Hibru 2:2 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

² Kidie ovuẹ rẹ emakashe vuẹre na da ghene dia uyota rẹ ogbeku kogbeku rẹ ohwo ruru de vwo osa ro tere,

Hibru 2:2 ပူးပေါင်းရင်းမြစ်များ

Une rẹ Ejiro 68:17

Vẹ ekpẹrẹ rẹ ofovwi ride, uriori ihwe akuava, uriori kpahe uriori, Ọrovwohwo na de nẹ Sinae rhe rhe ro edia ọfuanfon na.

Ukeri 11:33

Ọke rẹ eranvwe na je vwọ unu rayen, rọ je wiẹ-ẹn na, ophu rẹ Ọrovwohwo da rhe tua kpahe ihwo na, Ọrovwohwo da vwẹ ọtiekọ rode teyọ ayen.

Ukeri 16:49

Ihwo rẹ ọtiekọ na hweri da dia uriori ihwẹne gbe ujori ighwrẹ, a ke mrẹ ihwo ri ghwuru vwẹ ọke ri Korah.

Ukeri 21:6

Etiyin Ọrovwohwo de ji eredekọ rẹ erhanre rhe uherevie rẹ ihwo na, e da rhovwo ihwo na, ọtiọye ihwo rẹ Izrẹl buebu de ghwu.

Ukeri 25:9

Dede na otu ri ghwuru vwẹ oma rẹ ọtiekọ na da dia uriori uje gbe ẹne.

Iruo rẹ Iyinkọn na 7:53

Ovwan re reyọ urhi na rẹ emakashe na vwọ rhe na yẹ ovwan sa yọnrọ-ọn.

Galesha 3:19

Kidie e rhe vwo ji urhi? A vwe rọ ba fiki rẹ urhi egbe bẹsiẹ rẹ uvwiẹ na che vwo te obọ rẹ ohwo re ve ive na kẹ, e de vwo mu vwẹ obọ rẹ emakashe vwẹ oma rẹ usuọnvwan.

Urhi Rivẹ 17:12

Ohwo ro phuoma ro gbi mu ọghọ kẹ orherẹn rọ mudia vwẹ obaro rẹ Ọrovwohwo rẹ Ọghẹnẹ rẹ ovwan na-a, eyẹ oguẹdjọ na-a; ohwo yena ko ghwu; eriyin ovwan vwọ hworhẹ umwemwu nẹ Izrẹl na.

Urhi Rivẹ 17:2

Ọ da dianẹ a mrẹ ọshare eyẹ aye vwẹ ohri rẹ ovwan vwẹ evun rẹ irere rẹ Ọrovwohwo rẹ Ọghẹnẹ rẹ ovwan kẹ ovwan na, ro de gbe ọphọ na ẹgua,

Urhi Rivẹ 17:5

ovwan Me reyọ ọshare eyẹ aye ro ru emu omiomiovwi ọtiọye na kpo anurhoro rẹ orere na, ra reyọ elalọ vwo phi ọshare eyẹ aye yena hwe.

Urhi Rivẹ 27:26

Ekan kẹ ohwo ro ru eta rẹ urhi nana gan rọ da yọnrọn aye-en. Ihwo na ejobi Me kpahe tanẹ, Isẹ.

Urhi Rivẹ 32:2

Jẹn uyono mẹ sun rhe kerẹ osio ota mẹ bru ighorigho kerẹ evwru, kerẹ eghwẹghwẹ rẹ osio ro tue kuẹ odi ọboba kugbe eghwẹghwẹ vwẹ enu rẹ ẹbe.

Hibru 1:1

Vwẹ ọke rẹ awanre idjerhe buebu Ọghẹnẹ wan ta ota kẹ esẹ rẹ avwanre ride vwẹ unu rẹ emraro na;

Hibru 10:28

Ohwo rọ chọ urhi ri Mosis ihwo ivẹ eyẹ erha de se iseri kpahọ nu ka teyọ hwe o vwo aruẹdọ-ọn.

Hibru 10:35

Vwẹ eriyin na we rhe ku aroeyivwo rẹ ovwan kuẹfia-a, ro vwo osa rhuarho.

Hibru 11:26

O de roro nẹ ekan ra harhe ohwo fiki ri Kristi re ma dia efe rode nọ efe rẹ Ijipt, fikiridie ọ vwẹ ẹro so osa na.

Hibru 11:6

Ọ dia esegbuyota-a yọ epha bẹnbẹn re vwo ru obo ri je. Kidie ohwo kohwo rọ tanẹ ọye si kẹre Ọghẹnẹ mi segbuyota nẹ ọ herọ nẹ ọye re hwa osa kẹ ayen otu re guọnerọ.

Hibru 12:25

We ja mrẹ nẹ ovwan siẹn ohwo rọ ta ota na-a. O da dianẹ ayen siẹn ohwo rọ ta ota kẹ ayen vwẹ akpọ na rẹ ayen da djẹ vabọ-ọ, komavọ ọ dia rẹ avwanre sa vwọ djẹ vabọ ra da siẹn ohwo ro ta ota kẹ ayen nẹ odjivwu rhe.

2 Pita 1:19

Ota rẹ aroẹmrẹ na ko muẹro phihọ. Ovwan ke riẹn ru rẹ ovwan da kerhọn rẹ ọnana kerẹ urhukpẹ rọ la vwẹ evun rẹ ebri, bẹsiẹ rẹ ọke vwo rhiẹ rẹ isio rẹ urhiọke cha vwọ varhe vwẹ udu rẹ ovwan.

Ọbe ri Jud 1:5

Asakiephana Me guọnọ karohọ ovwan, dede na a nabọ yono ovwan vẹrhe, nẹ ohwo ro sivwi ihwo nẹ otọ rẹ Ijipt rhe, ukuko rọye ọ da rhoma ghwọrọ ayen otu ri je segbuyota.