Hibru 3:16 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁶ Kẹ amono ri nyo nu, rẹ ayen de rhe mukpahọ? Ọ dia ayen ihwo ri nẹ Ijipt rhe vwẹ otọ rẹ isuesun ri Mosis?

Hibru 3:16 ပူးပေါင်းရင်းမြစ်များ

Une rẹ Ejiro 78:17

Dede ayen ji ru umwemwu kpahọ, ayen da vwọ so Ọ ro Me Kpenu na vwẹ evun rẹ aton.

Une rẹ Ejiro 78:40

Mavọ ayen vwọ suọ phẹre te vwẹ evun rẹ aghwa re ayen vwọ kpare ophu rọye vwẹ evun rẹ aton!

Jerimaya 32:29

Ihwo ri Kaldia re họnra orere nana na cha rhe rhi phi erhanre phihọ orere na, rọ da torhẹ, kugbe uwevwi ra diẹ enu rayen de torhẹ ugboduma kẹ Baal ra da je udi ku edjọ na, rẹ ophu vwo mu vwe na.

Jerimaya 44:3

fiki rẹ umwemwu rẹ ayen ruru rẹ ayen vwọ kpare ophu mẹ, kidie ayen ra torhẹ izobo kẹ edjọ efa ayen da gọ ayen, e rẹ ayen, eyẹ ovwan, eyẹ esẹ rẹ ovwan riẹnre-e.

Jerimaya 44:8

Die sorọ re wọ vwọ reyọ iruo rẹ abọ rẹ ovwan vwọ nẹrhẹ ovwe phihọ ophu, rọ vwọ torhẹ ugboduma kẹ edjọ efa vwẹ otọ ri Ijipt re wa rhere rhe dia na, rere e vwo bru ovwan kufia re we rhi hirhe phihọ ekan vẹ ehwẹje kẹ uvwiẹ rẹ akpọ na?

Ukeri 14:11

Ọrovwohwo da ta kẹ Mosis, Mavọ ihwo nana jẹ vwẹ fia krite? Mavọ o kri te rẹ ayen vwo je esegbuyota evwo vwẹ egbudugbu rẹ eka na ejobi re me vwọ phia kẹ ayen na?

Ukeri 14:2

Ihwo rẹ Izrẹl na ejobi de gu Mosis kugbe Erọn; ukoko rẹ ihwo na ejobi da ta kẹ ayen, Manẹ avwanre ghwe ghwu vwẹ otọ rẹ Ijipt. Eyẹ manẹ avwanre ghwu vwẹ evun rẹ aton nana!

Ukeri 14:24

Ẹkẹvuọvo odibo mẹ Kalẹb, fikiridie o vwo erhi san, ọ da nabọ nene uvwe, ki mi che vwo te otọ rọ teri jovwo na, uvwiẹ rọye ki che vwo otọ na.

Ukeri 14:30

kaka ohwo ọvuọvo rọye che se te otọ ri mi ve phihọ kẹ ovwan nẹ ovwan dia na-a, jokpa ri Kalẹb ọmọ ri Jefunneh kugbe Joshua rẹ ọmọ ri Nun.

Ukeri 14:38

Ẹkẹvuọvo Joshua rẹ ọmọ ri Nun vi Kalẹb rẹ ọmọ ri Jefunneh keye re rhọre, vwẹ usun rẹ ihwo ri re dọrhẹ rẹ otọ na.

Ukeri 14:4

Ayen ohwohwo da ta kẹ ohwo, E jẹn avwanre vwẹ olori ọfa vwo mu, rere e rhivwi kpo Ijipt.

Ukeri 26:65

Kidie Ọrovwohwo ta kẹ ayen, Ayen che ghwu vwẹ aton na. Ohwo rẹ ayen ọvuọvo chekọ-ọ, jokpa ri Kalẹb ọmọ ri Jefunneh kugbe Joshua rẹ ọmọ ri Nọn.

Urhi Rivẹ 1:38

Joshua ọmọ ri Nun, ro mudia obaro wẹn na ọye cha ruẹ Etiyin na; wọ phi udu phihọ awọ; kidie ọye che ru Izrẹl riuku rọye.

Ọbe ri Jud 1:5

Asakiephana Me guọnọ karohọ ovwan, dede na a nabọ yono ovwan vẹrhe, nẹ ohwo ro sivwi ihwo nẹ otọ rẹ Ijipt rhe, ukuko rọye ọ da rhoma ghwọrọ ayen otu ri je segbuyota.