Hibru 3:7 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁷ Vwẹ ọtiọye na, kirobo rẹ Erhi Ọfuanfon tare, Nonẹ na, wo de nyo urhuru rọye,

Hibru 3:7 ပူးပေါင်းရင်းမြစ်များ

2 Samuẹl 23:2

Erhi rẹ Ọrovwohwo wan oma mẹ ta ota rọye hẹ ẹrevwe mẹ.

Une rẹ Ejiro 81:11

Ẹkẹvuọvo ihwo mẹ rha kerhọn rẹ urhuru mẹ-ẹ; Izrẹl rha davwerhọ mẹ-ẹ.

Une rẹ Ejiro 81:13

E manẹ kẹ ihwo mẹ sa kerhọn mẹ vwonẹ, rere Izrẹl yan vwẹ idjerhe mẹ!

Isẹ 27:1

Wọ yan eyan hẹrhẹ odẹ-ẹ, kidie wọ riẹn obo rẹ odẹ cha ghwa rhe-e.

Aghwoghwo 9:10

Kemu kemu rẹ obọ wẹn se ru, vwẹ ogangan wẹn ruo; kidie ushi wọ cha ra na, o vwo iruo-o, eyẹ iroro-o eyẹ erianriẹ-ẹn eyẹ aghwanre-e.

Aizaya 55:3

Rhie erhọn wẹn, ri wo bru vwe rhe; nyo, re erhi wẹn vwọ rhọ; ke Me vẹ owẹ re ọphọ re rara, omamọ rẹ uvi rẹ ẹguọnọ ro jẹrhẹriẹ ri mi vwo kẹ Devid.

Aizaya 55:6

Guọnọ Ọrovwohwo bẹsiẹ ra vwọ mrẹ, se vwẹ ọke ro vwo si kẹre na;

Matiu 17:5

Rọ je vwọ ta ota na, egho de rhi rhurhn ayen; urhuru ọvo de nẹ evun rẹ egho na rhe ta nẹ, Ọnana hẹ ọmọ mẹ ro je vwe na, rẹ ivun rọye vwerha ovwẹ na; we nyo ota rọye.

Matiu 22:43

Ọ da ta kẹ ayen nẹ, Komavọ Devid rha vwọ dia obo Erhi se nẹ Ọrovwohwo.

Iyẹnrẹ Esiri ri Mak 12:36

Erhi Ọfuanfon na yono ekpuyovwi ri Devid ta nẹ, Ọrovwohwo ta kẹ Ọrovwovwe, Tidia vwẹ obọrhe mẹ, Bẹsiẹ Me vwọ vwẹ ivwighrẹ wẹn hwa otọ kẹ wẹ chiyi.

Iyẹnrẹ Esiri ri Jọn 10:16

Mi ji vwo igodẹ efa, re je dia evun rẹ ogba na-a; me je cha reyọ ayen rhe, ayen ki nyo urhuru mẹ. Ọtiọye na ekru rẹ igodẹ ọvo re cha dia, osuigegede ọvuọvo.

Iyẹnrẹ Esiri ri Jọn 10:27

Igodẹ mẹ nyo urhuru mẹ, me riẹn ayen, ayen nene uvwe;

Iyẹnrẹ Esiri ri Jọn 10:3

Ọye ọrhẹrẹchẹ che rhiẹ ẹchẹ kẹ; igodẹ na nyo urhuru rọye, o se igodẹ rọye odẹ o mi sun ayen ro otafe.

Iyẹnrẹ Esiri ri Jọn 5:25

Uyota, uyota, me ta kẹ owẹ, ọke cha, o te nu vwẹ asakiephana rẹ irivwi de che nyo urhuru rẹ Ọmọ rẹ Ọghẹnẹ, otu ri nyori ke rhọ.

Iruo rẹ Iyinkọn na 1:16

Imoni, ọbe ọfuanfon na gbare rẹ Erhi Ọfuanfon wan unu rẹ Devid ta jovwo, kpahe Judas, ohwo rọ dia osun kẹ ayen otu ri mu Jesu.

Iruo rẹ Iyinkọn na 28:25

Ọtiọye na, rẹ ọsẹghẹ vwọ hẹ ohri rẹ ayen re, ayen de kpo, vwẹ ọke ri Pọl vwọ ta ota nana nẹ: Erhi Ọfuanfon na riẹn ta rọ vwọ ta kẹ esẹ rẹ ovwan vwẹ unu rẹ Aizaya ọmraro na:

Iruo rẹ Iyinkọn na 8:29

Erhi na da ta kẹ Filip, yanran ra ro akpẹrẹ nana.

Hibru 10:15

Erhi Ọfuanfon na ji se iseri kẹ avwanre rhe, kidie rọ vwọ ta nu nẹ

Hibru 3:13

Ẹkẹvuọvo ovwan bru ohwohwo uche kẹdẹ kẹdẹ, kirobo ri nonẹ kri te vwẹ akpọ na, rere ophiẹvwe rẹ umwemwu vwo jẹ udu rẹ ovwan eruo gan.

Hibru 3:15

Kọye a vwọ ta nẹ, Nonẹ na we de nyo urhuru rọye we vwo udu kerẹ ọke rẹ emuokpahọ.

Hibru 4:7

Ọ je rhoma bru ẹdẹ ọvo, Nonẹ, tanẹ dede Devid vwẹ unu ta krekri re, kirobo ra tarọ jovwo na, Nonẹ na we de nyo urhuru rọye, we vwo udu-u.

Hibru 9:8

Vwẹ oma rẹ ọnana Erhi Ọfuanfon na ko dje phia nẹ idjerhe ra wan kpo obo eshẹ na ji rhie phihọ-ọ fikiridie ubruwevwi rẹ otafe na ji gbere ughwru

2 Pita 1:21

fikiridie o vwo aroẹmrẹ ọvuọvo ro di nẹ udu rẹ obọ rẹ ohwo cha-a, ẹkẹvuọvo ihwo rẹ Erhi Ọfuanfon na muru re ta ota ro nẹ obọ rẹ Ọghẹnẹ rhe.

Ẹvwọphia 3:20

Nighe, mi mudia vwẹ anurhoro mi ro hworo; ohwo de nyo urhuru mẹ ro de rhie ẹchẹ kẹ vwẹ, ki mi bro rhe evun rẹ uwevwi ke me vẹ ọye re emu, kọ vẹ ovwẹ je re.