Hibru 13:6 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁶ Kẹ avwanre sa vwẹ obọ saudu nẹ, Ọrovwohwo hẹ ọchuko mẹ, oshọ gbi mu uvwe-e; kidie ohwo se ru kẹ vwẹ?

Hibru 13:6 ပူးပေါင်းရင်းမြစ်များ

Jẹnẹsis 15:1

Rẹ imu nana vwọ wan nu ota rẹ Ọrovwohwo de bru Ebram rhe vwẹ evwerhẹ, Wọ djẹ oshọ-ọ, Ebram, mẹvwẹ ekpọfia wẹn, osa wẹn cha rho gangan.

1 Ivie 17:8

Etiyin ota rẹ Ọrovwohwo de bro rhe,

Une rẹ Ejiro 124:8

Ọchuko rẹ avwanre e hẹ evun rẹ odẹ rẹ Ọrovwohwo, ọ rọ ma odjuvwu vẹ akpọ

Une rẹ Ejiro 146:3

Wọ vwẹ ẹro wẹn so isu-un, ọmọ rẹ ohwo, ro vwo ọchuko ọvuọvo-o.

Une rẹ Ejiro 27:9

Wo si opharo wẹn nẹ kẹ vwẹ-ẹ. Wọ vwẹ ophu djẹ odibo wẹn yanra-an, we rẹ ọchuko mẹ rhabae. Wọ djẹ vwẹ kufia-a, wo sen vwẹ-ẹ, E Ọghẹnẹ re esivwo mẹ na.

Une rẹ Ejiro 33:20

Erhi rẹ avwanre hẹrhẹ Ọrovwohwo, ọye ọchuko kugbe egbe rẹ avwanre.

Une rẹ Ejiro 40:17

Vwọ kẹ vwẹ, mẹvwẹ ovwiogbere rẹ akpọ bẹn; ẹkẹvuọvo yẹ Ọrovwohwo karophihọ ovwẹ. Wọwẹ ọchuko mẹ kugbe osivwi mẹ, wo krẹ-ẹ, E Ọghẹnẹ mẹ.

Une rẹ Ejiro 54:4

Nighere, Ọghẹnẹ ọchuko mẹ; Ọrovwohwo re yọnrọn arhọ mẹ.

Une rẹ Ejiro 56:4

Vwe Ọghẹnẹ, ri mi jiri ota rọye, vwe Ọghẹnẹ re me vwẹ ẹro so ri mi de je oshọ ẹdjẹ. Kidie ohwo rẹ akpọ se ru vwe

Une rẹ Ejiro 63:7

kidie wẹ ọchuko mẹ rhabae rhe, vwẹ evun rẹ uhoho rẹ ibekpe wẹn me da so ine rẹ aghọghọ.

Une rẹ Ejiro 94:17

O dianẹ kẹ Ọrovwohwo re cha vwẹ uko vwo-o, mane nananana ẹnwẹ mẹ ke obo otọ ra da fọ gbiẹi kọye a ra.

Ẹyano 18:4

odẹ rẹ ọrivẹ, Ẹliẹza (fikiridie ọ tare, Ọghẹnẹ rẹ esẹ mẹ ọye ọchuko mẹ, o de sivwe nẹ ọlọkọ ri Fero).

Aizaya 41:10

wọ dje oshọ-ọ, kidie me vẹ owẹ herọ, wo jẹ ofu dje we-e, kidie Mẹvwẹ Ọghẹnẹ wẹn, Me kẹ wẹ ogangan, Me cha wẹ uko, Me vwẹ obọrhe mẹ rẹ ephiokparobọ na vwọ yọnrọn owẹ.

Aizaya 41:14

Wọ djẹ oshọ-ọ, we ri Jekọp re ohori, ovwan ihwo rẹ Izrẹl! Me sa cha we uko, eriyin Ọrovwohwo tare, Ọtan wẹn ọye Ọfuanfon Ọvuọvo rẹ Izrẹl na.

Matiu 10:28

Ovwan djẹ oshọ rẹ ohwo ro se hwe ugboma-a, ẹkẹvuọvo wa djẹ oshọ rẹ ohwo rọ se hwe ẹnwẹn.

Ọbe ri Pọl si rhe Ihwo ri Rom 8:31

Kidie a mre ta kpahe ọnana? Ọ da dianẹ Ọghẹnẹ vẹ avwanre obọ, kono se mukpahe avwanre?

Ẹfesọs 3:12

Oma rọye avwanre wan vwo aroeyivwo kugbe udu vwo sikẹrẹ fiki rẹ esegbuyota rẹ avwanre vwo kpahọ.

Urhi Rivẹ 33:26

Ọvuọvo rọ họhọ Ọghẹnẹ herọ-ọ, E Jeshurun, ọ rọ djẹ wan odjuvwu rhe re chọ wẹn uko na, ọ vẹ ọrho rọye da wan enu vrẹn.

Urhi Rivẹ 33:29

Wa ghọghọ, E Izrẹl Ono họhọ owẹ, ihwo rẹ Ọrovwohwo sivwiri, ako rẹ ọchuko wẹn, kugbe ọlọkọ rẹ ephiokparobọ wẹn! Ivwighrẹ wẹn yan riariẹ owẹ phihọ ko wo che chiyi ẹdia rayen phihọ otọ.

Hibru 10:19

Vwẹ ọtiọye na, imoni, fiki rẹ obo rẹ ọbara ri Jesu vwọ kẹ avawnre arueyivwo vwọ ro ẹshẹ na,

Hibru 4:16

E gbe jẹ avwanre sikẹre ekete rẹ ẹserọphe na vẹ ẹroẹvwọsuọ, rere avwanre mrẹ arodọvwẹ reyọ kugbe ẹserọphẹ rọ cha avwanre uko vwẹ ọke rẹ ọbẹnvwẹ.

1 Samuẹl 23:17

Ọ da ta kẹ, Wọ djẹ oshọ-ọ; kidie obọ ri Sọl ọsẹ mẹ che se te we e; wọ cha dia ovie vwẹ Izrẹl, ke me vwọ kpahe owẹ, Sọl rẹ ọsẹ mẹ je riẹn ọnana dede.