Hibru 4:16 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁶ E gbe jẹ avwanre sikẹre ekete rẹ ẹserọphe na vẹ ẹroẹvwọsuọ, rere avwanre mrẹ arodọvwẹ reyọ kugbe ẹserọphẹ rọ cha avwanre uko vwẹ ọke rẹ ọbẹnvwẹ.

Hibru 4:16 ပူးပေါင်းရင်းမြစ်များ

1 Ikun rẹ Ivie 28:11

Etiyin Devid da vwẹ obo rẹ uwevwi na dia kẹ Solomọn rẹ ọmọ rọye, kugbe iwevwi rọye, iwevwi rẹ efe rọye, ivun re hẹ obenu, kugbe ighẹn re hẹ obo etan, kugbe uvun rẹ akpanurhe rẹ arodọvwẹ na,

Aizaya 27:11

Ọke rẹ eghọn rọye da ya ki vwirhẹ; eya ke cha vwẹ ayen mu erhanre. Kidie enana ihwo re mrẹ emu vughe-e. Vwẹ ọtiọye na ọ rọ ma ayen gbe re ehrọre raye-en. ọ rọ mama ayen gbe vwẹ ẹro esiri ni aye-en.

Livitikọs 16:2

Ọrovwohwo da ta kẹ Mosis, Ta kẹ Erọn oniọvo wẹn nẹ ọ rha vwẹ ọke ejobi ro asan ọfuanfon na rọ hẹ evun re utughẹ na-a, vwe obaro re akpanurhe rẹ arodọvwẹ ro enu rẹ ekpeti na, O de rhe ghwu, kidie Me cha phia vwẹ evun rẹ egho vwẹ enu rẹ akpanurhe rẹ arodọvwẹ na.

Ẹfesọs 2:18

Kidie oma rọye avwanre ivẹ na wan mrẹ asan vwẹ evun rẹ Erhi ọvo na vwo bru Ọsẹ na.

Ẹfesọs 3:12

Oma rọye avwanre wan vwo aroeyivwo kugbe udu vwo sikẹrẹ fiki rẹ esegbuyota rẹ avwanre vwo kpahọ.

Hibru 13:6

Kẹ avwanre sa vwẹ obọ saudu nẹ, Ọrovwohwo hẹ ọchuko mẹ, oshọ gbi mu uvwe-e; kidie ohwo se ru kẹ vwẹ?

Hibru 3:6

ẹkẹvuọvo Kristi kẹ ohwo rẹ uyota rọ hẹ rẹ uwevwi rẹ Ọghẹnẹ kerẹ ọmọ. Avwanre hẹ uwevwi rọye ọ da dianẹ avwanre yọnre ẹro ẹvwọsuọ kugbe eyan rẹ iphiẹrohọ rẹ avwanre gan.

Hibru 7:19

(kidie urhi na se ruẹ emuọvo gba-a); vwẹ obọ rivẹ, ọ vwẹ omamọ rẹ iphiẹrohọ rhe, oma rọye avwanre wan sikẹre Ọghẹnẹ.

Hibru 7:25

Vwẹ ọtiọye na ko se sivwi kohwo kohwo rọ wan oma rọye sikẹrẹ Ọghẹnẹ, fikiridie ọ herọ kọke kọke rọ vwọ rẹ kẹ ayen.

Hibru 9:5

Cherobim da hẹ enu rọye vẹ urinrin rọye ro lo muẹ akpanurhe rẹ aruẹdọn na. Ẹ rhe se gbe ikun nana fiotọ vwẹ asakiephana-a.

1 Pita 2:10

Devure ovwan dia ihwo jovwo-o ẹkẹvuọvo asakiephana ovwan kẹ ihwo rẹ Ọghẹnẹ; ovwan je mrẹ arodọvwẹ jovwo-o ẹkẹvuọvo asakiephana ovwan mrẹ arodọvwẹ reyọ re.