Hibru 4:2 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

² Kidie e gbe ikun esiri na kẹ avwanre kirobo re ji gbe kẹ ayen; ẹkẹvuọvo ota na rẹ ayen nyori na fi erere kẹ aye-en, fikiridie a mrẹ esegbuyota vwẹ oma rẹ ayen otu ri nyoro-o.

Hibru 4:2 ပူးပေါင်းရင်းမြစ်များ

Iruo rẹ Iyinkọn na 13:46

Pọl kugbe Banabas da gbaudu, ta ota tanẹ, O fori ra ka vwọ ta ota rẹ Ọghẹnẹ na kẹ ovwan. Rẹ ovwan vwo gere ota na nẹ oma na, rẹ ovwan vwọ vwẹ oma rẹ ovwan guẹdjọ nẹ ovwan fo ihwo rẹ arho ri bẹdẹ na-a, nighe avwanre ki hirhe bru ihwo ri Keferi ra.

Iruo rẹ Iyinkọn na 3:26

Ọke rẹ Ọghẹnẹ vwọ kpare odibo rọye na vrẹn nu, o de ke jo bro ovwan rhe, ọ da kẹ ovwan ebruphihọ rere ovwan ohwo ọvuọvo vwo kurhẹriẹ nẹ imwemwu rẹ ovwan.

Ọbe ri Pọl si rhe Ihwo ri Rom 2:25

Ọyanvwe vwẹ ọ rẹ uyota vẹ erere ọ da dianẹ wọ yọnrọn urhi na; ẹkẹvuọvo wo de gbe urhi na ku, oyanvwe wẹn ko hirhe phihọ ijẹyanvwọ.

Ọbe ri Pọl si rhe Ihwo ri Rom 3:3

Kidie rha phia ọ da dianẹ evo vwẹ usun rẹ ayen rhe vwo esegbuyota-a? Ki jesegbuyota evwo rayen se miovwo esegbuyota rẹ Ọghẹnẹ?

1 Kọrẹnt 13:3

Ọ da dianẹ me vwẹ obo ri mi vwori ejobi ru ẹse, o da dianẹ mi phi oma mẹ phihọ erhanre nẹ ọ ton, ẹkẹvuọvo yi mi vwo ẹguọnọ-ọ, yo fi erere kẹ vwẹ-ẹ.

Galesha 3:2

Jẹn uvwe nọ ovwan ọnana ọvo; A vwẹ Erhi na kẹ ovwan fiki rẹ iruo rẹ urhi na, gbenẹ fiki rẹ enyo rẹ esegbuyota?

Galesha 3:8

Re ẹbe ọfuanfon na, vwọ mrẹ nẹ Ọghẹnẹ cha vwẹ ase kẹ ihwo ri Keferi fiki rẹ esegbuyota, ọye o vwo ghwoghwo iyẹnrẹ esiri na kẹ Ebraham jovwo nẹ Vwẹ oma wẹn ọye ẹgborho na ejobi wan vwo ebruphihọ.

Galesha 4:13

ovwan riẹnre nẹ oma rẹ ọga mi vwo ghwoghwo iyẹnrẹ esiri na kẹ ovwan vwẹ ẹsuosuọ,

Urhi Rivẹ 1:32

Dede na ovwan se Ọrovwohwo Ọghẹnẹ rẹ ovwan na gbuyota vwẹ evun rẹ emu nana-a,

1 Tẹsalonaika 1:5

Kidie iyẹnre esiri rẹ avwanre bru ovwan rhe vwẹ ọ rẹ ota ọvo-o, ẹkẹvuọvo vwẹ evun rẹ ogangan kugbe evun rẹ Erhi Ọfuanfon rọ nabọ dje ota na rọ vwọ ro ovwan. Ovwan je riẹn oghẹre rẹ ihwo rẹ avwanre phi oma rẹ avwanre phihọ fiki rẹ ovwan.

1 Tẹsalonaika 2:13

Avwanre ke kpẹvwẹ Ọghẹnẹ kọke kọke fiki rẹ ọnana, nẹ ọke rẹ ovwan vwọ reyọ ota rẹ Ọghẹnẹ na ru we nyo miẹ avwanre na, ovwan reyerọ kerẹ ota rẹ ohwo rẹ akpọ-ọ ẹkẹvuọvo ovwan da reyọ kirobo rọ epha dẹn, ota rẹ Ọghẹnẹ, ro ruẹ iruo vwẹ oma rẹ ovwan otu ri sere gbuyota.

1 Timoti 4:8

kidie rẹ cha ẹha vwo vwo eme erere na, uyoyovwi kọye me vwo erere vwẹ idjerhe kidjerhe, o vwo osa vwẹ akpọ nana nu o ki ji vwo osa vwẹ akpọ rọ cha.

Hibru 11:6

Ọ dia esegbuyota-a yọ epha bẹnbẹn re vwo ru obo ri je. Kidie ohwo kohwo rọ tanẹ ọye si kẹre Ọghẹnẹ mi segbuyota nẹ ọ herọ nẹ ọye re hwa osa kẹ ayen otu re guọnerọ.

Hibru 3:12

Wa jomaotọ, imoni, rere udu rẹ idẹbono vwo jẹ ovwan e rhe, udu ro jẹ esegbuyota evwo, ro de si ovwan she nẹ idjerhe rẹ Ọghẹnẹ ro jeghwo na.

Hibru 4:6

Ovwan mrẹre nẹ ihwo evo herọ re cha ro evun rẹ omaerovwo na, yẹ ayen ihwo ra ka ta ota na kẹ cha sa ruọ-ọ fiki ri jẹ ọghọ emuo.

Jems 1:21

Fiki rẹ eriyin na, ovwan gbe siobọ nẹ eta imiomiovwi na kugbe imwemwu rẹ ovwan, re wa vwẹ oma kpotọ reyọ ota ra kọn phihọ udu rẹ ovwan na, ro se sivwi erhi rẹ ovwan.

1 Pita 1:12

A da vwọ phia kẹ ayen nẹ ọ dia omobọ rẹ ayen ayen ga na-a ẹkẹvuọvo ovwan, vwe oma rẹ emu rẹ ayen ghwoghwo kẹ ovwan vwẹ asakiephana rẹ ihwo ri gbe ikun rẹ iyẹnrẹ esiri na kẹ ovwan vwẹ oma rẹ Erhi Ọfuanfon na re ji nẹ odjuvwu rhe na, emu rẹ emakashe guọnọre nẹ ayen mrẹ.