Hibru 3:5 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁵ Asakiephana Mosis ghine dia ohwo rẹ uyota vwẹ uwevwi rẹ Ọghẹnẹ kerẹ odibo, rere e vwo se oseri kẹ obo ra cha ta ota kpahe vwobọ,

Hibru 3:5 ပူးပေါင်းရင်းမြစ်များ

Nehemaya 9:14

Wọwọ ri ruro kẹ ayen rere ayen vwọ riẹn ẹdidjala ọfuanfon na kugbe urhi ru wo ji kẹ ayen kugbe egha kugbe irhi ra wan oma re odibo wẹn Mosis ji ke ayen.

Une rẹ Ejiro 105:26

O de ji odibo rọye Mosis, kugbe Erọn rọ jẹreyo.

Ẹyano 14:31

Izrẹl da mrẹ iruo ride rẹ Ọrovwohwo ru kpahe ihwo rẹ Ijipt, ihwo na da djẹ oshọ rẹ Ọrovwohwo, ayen de se Ọrovwohwo vi Mosis rẹ odibo rọye gbuyota.

Ẹyano 40:16

Enẹ kọye Mosis ruru; kirobo rẹ Ọrovwohwo ta kẹ, ọtiọye oruru.

Ukeri 12:7

Ọ dia ọtiọye ọ epha kẹ odibo mẹ Mosis na-a, mi mu uwevwi mẹ ejobi phihọ obọ rọye.

Matiu 24:45

Ono hẹ omamọ rẹ odibo esiri na, rẹ ẹsiẹ rẹ ọrovworo da rhe o de vwo mu olori rẹ uwevwi rọye, rọ da vwẹ emu kẹ ayen re vwẹ ọke yena?

Matiu 25:21

Ọrovworo da ta kẹ nẹ, Wo runọ odibo rẹ esiri na; wọ vwọ dia ọvwata vwẹ oma rẹ ememu nana, ku wọ dia ovie vwẹ enu rẹ emu buebu; mọ rhe ro aghọghọ rẹ ọrovwowe.

Iyẹnrẹ Esiri ri Luk 12:42

Ọrovwohwo da ta, Kono hẹ odido rẹ esiri rọ ghwanre na, rẹ onini rọye cha vwọ hẹ enu rẹ uwevwi rọye, rọ cha vwẹ emuọre rayen kẹ ayen vwẹ ọke rọye?

Iyẹnrẹ Esiri ri Luk 24:27

O de mu phihọ nẹ Mosis rhe kugbe emraro na ejobi, ọ da fan otọ rẹ ẹbe efuanfon na ejobi kpahe oma rọye kẹ ayen.

Iyẹnrẹ Esiri ri Luk 24:44

Etiyin ọ da ta kẹ ayen, Enana eta mẹ re me ta kẹ ovwan, re me vẹ ovwan vwọ herọ, nẹ kemu kemu re siri kpahe ovwẹ vwẹ evun re urhi ri Mosis kugbe emraro na vẹ ine rẹ ejiro na cha gba.

Iyẹnrẹ Esiri ri Jọn 5:39

Wa guọnọ ẹbe efuanfon na, fikiridie we rori nẹ evun rẹ ayen we de vwo arhọ ri bẹdẹ na; ayen ri se oseri kpahe ovwẹ na;

Iruo rẹ Iyinkọn na 28:23

Ọke rẹ ayen vwo bru ẹdẹ kẹ nu, ayen buebu de bro rhe asan ro wori. Ọ da nabọ rhie ota na phihọ kẹ ayen nẹ irhiọke re te ovwọnvwọn, ro se oseri rẹ uvie rẹ Ọghẹnẹ na rere o vwo dje Jesu kẹ ayen nẹ evun rẹ urhi ri Mosis na kugbe emraro na rere o vwo mu ayen ẹro.

Iruo rẹ Iyinkọn na 7:37

Mosis nana re ta kẹ ihwo rẹ Izrẹl nẹ, Ọghẹnẹ cha reyọ ohwo ọvo vwẹ ohri rẹ imoni rẹ ovwan na vwo mu ọmraro kẹ ovwan kirobo rọ vwẹ ovwẹ mu na.

Ọbe ri Pọl si rhe Ihwo ri Rom 3:21

Ẹkẹvuọvo asakiephana a vwẹ ọvwata rẹ Ọghẹnẹ phia vwẹ obuko rẹ urhi, dede na te urhi na te emraro na se oseri kẹ,

1 Kọrẹnt 4:2

Ọ rọ marho a guọnọre nẹ imuidi na dia ihwo ra vwẹ ẹro so.

Urhi Rivẹ 3:24

E Ọrovwohwo Ọghẹnẹ, wo mu ọrho wẹn vẹ obọ ọgangan wẹn phihọ e djẹ kẹ odibo wẹn; didi ẹdjọ vwẹ odjuvwu eyẹ akpọ na ro se ru oghẹre rẹ iruo wẹn ride nana?

