Hibru 2:8 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁸ wọ da vwi kemu kemu hwa otọ kẹ chiyi. Asakiephana rọ vwọ vwi kemu kemu hwa otọ kẹ ohwo na, o ji vwo emu ọvuọvo ro je phio phihọ otọ rẹ isuesun rọye-e. Kirobo rọ epha na, avwanre je mrẹ emu ọvuọvo re jẹ vwọ hwa otọ kẹ-ẹ.

Hibru 2:8 ပူးပေါင်းရင်းမြစ်များ

Une rẹ Ejiro 2:6

Me vwẹ ovie mẹ mu vwi Zayọn ugbenu ọfuanfon mẹ nure

Une rẹ Ejiro 8:6

Wo de vwo ru ovie vwẹ enu rẹ iruo rẹ obọ wẹn; wo de phi imu na ejobi phihọ obotọ rẹ awọ rọye,

Daniẹl 7:14

Kọye vwẹ isuesun kẹ, kugbe urinrin vẹ uvie, rere ihwo ejobi, vẹ ẹgborho ejobi vẹ ephẹrẹ ejobi vwọ sa ga; isuesun rọye ọye isuesun ri bẹdẹ, ro che jẹ ẹwanvrẹn, kẹ uvie re jẹ sa ghwọrọ.

Matiu 28:18

Jesu vwo bru ayen rhe ọ da ta kẹ ayen nẹ, Ogangan ejobi re hẹ odjuvwu vẹ akpọ, a vwe ayen kẹ vwẹ.

Iyẹnrẹ Esiri ri Jọn 13:3

ri Jesu vwọ riẹn nẹ Ọsẹ na phi emu na ejobi phihọ obọ nure, nẹ obọ rẹ Ọghẹnẹ o nurhe nẹ obọ rẹ Ọghẹnẹ ọye ra na,

Iyẹnrẹ Esiri ri Jọn 3:35

Ọsẹ na guọnọ Ọmọ na, o de phi emu na ejobi phihọ obọ.

1 Kọrẹnt 15:27

Kidie Ọghẹnẹ vwẹ emu na ejobi hwa otọ kẹ chiyi nure. Ẹkẹvuọvo ọke rọ vwọ tanẹ, A vwẹ emu na ejobi hwa otọ kẹ chiyi, o phẹri nẹ e phiẹrohọ ohwo rọ cha vwẹ emu na ejobi hwa otọ kẹ chiyi.

Hibru 1:13

Ẹkẹvuọvo kẹ amakashe rhọ ọ ta kẹ dẹvure, Tidia vwẹ obọrhe mẹ, bẹsiẹ me vwọ vwẹ ivwighrẹ wẹn hwa otọ kẹ wẹ chiyi.

Hibru 1:2

vwẹ asakiephana unu rẹ Ọmọ rọye kọye ọ wan ta ota kẹ avwanre, ọye o ve phihọ nẹ ọ reuku ri kemu kemu ejobi re hẹ akpọ na; oma rọye ọ wan mama akpọ na.

Hibru 2:5

Kidie ọ dia emakashe Ọghẹnẹ phi akpọ rọ cha na o rẹ avwanre ta na, phihọ obọ-ọ,

1 Pita 3:22

ro kpo obo odjuvwu ro de tidia obọrhe rẹ Ọghẹnẹ, vẹ emakashe, otu ri suẹn kugbe ogangan ejobi da vwẹ oma kpotọ kẹ.

Ẹvwọphia 1:18

rọ rhọre bẹdẹ na; mi ghwuru jovwo, gbe nighe me rhọre bẹdẹ, ko mẹvwẹ ri vwo usiaphrẹ rẹ Ughwu vẹ Ushi vwẹ obọ mẹ.

Ẹvwọphia 1:5

ji nẹ obọ ri Jesu Kristi oseri rẹ uyota na, ọmọkpako ro ke ghwu varhe, kugbe osun rẹ ivie rẹ akpọ na. Ọye hẹ ohwo rọ guọnọ avwanre ọ da vwẹ ọbara rọye tan avwanre nẹ imwemwu rẹ avwanre