Hibru 2:9 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁹ Ẹkẹvuọvo avwanre mrẹ Jesu, ra mare kpotọ emerha nọ emakashe na, ra vwẹ urinrin vẹ ọghọ tughẹ fiki rẹ oja rẹ ughwu, ọtiọye na vwẹ oma rẹ ẹserọphẹ rẹ Ọghẹnẹ ọ sa vwọ davwe ughwu kẹ ohwo kohwo.

Hibru 2:9 ပူးပေါင်းရင်းမြစ်များ

Jẹnẹsis 3:15

Ki mi phi eghrẹ phihọ uvwre wẹn vẹ ọ rẹ aye na, Te uvwre rẹ emọ wẹn vẹ erẹ aye na, kọ ghwiẹ wẹ uyovwi, ku wọ rhovwọ uchukowọ.

Aizaya 11:1

Ẹro ko che yoro nẹ uchuku ri Jessi rhe, oghọn kọ cha tan nẹ esiri rọye rhe.

Aizaya 7:14

Fiki rẹ ọtiọye na Ọrovwohwo ọvo kọye cha vwẹ oka kẹ wẹn. Nighe, eghene aye cha mrevun, ko che vwiẹ ọmọ, ke se odẹ rọye Imanuẹl.

Matiu 16:28

Uyota me ta kẹ wẹ, evo herọ ri mudia vwẹ etinẹ na, re cha davwe ughwu phiephie-e, bẹsiẹ rẹ ayen cha vwọ mrẹ Ọmọ rẹ ohwo rọ cha vwẹ uvie rọye.

Matiu 6:28

Kidie ovwan vwọ ro ẹnwan rẹ emwa? Gbe roro idodo rẹ aghwa na, obo rẹ ayen rhua te; ayen wia-an, ayen ruẹ emuọvo-o.

Iyẹnrẹ Esiri ri Mak 9:1

Ọ da ta kẹ ayen, Uyota mẹ ta kẹ ovwan, evo hẹrọ ri mudia vwẹ etinẹ na, rẹ cha davwe ughwu phiephie-e, bẹsiẹ re ayen vwọ mrẹ uvie rẹ Ọghẹnẹ rọ cha vẹ ogangan.

Iyẹnrẹ Esiri ri Luk 9:27

Ẹkẹvuọvo uyota me ta kẹ ovwan, ẹvo herọ ri mudia vwẹ etinẹ na re cha davwe ughwu phiephie-c tavwe rẹ ayen kẹ mrẹ uvie rẹ Ọghẹnẹ.

Iyẹnrẹ Esiri ri Jọn 1:29

Vwẹ ẹdẹ rivẹ ọ da mrẹ Jesu rọ yan bro cha, ọ da ta, Nighe, Omogegede rẹ Ọghẹnẹ, rọ ghwa imwemwu rẹ akpọ na nu!

Iyẹnrẹ Esiri ri Jọn 10:17

Fiki rẹ ọnana Ọsẹ na vwọ guọnọ ovwẹ, fikiridie me vwẹ arhọ mẹ kpahe otọ, rere me vwọ rhoma reyọ.

Iyẹnrẹ Esiri ri Jọn 12:32

mẹvwẹ dẹn, ọke ra da kpare ovwẹ kpenu nẹ akpọ na, ki mi si ihwo buebu nene oma mẹ.

Iyẹnrẹ Esiri ri Jọn 3:16

Kidie ọtiọye Ọghẹnẹ guọnọ akpọ na ọ da vwẹ Ọmọ ọvuọvo rọye na kẹ, rere ohwo kohwo ro sere gbuyota vwo je ẹghwọrọ ẹkẹvuọvo ko vwo arhọ ri bẹdẹ.

Iyẹnrẹ Esiri ri Jọn 8:51

Uyota, uyota, me ta kẹ ovwan, ohwo da sẹro rẹ eta mẹ, ọ gbe cha mrẹ ughwu bẹdẹ-ẹ.

Iyẹnrẹ Esiri ri Jọn 8:52

Ihwo ri Ju da ta kẹ, Asakiephana avwanre riẹnre nẹ wo vwo idẹbono. Ebraham ghwuru, ọtiọye je hẹ emraro na; yu wọ ta nẹ, Ohwo da sẹro rẹ eta mẹ, ọ gbe davwe ughwu bẹdẹ-ẹ

Iruo rẹ Iyinkọn na 2:33

Eriyin na a da kparọ kpenu vwẹ obọrhe rẹ Ọghẹnẹ Ọsẹ na ro ji ru ive rẹ Erhi Ọfuanfon na kẹ, kọye o ji kuẹ avwanre rẹ ovwan mrẹ na re ovwan ji nyo na.

Iruo rẹ Iyinkọn na 3:13

Ọghẹnẹ rẹ Ebraham kugbe ọrẹ Aizik kugbe ọrẹ Jekọp, Ọghẹnẹ rẹ esẹ rẹ avwanre na, vwẹ urinrin kẹ odibo rọye Jesu, ọ rẹ ovwan senre re mu kpo obaro ri Pailet, vwẹ ọke rọ vwọ ta nẹ ọye siobọ no.

Ọbe ri Pọl si rhe Ihwo ri Rom 5:18

Etiyin na rẹ urhi ẹchọ rẹ ohwo ọvo na vwọ nẹrhẹ obruhwe dia kẹ ihwo ejobi, ọtiọye na uruemwu rẹ ọvwata rẹ ohwo ọvo na kọ nẹrhẹ esiobọ nẹ ohwo ji kugbe arhọ kẹ ihwo buebu.

