Hibru 3:9 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁹ asan rẹ esẹ rẹ ovwan da davwe ovwẹ ni ayen da mrẹ iruo mẹ ikpe ujuvẹ soso.

Hibru 3:9 ပူးပေါင်းရင်းမြစ်များ

Une rẹ Ejiro 95:9

Ọke re ese re ovwan vwọ davwe ovwẹ ni re ayen vwọ guọnọ otọ mẹ, dede na ye ayen mrẹ iruo mẹ

Ẹyano 19:4

Wọ mrẹ obo ri mi ru kẹ ihwo rẹ Ijipt, kugbe obo ri mi vwẹ ibekpe rẹ ugo mu uwe kẹ oma mẹ.

Ẹyano 20:22

Ọrovwohwo da ta kẹ Mosis, Enẹ wọ cha ta kẹ ihwo rẹ Izrẹl na: Ekpuyovwi wẹn jẹ mrẹre nẹ Mi nene uwe ta ota nẹ obo odjivwu rhe na.

Emọs 2:10

Mi ji si ovwan nẹ otọ rẹ Ijipt rhe, mi de sun ovwan ikpe ujuvẹ vwẹ evun rẹ aghwa rere wa vwọ reyọ otọ rẹ Amọr.

Ukeri 14:33

Emọ rẹ ovwan ke cha dia isuigodẹ vwẹ evun rẹ aton nana vwẹ ẹgbukpe ujuvẹ, ke cha rioja fiki ri je segbuyota evwo rayen, bẹsiẹ rẹ irivwi rẹ ovwan che vwo gbo phihọ evun rẹ aton na:

Iyẹnrẹ Esiri ri Luk 7:22

Ọ da kpahe kẹ ayen, Yanran wa ra vuẹ Jọn obo rẹ ovwan mrẹre kugbe obo rẹ ovwan nyori. irhuẹro mrẹ orẹ, ikpono yanre, ihunvwoti e sivwi ayen, idierhọn nyẹme, a rhọvwọ irivwi, e gbe ikun esiri na ke ivwiogbere.

Iruo rẹ Iyinkọn na 13:8

Ẹkẹvuọvo Elimas ohwo ro ruẹ egbẹlẹkẹ na (kidie oye otọ rẹ odẹ rọye) ko gbe ota phihọ ayen unu, rere o vwo ku iroro rẹ osun na rhẹriẹ nẹ esegbuyota na.

Iruo rẹ Iyinkọn na 7:36

O de sun ayen yanran, vwẹ ọke ro vwo ru iruo rẹ igbunu kugbe eka buebu vwẹ Ijipt kugbe obo Abadi Ọvwavware na, kugbe evun rẹ aghwa vwẹ ikpe ujuvẹ soso.

Urhi Rivẹ 11:7

Ẹkẹvuọvo ibiẹro rẹ ovwan mrẹ iruo ride na ejobi rẹ Ọrovwohwo ruru na.

Urhi Rivẹ 29:2

Mosis de se Izrẹl ejobi koko ọ da ta kẹ ayen nẹ, Ovwan mrẹ obo rẹ Ọrovwohwo ruru vwẹ irharo rẹ ovwan vwẹ otọ rẹ Ijipt vwọ ki Fero vẹ idibo rọye ejobi kugbe otọ rọye ejobi,

Urhi Rivẹ 4:3

Ibiẹro rẹ ovwan mrẹ obo rẹ Ọrovwohwo ru vwi Baal-peọr; kidie ihwo ri nene Baal ri Peọr ejobi, Ọrovwohwo Ọghẹnẹ rẹ ovwan da guọghọ ayen nẹ uherevie rẹ ovwan.

Urhi Rivẹ 4:9

Wọ Me jomaotọ, vwẹ ẹro re ẹnwẹn wẹn dẹndẹn, obo rẹ ẹro wẹn mrẹre da rha chọre owẹ ẹro, ri de nẹ udu wẹn vwẹ ẹdẹ rẹ akpọ wẹn ejobi; ẹkẹvuọvo wo mi jẹ emọ wẹn kugbe emọ rẹ emọ wẹn riẹn ayen;

Urhi Rivẹ 8:2

Wọ Me karohọ idjerhe ejobi rẹ Ọrovwohwo Ọghẹnẹ wẹn de sun we vwẹ ẹgbukpe ujuvẹ vwẹ evun rẹ aton na, ro vwo ru we vwẹ oma kpotọ, vwọ davwẹ owẹ ni, rọ vwọ riẹn emu rọ herọ vwẹ udu wẹn, se wọ rhọvwe yọnrọn irhi rọye eyẹ ẹjo.

Urhi Rivẹ 8:4

Amwa wẹn bẹre dje we oma wẹ-ẹn, owọ wẹn, je vwọ vwẹ ẹgbukpe ujuvẹ na-a.

Joshua 23:3

ovwan je mrẹ obo rẹ Ọrovwohwo Ọghẹnẹ wẹn ru kẹ ẹgborho nana ejobi na fiki ovwan, kidie Ọrovwohwo Ọghẹnẹ rẹ ovwan re họnre kẹ ovwan.

Joshua 24:7

Ọke rẹ ayen vwọ viẹ se Ọrovwohwo, o de phi ukori rẹ egho phihọ uvwre rẹ ovwan vẹ ihwo rẹ Ijipt, o de ru abadi na ọ da vwẹn rhurhu ayen, ẹro rẹ ovwan mrẹ obo ri mi ru kẹ Ijipt, ovwan da dia evun rẹ aghwa na ọke grogro.

Joshua 5:6

Kidie ihwo rẹ Izrẹl yan oyan na ikpe ujuvẹ soso vwẹ evun rẹ aghwa, bẹsiẹ rẹ ẹgborho na ejobi, ihwo ri te ofovwi ri ne otọ rẹ Ijipt rhe ejobi, vwo ghwu re, fikiridie ayen nyo urhuru rẹ Ọrovwohwo-o, ayen kọye Ọrovwohwo duvwu iyori kẹ nẹ e cha mrẹ otọ rẹ Ọrovwohwo ve kẹ esẹ rayen nẹ ọye vwọ kẹ avwanre, otọ rọ djẹ ọkẹre rẹ ameivie vẹ ọnyọn.