹ na ọye ẹdidjala rẹ Ọrovwohwo Ọghẹnẹ wẹn; wọ dia evun rọye ru iruo kiruo-o, wẹ te ọmọ wẹn rẹ ọshare, eyẹ ọmọ wẹn rẹ aye, eyẹ odibo wẹn rẹ ọshare eyẹ odibo wẹn rẹ aye, eyẹ erhuẹn wẹn, eyẹ ekẹtẹkẹtẹ wẹn, eyẹ uchuru wẹn, eyẹ ọrhorha ro wo uwevwi wẹn, wo jẹn ayen ru iruo ọvuọvo-o, te odibo wẹn rẹ ọshare, te odibo wẹn rẹ aye, te ekpuyovwi wẹn mi rovwoma.

Hibru 2:6

E se oseri kpahọ vwẹ asan ọfa, Die ohwo rẹ akpọ epha ru wọ davwerhọn rọye, eyẹ ọmọ rẹ ohwo, ru wo nenesi rọye?

Hibru 4:10

Kidie kohwo kohwo rọ sa ro omaerovwo rẹ Ọghẹnẹ na nu ko ji rovwoma nẹ iruo rọye kirobo rẹ Ọghẹnẹ ruru.