Hibru 13:7 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁷ Karohọ isun rẹ ovwan, ayen otu re ta ota rẹ Ọghẹnẹ kẹ ovwan; roro akpọ eyere rayen, re wa vwẹ ẹro kere esegbuyota rayen.

Hibru 13:7 ပူးပေါင်းရင်းမြစ်များ

Solomon 1:8

Ọ da dianẹ wọ rha riẹ-ẹn, E ọ ro meyovwi vwẹ ohri rẹ eya, nene ọga rẹ uchuru na, re wo sun ẹmẹvwe wẹn re hẹ akakọ rẹ utughẹ rẹ osuigegede na.

Matiu 24:45

Ono hẹ omamọ rẹ odibo esiri na, rẹ ẹsiẹ rẹ ọrovworo da rhe o de vwo mu olori rẹ uwevwi rọye, rọ da vwẹ emu kẹ ayen re vwẹ ọke yena?

Iyẹnrẹ Esiri ri Luk 12:42

Ọrovwohwo da ta, Kono hẹ odido rẹ esiri rọ ghwanre na, rẹ onini rọye cha vwọ hẹ enu rẹ uwevwi rọye, rọ cha vwẹ emuọre rayen kẹ ayen vwẹ ọke rọye?

Iyẹnrẹ Esiri ri Luk 5:1

Vwẹ ọke yena rẹ ihwo na vwo keke re ayen nyo ota rẹ Ọghẹnẹ na, o de mudia vwẹ orhoma rẹ avware ri Gẹnẹsarẹt.

Iyẹnrẹ Esiri ri Luk 8:11

Asakiephana otọ rẹ itẹ na kẹ ọna, Ekankọn na ọyẹn ota rẹ Ọghẹnẹ.

Iruo rẹ Iyinkọn na 13:46

Pọl kugbe Banabas da gbaudu, ta ota tanẹ, O fori ra ka vwọ ta ota rẹ Ọghẹnẹ na kẹ ovwan. Rẹ ovwan vwo gere ota na nẹ oma na, rẹ ovwan vwọ vwẹ oma rẹ ovwan guẹdjọ nẹ ovwan fo ihwo rẹ arho ri bẹdẹ na-a, nighe avwanre ki hirhe bru ihwo ri Keferi ra.

Iruo rẹ Iyinkọn na 14:23

Ọke rẹ a vwọ ekpako vwo mu vwẹ ishọshi ọvuọvo nu, ẹrhovwo ẹnẹ vẹ owẹvwe echiro, ayen de mu ayen phihọ obọ rẹ Ọrovwohwo rẹ ayen segbuyota na.

Iruo rẹ Iyinkọn na 4:31

Ọke rẹ ayen vwọ nẹ ẹrhovwo nu, asan rẹ ayen de koko na de mu kpogho; Erhi Ọfuanfon na da ro ayen ejobi oma ayen de ghwoghwo ota rẹ Ọghẹnẹ na vẹ aroeyivwo.

Ọbe ri Pọl si rhe Ihwo ri Rom 10:17

Ọtiọye na esegbuyota kẹ ẹme-enyo o nẹ cha, ẹme-enyo ke rha vwẹ iyẹnrẹ esiri ri Kristi re ghwoghwori na o nẹ cha.

1 Kọrẹnt 10:13

O vwo ọdavwini ọvuọvo ro te we oma ro jẹ ohwo ọfa oma ete-e. Ọghẹnẹ ohwo rẹ uyota, ọ sa rhọvwe nẹ a davwẹ owẹ ni vrẹn obo rẹ udu wẹn gbare-e, ẹkẹvuọvo vwẹ evun rẹ odavwini na ọ je gbẹn idjerhe wọ vwọ djẹ vabọ, rere wo vwo se chiro.

1 Kọrẹnt 11:1

Ovwan vwẹ ẹro kere uvwe, kirobo ri mi vwo kere Kristi.

1 Kọrẹnt 4:16

Me rẹ ovwan, we biko, wa vwẹ ẹro kere uvwe.

Filipae 3:17

Imoni, ovwan koko vwẹ ẹro kere uvwe, rere a ka oka phihọ ayen otu re vwẹ avwanre ru oniru na.

1 Tẹsalonaika 1:6

Ovwan da rhe vwẹ ẹro kere avwanre kugbe Ọrovwohwo na, kidie evun rẹ ukpokpogho rode ovwan da reyọ ota na, vẹ aghọghọ rẹ Erhi Ọfuanfon na phihọ evun rẹ ovwan.

