Hibru 13:9 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁹ We jẹn odju rẹ uyono kuyono ọkpokpọ muẹ ovwan ghwrẹ-ẹ; kidie o fori re wa vwẹ ẹserọphẹ ghẹre oma, ọ dia emuọre, ro fi emuọvo kẹ otu re rerọ-ọ.

Hibru 13:9 ပူးပေါင်းရင်းမြစ်များ

Une rẹ Ejiro 112:8

Udu rọye nabọ fọ, oshọ rhe se muo-o, bẹsiẹ rọ vwọ mrẹ ẹguọnọ rọye vwẹ enu rẹ ukọn rọye.

Matiu 24:24

Kidie Kristi rẹ efian cha rhe, kugbe emraro rẹ efian, ayen cha vwẹ eka buebu phia, kugbe emu rẹ igbunu buebu; rere ayen vwọ phiẹn ihwo buebu ghwru; udu rẹ ayen da gba ihwo ra sanọ reyọ dede na, a jẹ phiẹn ayen.

Matiu 24:4

Jesu da kpahe ọ da ta kẹ ayen nẹ, Wa jomaotọ rere ohwo vwo jẹ ovwan esuo ghwro.

Iyẹnrẹ Esiri ri Luk 5:38

Ẹkẹvuọvo udi ọkpokpọ e kuo phihọ ephiẹ ọkpokpọ.

Iruo rẹ Iyinkọn na 20:30

Ihwo re chahe eta rhẹriẹ cha rhe ohri rẹ ovwan, ki che si idibo na ba oma.

Iruo rẹ Iyinkọn na 20:32

Asakiephana mi mu ovwan phihọ obọ rẹ Ọghẹnẹ kugbe ota rẹ ẹsẹrọphẹ rọye, rọ sa kpọ ovwan vi rọ ke rha ghare uku kẹ ovwan vwẹ ohri rẹ ihwo re rufon nure na.

Ọbe ri Pọl si rhe Ihwo ri Rom 14:17

Kidie uvie rẹ Ọghẹnẹ na dia ọ rẹ emuọre kugbe udi ẹda-a ẹkẹvuọvo ọ rẹ ọvwata kugbe ufuoma kugbe aghọghọ vwẹ oma rẹ Erhi Ọfuanfon.

Ọbe ri Pọl si rhe Ihwo ri Rom 14:2

Ohwo ọvo vwo esegbuyota rọ vwọ re emu ejobi, yẹ ohwo rọ lọhọre ria ifọ ọvo.

Ọbe ri Pọl si rhe Ihwo ri Rom 14:6

Ohwo ro mu ọghọ kẹ ẹdẹ na, o muro kẹ Ọrovwohwo. Ọ rọ ria emu, ọ rerọ vwo mu ọghọ kẹ Ọrovwohwo, kidie ọ vwẹ ẹkpẹvwẹ kẹ Ọghẹnẹ; ohwo ro jẹriọ, ọ vwẹ i jẹriọ vwo mu ọghọ kẹ Ọrovwohwo ọ me vwẹ ẹkpẹvwẹ kẹ Ọghẹnẹ.

1 Kọrẹnt 6:13

A ma emuọre vwọ kẹ egede egede vwọ kẹ emuọre–yẹ Ọghẹnẹ cha guọghọ tọna tọye. A ma oma na kẹ ọfanrhiẹ egbe-e, ẹkẹvuọvo vwọ kẹ Ọrovwohwo, Ọrovwohwo rha vwọ kẹ oma na.

1 Kọrẹnt 8:8

Emuọre se ru avwanre yovwi vwẹ obọ rẹ Ọghẹnẹ-ẹ. Avwanrẹ rere-e avwanre vwiro miovwi-i, avwanre da re avwanre vwiro yovwi-i.

2 Kọrẹnt 1:21

Ẹkẹvuọvo Ọghẹnẹ rọ vwẹ owọ rẹ ovwan vẹ ọ rẹ avwanre muotọ vwẹ evun ri Kristi, kọye ji ji avwanre uwevwi na.

Galesha 6:1

Imoni, ohwo ru umwemwu, ovwan re herọ vwẹ evun rẹ Erhi na me vwẹ erhi dẹndẹn vwọ reyọ rhe. Ni oma wẹn te, ọ dia ọtiọye-e a da rha davwe owẹ ni.

Ẹfesọs 4:14

Rere avwanre vwo jẹ dia kerẹ imitete, re phieghe cha phieghe kpo rẹ odju rẹ uyono kuyono muẹ, aghware rẹ ihwo vẹ ona rayen vwẹ ophiẹvwe.

Ẹfesọs 5:6

We jẹn ohwo ọvuọvo vwẹ eta ifefe phiẹn ovwa-an, kidie fiki rẹ imu nana ophu rẹ Ọghẹnẹ vwọ tua kpahe emọ ri jẹ ọghọ evwo na.

Kolose 2:4

Me ta ọnana rere ohwo kohwo vwo jẹ ovwan ẹphiẹn ghwro.

2 Tẹsalonaika 2:17

o bru udu rẹ ovwan uche ọ vwẹ owọ rẹ ayen muotọ vwẹ iruo kiruo oyoyovwi kugbe ota.

2 Tẹsalonaika 2:2

nẹ we jẹn udu rẹ ovwan fobọ phariẹ-ẹ eyẹ udu brẹ ovwa-an, eyẹ erhi eyẹ ota, eyẹ ọbe ra vwẹ evun roro nẹ avwanre si rhe ovwan, rọ ta nẹ ẹdẹ rẹ Ọrovwohwo na te nure.

1 Timoti 6:20

E Timoti, sẹro rẹ obo ra vwọ kẹ wẹ yọnre na. Sioma nẹ eta efafanrhiẹ vẹ aphrọ otu re mariẹn na,

1 Jọn 4:1

Imoni re ghare, ovwan se erhi kerhi gbuyota-a, ẹkẹvuọvo wa davwe ayen ni tavwe sẹ ghine erhi rẹ Ọghẹnẹ ayen ruẹ; kidie emraro rẹ ofian buebu ro evun rẹ akpọ na re.

Ọbe ri Jud 1:12

Enana da rhe dia ekan vwẹ orẹ rẹ ẹguọnọ rẹ ovwan, vwẹ ọke rẹ ayen da vwẹ aroeyivwo gbe iknn rẹ ozighi kuẹgbe, rẹ ayen de nẹ oma rayen ọvo, enu ro biri yẹ osio rhọ re-e, rẹ odju muẹ yanran, irhe ri jẹ ẹmọ vwẹ ọke ororo, ri ghwuru asiava, re ghwie nẹ otọ;

Ọbe ri Jud 1:3

Imoni re ghare, rẹ urhuru vwo si vwe vwo siẹ ọbe nana rhe ovwan kpahe esivwo rẹ avwanre ọvuọvo na, emu ọvo da gba phihọ ovwẹ udu ni mi si rhe ovwan vwo bru ovwan uche, rere ovwan vwọ họnre chochọ rẹ esegbuyota ra vwọ kẹ ihwo efuanfon na.