Hibru 4:11 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹¹ E gbe jẹn avwanre pharhe ra ro omaerovwo yena, rere ohwo ọvuọvo vwo je she kerẹ ihwo ri jẹ ọghọ evwo na.

Hibru 4:11 ပူးပေါင်းရင်းမြစ်များ

Matiu 11:12

Nẹ ọke ri Jọn rhe rhi te ọke nana ọye uvie rẹ odjuvwu vwọ hẹ ukpokpogho, ihwo ogbarogba vwọ vwẹ ẹgba reyọ.

Matiu 7:13

Ovwan wan anurhoro ọhwahwa na: Kidie idjerhe rọ hẹhẹre kugbe anurhoro ọhẹhẹre ọye idjerhe rẹ oghwọrọ. Ihwo buebu yi nene idjerhe yena.

Iyẹnrẹ Esiri ri Luk 13:24

Pharhe re wọ sa ro anurhoro ọhwahwa na; kidie buebu, me ta kẹ wẹ, re cha guọnọ ro yẹ ayen sa ruọ-ọ.

Iyẹnrẹ Esiri ri Luk 16:16

Urhi na vẹ emraro na herọ bẹsiẹ ro ki rhi te Jọn; nẹ ọke yena rhe na e vwo ghwoghwo ikun rẹ iyenre esiri rẹ uvie rẹ Ọghẹnẹ na, kohwo kohwo ke de vwẹ ozighi họrhọ ruọ.

Iyẹnrẹ Esiri ri Jọn 6:27

Ovwan wian owian fiki rẹ emuọre rọ ghwọrọ-ọ; ẹkẹvuọvo fiki rẹ emuọre rọ tọn re te arhọ ri bẹdẹ, rẹ Ọmọ rẹ ohwo cha vwọ kẹ ovwan; kidie enu rọye ọye Ọghẹnẹ Ọsẹ na ka oka rọye phihọ.

Iruo rẹ Iyinkọn na 26:19

Vwẹ ọtiọye na, E Ovie Agripa, mi rhe vwo udu kẹ emramrẹ rẹ odjuvwu na-a,

Ẹfesọs 2:2

rẹ ovwan ka yan phihọ, we de nene idjerhe rẹ akpọ nana, nene osun rẹ ogangan rẹ irharheghe, erhi ro ruẹ iruo vwẹ asakiephana vwẹ evun rẹ emọ ri jẹ ọghọ evwo na.

Ẹfesọs 5:6

We jẹn ohwo ọvuọvo vwẹ eta ifefe phiẹn ovwa-an, kidie fiki rẹ imu nana ophu rẹ Ọghẹnẹ vwọ tua kpahe emọ ri jẹ ọghọ evwo na.

Filipae 2:12

Vwẹ ọtiọye na, imoni mẹ, kirobo rẹ ovwan mu ọghọ jovwo na, ọtiọye asakiephana, ọ dia irharo mẹ ọvo-o ẹkẹvuọvo ji te obuko mẹ rhe, ovwan gba vwẹ oshọ vẹ ophariẹ vwọ wian owian rẹ esivwo rẹ ovwan phia;

Kolose 3:6

Fikiridie imu nana ophu rẹ Ọghẹnẹ rhe vwọ tua kpahe emọ ri jẹ ọghọ evwo na.

Taitọs 1:16

Ayen vwẹ oma nẹ nẹ ayen riẹn Ọghẹnẹ; ẹkẹvuọvo ayen wan evun rẹ iruo rayen siọn, iruo rayen tuoma, ayen kpare oma kpenu, ayen ki rhe gbobọnyẹ iruo esiri ejobi.

Taitọs 3:3

Kidie avwanre je ka dia gheghẹ dẹvure, avwanre ji ke mu oma kpenu devure, a je phiẹn avwanre jovwo re, avwanre ji ke nenẹ avwerhe rẹ akpọ na jovwo, avwanre je ka reoma jovwo, avwanre ji ke vwo ọnko devure, avwanre ji ke tuoma rẹ ohwohwo jovwo.

Hibru 3:12

Wa jomaotọ, imoni, rere udu rẹ idẹbono vwo jẹ ovwan e rhe, udu ro jẹ esegbuyota evwo, ro de si ovwan she nẹ idjerhe rẹ Ọghẹnẹ ro jeghwo na.

Hibru 3:18

Kẹ amono e duvwu iyori kẹ nẹ ayen che te omaerovwo mẹ-ẹ, ọ gbe dia ayen ri jẹ ọghọ emuo?

Hibru 4:6

Ovwan mrẹre nẹ ihwo evo herọ re cha ro evun rẹ omaerovwo na, yẹ ayen ihwo ra ka ta ota na kẹ cha sa ruọ-ọ fiki ri jẹ ọghọ emuo.

Hibru 6:11

Avwanre ji phiẹrohọ nẹ ovwan ji phi obọ phihọ uruemu esiri na vẹ ẹroẹvwọsuọ rhiri rhi te oba.

Joshua 7:3

Ayen de rhivwi bru Joshua rhe, rhe ta kẹ nẹ, E jẹn ihwo na ejobi ra-a, ẹkẹvuọvo e jẹn ihwo uriori ivẹ eyẹ erha re phi Ai; e jẹn ihwo na ejobi ra laghoma vwẹ oboyi-i, kidie ayen epha hahavwe.

2 Pita 2:6

ọ da dianẹ ro vwo hirhe irere ri Sodọm vi Gomora vwọ hẹ iwurhie o de vwo bruhwe ayen nẹ e phoro ayen nẹ akpọ na rọ vwọ dia oniru kẹ ayen ihwo umwemwu;