1 Tẹsalonaika 2:13

Avwanre ke kpẹvwẹ Ọghẹnẹ kọke kọke fiki rẹ ọnana, nẹ ọke rẹ ovwan vwọ reyọ ota rẹ Ọghẹnẹ na ru we nyo miẹ avwanre na, ovwan reyerọ kerẹ ota rẹ ohwo rẹ akpọ-ọ ẹkẹvuọvo ovwan da reyọ kirobo rọ epha dẹn, ota rẹ Ọghẹnẹ, ro ruẹ iruo vwẹ oma rẹ ovwan otu ri sere gbuyota.

2 Tẹsalonaika 3:7

Kidie ekpuyovwi rẹ ovwan riẹnre obo rẹ ovwan vwẹ ẹro kere avwanre te; avwanre gbe ufeti vwẹ ọke rẹ avwanre vẹ ovwan vwọ herọ-ọ.

2 Tẹsalonaika 3:9

Ọ dianẹ kẹ avwanre jẹ ogangan evwo rẹ avwanre vwọ nọ ekpẹn rẹ emuọre-e, ẹkẹvuọvo avwanre vwẹ oma ru oniru rere wa vwẹ ẹro kere avwanre.

1 Timoti 3:5

kidie ọ da dianẹ ohwo se sun evwruwevwi rọye-e, komavọ ọ sa vwẹ ẹro te ishọshi rẹ Ọghẹnẹ?

Hibru 13:17

Mu ọghọ kẹ isun rẹ ovwan vwẹ oma kpotọ kẹ ayen; kidie ayen re sẹro re ẹnwẹn rẹ ovwan, ayen je hẹ ihwo re cha nẹ iyẹnrẹ kpahe ovwan. We jẹn ayen ru ọna vẹ omavwerhovwẹ, ọ dia ọ rẹ opharo emuohọ-ọ, kidie ọyena fi erere kẹ wẹ-ẹ.

Hibru 13:24

Yere isun rẹ ovwan ejobi kugbe ihwo efuanfon na. Otu ri nẹ obo Itali rhe yere ovwan.

Hibru 6:12

Ọtiọye na ovwan rha dia lọkpọ lọkpọ-ọ, ẹkẹvuọvo vwẹ ẹro keri otu re wan oma rẹ esegbuyota kugbe erhiori reuku rẹ ive na.

1 Pita 4:11

Kohwo kohwo rọ ta ota, ọ me ta kerẹ ọboepha rẹ Ọghẹnẹ; kohwo kohwo rọ gọ ẹga, ọ me ga vwẹ ogangan rẹ Ọghẹnẹ vwọ kẹ; rere vwi kemu kemu ejobi a sa vwẹ urinrin kẹ Ọghẹnẹ vwẹ oma ri Jesu Kristi. Ọye a vwẹ urinrin kẹ kugbe isuesun bẹdẹ bẹdẹ. Isẹ.

Ẹvwọphia 1:9

Mẹvwẹ ri Jọn, oniọvo rẹ ovwan, rọ vọ ovwan gbe vwo ẹkẹn vwẹ ukpokpogho ri Jesu kugbe uvie rọye kugbe erhiori rẹ akoechiro rọye, da hẹ ubrotọ re se Patmọs vwi fiki rẹ ota rẹ Ọghẹnẹ kugbe oseri ri Jesu.

Ẹvwọphia 20:4

Etiyin me da mrẹ ekete buebu, ayen de tidia ekete na, kẹ etiyin ayen otu ra vwẹ ẹdjọeguo kẹ na de guẹ. Me da mrẹ irhi rẹ ihwo buebu re bru ohọre fiki rẹ iseri rayen kpahe Jesu kugbe ota rẹ Ọghẹnẹ, kugbe ihwo ri jẹ eranvwe na kugbe oma rọye ẹga, re ka oka rọye phihọ arhare-e eyẹ obọ raye-en. Ayen da va rhe, ayen vi Kristi da re ikpe uriori.

Ẹvwọphia 6:9

Ọke ro vwo novie usiaphrẹ riyori, me da mrẹ vwẹ obotọ rẹ agbada na erhi rẹ ayen otu re hweri fiki rẹ ota rẹ Ọghẹnẹ ji kugbe oseri rẹ ayen seri;