Urhi Rivẹ 34:5

Kọye rẹ Mosis rẹ odibo rẹ Ọrovwohwo de ghwu vwẹ oboyi vwẹ otọ ri Moab, kirobo rẹ ota rẹ Ọrovwohwo epha.

1 Timoti 1:12

Me kpẹvwẹ Kristi Jesu Ọrovwavwanre, rọ kẹ vwẹ ogangan nana, kidie o ni vwe fo ohwo rẹ uyota, ro vwo se vwe phihọ iruo rọye,

Hibru 1:1

Vwẹ ọke rẹ awanre idjerhe buebu Ọghẹnẹ wan ta ota kẹ esẹ rẹ avwanre ride vwẹ unu rẹ emraro na;

Hibru 3:2

Ọye hẹ ohwo rẹ uyota kẹ ohwo ro vwiro mu, kirobo ri Mosis dia ohwo rẹ uyota vwẹ uwevwi rẹ Ọghẹnẹ.

Hibru 3:4

(Kidie uwevwi kuwevwi ohwo re bọn, ẹkẹvuọvo ọbọn ebabọn rẹ emu ejobi ọye hẹ Ọghẹnẹ.)

Hibru 8:5

Ayen gọ uhoho rẹ ẹshẹ rọ hẹ obo odjuvwu; kidie ọke ri Mosis cha vwọ bọn utughẹ na, Ọghẹnẹ da kpa okpa kẹ, tanẹ, Gbe no, ji kemu kemu ru wo che ru họhọ oghẹre ri mi dje kẹ wẹ vwẹ obenu rẹ ugbenu na.

Hibru 9:24

Kidie Kristi ro ẹshẹ ra vwẹ obọ ru-u, uhoho rẹ ọ rẹ omamọ na, ẹkẹvuọvo okpoyovwi rẹ odjivwu dẹn, asakiephana kọ phia vwẹ obaro rẹ Ọghẹnẹ rọ rẹ kẹ avwanre.

Joshua 1:15

bẹsiẹ rẹ Ọrovwohwo vwọ vwẹ omaerovwo kẹ imoni wẹn kugbe ovwan, ayen ejobi ke ra reyọ ughwẹ rẹ otọ na rẹ Ọrovwohwo Ọghẹnẹ vwọ kẹ ayen na; kẹsiẹye ovwan ki rhivwi kpo otọ rẹ ughwẹ rẹ ovwan, ku we vwo, otọ na ri Mosis odibo rẹ Ọrovwohwo na vwọ kẹ ovwan vwẹ abọ oboyi ri Jọdan vwẹ abọ rẹ ọnre da vacha.

Joshua 1:2

Mosis rẹ odibo mẹ o ghwu nure, asakiephana gbe vrẹn, ru wọ wan Jọdan nana vrẹn, wẹ vẹ ihwo nana ejobi, vwo kpo otọ re me cha vwọ kẹ ayen, kọye ihwo rẹ Izrẹl.

Joshua 1:7

Wọ me goma rere wo yivwaro gangan, vwẹ ẹro te otọ dẹndẹn vwọ yọnrọn irhi na ejobi ri mi ji kẹ Mosis odibo mẹ nẹ ọ vwọ kẹ ovwan, wo kuoma rhẹriẹ kpo obọrhe eyẹ obọhwere-e, rere o vwo yovwi kẹ wẹ vwi kasan kasan re wọ cha ra.

Joshua 8:31

kirobo ri Mosis rẹ odibo rẹ Ọrovwohwo tare kẹ ihwo rẹ Izrẹl, kirobo re siro vwẹ ẹbe rẹ urhi rẹ Mosis, agbada rẹ ibieragha re sheri-i, re ohwo ọvuọvo vwẹ utehru te-e; ayen de ze izobo rẹ ẹtorhẹ kẹ Ọrovwohwo na, kugbe izobo rẹ ufuoma rhe.

Joshua 8:33

Izrẹl ejobi, e rẹ erhorha kugbe e re vwieri vwẹ uwevwi, vẹ ekpako rọye inotu rayen vẹ iguẹdjọ rayen, de mudia abọ rivẹ rẹ ekpeti na vwẹ obaro rẹ irherẹn ri Livae ri mu ekpeti rẹ ọphọ rẹ Ọrovwohwo na, ebru evo rẹ ayen e hẹ obaro rẹ Ugbenu rẹ Gerizim ebru evo ri chekọ e hẹ obaro rẹ Ugbenu rẹ Ebal kirobo ri Mosis odibo rẹ Ọrovwohwo na tare vwẹ ẹsosuọ, nẹ ayen bruphihọ kẹ ihwo rẹ Izrẹl.

Ẹvwọphia 15:3

Ayen da so une ri Mosis, Odibo rẹ Ọghẹnẹ na, kugbe une rẹ Omogodẹ na, tanẹ, Iruo wẹn pha rhuarho igbunu, E Ọrovwohwo Ọghẹnẹ Ọrovwoẹgba! Ọsoso kugbe uyota hẹ idjerhe wẹn, E Ovie rẹ oge ejobi.