Hibru 4:1 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹ Eriyin na, ovwan gba kẹnoma ọ rha dia eriyi-in, ive ro ve phihọ kẹ avwanre na nẹ avwanre kpo omaerovwo rọye na vwo jẹ ovwan abọ ẹva.

Hibru 4:1 ပူးပေါင်းရင်းမြစ်များ

Isẹ 14:16

Ọvwaghwanre soma bruche o mi gbobọnyẹ umiovwo, ẹkẹvuọvọ ẹkpa gbobọnyẹ odiri ọ mi ru obo ri jere.

Isẹ 28:14

Ebruba kẹ ohwo rọ djẹ ọshọ rẹ Ọrovwohwo kọke kọke; ẹkẹvuọvo ohwo rẹ udu rọye ganre che she ro okpetu.

Jerimaya 32:40

Ke me vẹ ayen cha re ọphọ ri bẹdẹ bẹdẹ, iroro esiri re me jẹn kpahe ayen jovwo mi gbi siobọ nọ-ọ, ki mi phi oshoẹdjẹ mẹ phihọ udu rayen re ayen ju vwe ẹdjẹ jovwo.

Ukeri 14:34

kirobo rẹ uchẹdẹ rẹ ovwan dorhẹ rẹ otọ na krite, ẹdẹ ujuvẹ na, ẹdẹ ọvo ẹgbukpe ọvo, kọye ovwan ghwa oghwa rẹ orukuruku rẹ ovwan, ikpe ujuvẹ, ku wọ riẹn obo rẹ ivuemiovwo mẹ epha.

Matiu 24:48

Ẹkẹvuọvo odibo na da rha ta vwẹ udu rọye nẹ, Ọrovwovwe cha fobọ rhe-e.

Iruo rẹ Iyinkọn na 3:19

Ovwan gbe kurhẹriẹ rere ephoro imwemwu rẹ ovwan nu, rere omamọ rẹ eyere rẹ arhọ na vwo nẹ obọ rẹ Ọrovwohwo na bru ovwan rhe.

Ọbe ri Pọl si rhe Ihwo ri Rom 11:20

Ọyena uyota. Fiki ri jesegbuyota rayen a vwọ nyavwe ayen kufia, ẹkẹvuọvo fiki rẹ esegbuyota kọye a rha vwọ reyọ owẹ tamuọ. Wọ ghwa yan eya-an, djẹ oshọ rẹ Ọghẹnẹ.

Ọbe ri Pọl si rhe Ihwo ri Rom 3:23

Kidie ihwo ejobi ru umwemwu o rhe jẹ urinrin rẹ Ọghẹnẹ dia oma rẹ avwanre-e.

1 Kọrẹnt 10:12

Fiki rẹ ọtiọye na e jẹn ohwo kohwo ro rori nẹ ọye mudia kẹnoma re o vwo je she.

2 Kọrẹnt 6:1

Rẹ ayen vẹ ọye vwo ru iruo kuẹgbe na, avwanre ke rẹ ovwan nẹ, ovwan rha reyọ ẹserọphẹ rẹ Ọghẹnẹ na ghevweghe-e.

Galesha 5:4

Ka hẹriẹ ovwan nẹ oma ri Kristi, ovwan re guọnọ rease fiki rẹ urhi na; ovwan she nẹ ẹserọphẹ nure.

2 Timoti 2:13

ọ da dianẹ avwanre vwo esegbuyota-a dede, yo vwo esegbuyota kidie ọ sa sen omaobọ rọye-e.

Hibru 12:15

E ja mrẹ nẹ ohwo ọvuọvo fiabọ rẹ ẹserọphẹ rẹ Ọghẹnẹ na-a; e jẹn owọ urhe rẹ ophu tan cha vwẹ ohri rẹ ovwan rọ so okpetu-u, ro che gbe ihwo buebu ẹgua-a;

Hibru 12:25

We ja mrẹ nẹ ovwan siẹn ohwo rọ ta ota na-a. O da dianẹ ayen siẹn ohwo rọ ta ota kẹ ayen vwẹ akpọ na rẹ ayen da djẹ vabọ-ọ, komavọ ọ dia rẹ avwanre sa vwọ djẹ vabọ ra da siẹn ohwo ro ta ota kẹ ayen nẹ odjivwu rhe.

Hibru 13:7

Karohọ isun rẹ ovwan, ayen otu re ta ota rẹ Ọghẹnẹ kẹ ovwan; roro akpọ eyere rayen, re wa vwẹ ẹro kere esegbuyota rayen.

Hibru 3:11

Kirobo mi vwo ophu duvwu ayen iyori na, O rhe jẹ ayen te omaerovwo mẹ-ẹ.

Hibru 4:11

E gbe jẹn avwanre pharhe ra ro omaerovwo yena, rere ohwo ọvuọvo vwo je she kerẹ ihwo ri jẹ ọghọ evwo na.

Hibru 4:9

Vwẹ ọtiọye na ẹdẹ rẹ omaerovwo ọfa jẹ herọ vwọ kẹ ihwo rẹ Ọghẹnẹ.

1 Samuẹl 2:30

Vwẹ ọtiọye na Ọrovwohwo Ọghẹnẹ rẹ Izrẹl na tare: Mi veri jovwo nẹ uwevwi wẹn kugbe uwevwi rẹ ọsẹ wẹn ke ro uwevwi ro otafe vwẹ obaro mẹ bẹdẹ; ẹkẹvuọvo asakiephana Ọrovwohwo tare: ọ gbe dia omẹvwẹ; ọfa-a; kidie ihwo ri mu ọghọ kẹ vwẹ eye mi mu ọghọ kẹ, ihwo re jẹ vwẹ fia ke ni ayen phorhi.