Ọbe ri Pọl si rhe Ihwo ri Rom 5:8

Ẹkẹvuọvo Ọghẹnẹ dje ẹguọnọ rọye kẹ avwanre nẹ ọke rẹ avwanre vwọ hẹ iruimwemwu Kristi de rhi ghwu kẹ avwanre.

Ọbe ri Pọl si rhe Ihwo ri Rom 8:3

Kidie obo rẹ urhi na se ru-u, rọ vwọ hẹ ọvwiẹrẹ fiki rẹ ugboma na, Ọghẹnẹ de ji Ọmọ rọye rhe vwẹ oma rẹ ohwo rẹ akpọ rọ vọnre vẹ umwemwu, o de vwo ze kẹ umwemwu, rere o vwo bruhwe umwemwu vwẹ ugboma,

Ọbe ri Pọl si rhe Ihwo ri Rom 8:32

Ohwo rọ vwẹ Ọmọ rọye ọvuọvo jahwa-a ẹkẹvuọvo o de siobọ no kẹ avwanre ejobi, o gbi rhe siobọ nẹ emu na ejobi vwọ ba?

2 Kọrẹnt 5:15

Yo ghwu kẹ ihwo ejobi, rere ayen otu re herọ na vwo jẹ dia kẹ omobọ rayen ọfa ẹkẹvuọvo vwọ kẹ ohwo rọ vwi fiki rayen ghwu rọ da rhoma vrẹn.

2 Kọrẹnt 5:21

Fiki rẹ avwanre ọye e vwo ruo vwọ dia oruimwemwu ohwo ro vwo umwemwu vwẹ oma-a, rere avwanre sa rhe wan oma rọye rhe dia ovwata rẹ Ọghẹnẹ.

Galesha 4:4

Ẹkẹvuọvo, rẹ ọke na rhe vwọ gbare, Ọghẹnẹ de ji ọmọ rọye na rhe, rẹ aye vwiẹri, re vwiẹri vwẹ otọ rẹ urhi na,

1 Timoti 2:6

rọ vwẹ ekpuyovwi rẹ oma rọye tan avwanre ejobi hirhe, iseri rọye kọye e se vwẹ ọke ro she phihọ na.

Hibru 1:9

Ọvwata wọ guọnọ ozighi tu we oma; kọye Ọghẹnẹ, Ọghẹnẹ wẹn na, vwọ vwẹ evwri te we evwri rẹ aghọghọ ru wọ vwọ rho nọ otu wẹn.

Hibru 10:5

Kọye, ri Kristi vwọ rhe akpọ na, ọ da ta, Iye kugbe egagọ wọ guọnọre-e, ẹkẹvuọvo ugboma vwọ rhuẹrẹ kẹ vwẹ;

Hibru 11:5

Vwẹ esegbuyota na e vwo mu Inọk kpo odjivwu vẹ ẹro ọkpokpọ; a gbe sa mrẹ-ẹ, fikiridie Ọghẹnẹ reyerọ. Tavwe re ki muo reyọ na e ji se oseri kpahọ nẹ ivun rọye vwerhe Ọghẹnẹ.

Hibru 12:2

avwanre gba tọn ẹro vi Jesu ọkobaro kugbe orugba rẹ esegbuyota rẹ avwanre, ohwo rọ vwi fiki rẹ aghọghọ rọ hẹ obaro kẹ chiri odjadja rẹ aghagha na, ọ davwerhọn rẹ omaẹvuọ na-a, o de rhi tidia obọrhe rẹ ekete rẹ Ọghẹnẹ.

Hibru 2:7

Wọ marọ kpotọ emerha nọ emakashe na, wọ da vwẹ urinrin vẹ ọghọ vwo tughẹ,

Hibru 7:25

Vwẹ ọtiọye na ko se sivwi kohwo kohwo rọ wan oma rọye sikẹrẹ Ọghẹnẹ, fikiridie ọ herọ kọke kọke rọ vwọ rẹ kẹ ayen.

Hibru 8:3

Kidie ọye hẹ iruo ri korherẹn korherẹn rode rere ọ vwọ gọ iye ọ me rha kẹ okẹ; kọye o ji vwo fo rere orherẹn nana ji vwo vwo obọ rọ vwọ gọ iye.

1 Pita 1:21

Oma rọye ovwan wan vwẹ ẹro so Ọghẹnẹ, rọ kpaherọ nẹ ughwu rhe rọ da vwẹ urinrin kẹ, ọtiọye na te esegbuyota rẹ ovwan kugbe iphiẹrohọ rẹ ovwan e hẹ evun rẹ Ọghẹnẹ.

1 Jọn 2:2

ọye hẹ ofuophu rẹ imwemwu rẹ avwanre, ọ dia ọ rẹ avwanre ọvo-o ẹkẹvuọvo ji te ọ rẹ akpọ na ejobi.

Ẹvwọphia 19:12

Ẹro rọye vwara kerẹ erhanre, ọ da gba evwarha buebu mu uyovwi; e de si odẹ ọvo tamuo rẹ ohwo ọfa riẹnre-e jokpa rẹ ekpuyovwi rọye ọvo.

Ẹvwọphia 5:9

ayen da so une ọkpokpọ, tanẹ, Wọwẹ hẹ ohwo ro fori rọ sa reyọ ọbe na ro de se rhie isiaphrẹ rọye, kidie e hwe we jovwo ọbara wẹn kọye wọ vwọ tan ihwo hirhe kẹ Ọghẹnẹ nẹ orua korua kugbe ephẹrẹ kugbe ihwo kugbe ẹgborho,