Hibru 13:4 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴ E jẹn emu ọghọ kẹ orọvwe vwẹ ohri rẹ ovwan ejobi, e jẹn e gbe ehwa rẹ orọvwe na ẹgua-a; kidie Ọghẹnẹ cha vwẹ ọvwọfanrhiẹ kugbe otu ri gbe igberadja guẹdjọ.

Hibru 13:4 ပူးပေါင်းရင်းမြစ်များ

Jẹnẹsis 2:21

Kọye Ọrovwohwo Ọghẹnẹ da vwẹ ovwerhe rode vwo mu ohwo na, rọ vwọ vwerhẹ re ọ da reyọ ubiedada rọye ode ko di;

Jẹnẹsis 2:24

Fiki rẹ ọtiọye na ọshare vwọ yan jẹn ọsẹ rọye vẹ oni rọye vwo kọ rhe gbanọ aye rọye, ayen ke dia oma ọvo.

Ivie rẹ Ivẹ 22:14

Kọye Hilkaya rẹ orherẹn na vẹ Ahikam kugbẹ Ashibo, vi Shafan, kugbe Asaya de bru Hulda ọmraro rẹ aye, aye ri Shalum, ọmọ ri Tikiva, ọmọ ri Hahaz, ọ rọ vwẹ ẹro te idọrọ re iwun (ọke nana ọ dia Jerusalẹm vwẹ urhuvwu rivẹ); ayen de nene ta ota.

ỌBE RẸ JOB 31:12

kidie ọyena kọ dia erhanre rọ tua ra ro Erivwi, rọ cha torhẹ eyere mẹ to otọ.

Aizaya 8:3

Mi de bru ọmraro rẹ aye na ra, ọ da mrevun o de vwiẹ ọmọshare. Etiyin Ọrovwohwo da ta kẹ vwẹ, se odẹ rọye Mahashalal-hashbaz;

Livitikọs 15:18

Ọshare vẹ aye de shevwerhẹ, ameoma rẹ ọshare de mu hwe rhe, ayen ihwo ivẹ na Me ra họ vwẹ evun rẹ ame, ayen Me rha dia vwẹ ijẹfuọn re te ovwọnvwọn.

Livitikọs 18:20

We ji nene aye rẹ ọrivẹ rẹ ovwan vwerhẹ re we gbe ẹgua-a.

Malakae 3:5

Ki mi che si kẹre owẹ vwẹ orhiebro; ke me cha dia oseri rẹ okpakpa kpahe ebuepha na, kugbe igberadja na, kugbe otu ri duvwu iyori rẹ ogbarogba na, vẹ otu re ghwa otu re durhie iruo ria na, vẹ otu ri kpokpo eme-phrorivwi vẹ eyauku, otu ri gerẹ erhorha phihọ akakọ, ri jẹ oshọ mẹ ẹdjẹ na; eriyin Ọrovwohwo rẹ otuofovwi na tare.

1 Kọrẹnt 5:13

Ọghẹnẹ ri guẹdjọ rẹ otu re hẹ obo otafe. Djẹ ohwo umwemwu na nẹ ohri rẹ ovwan.

1 Kọrẹnt 6:18

Si oma nẹ ọfanrhiẹ. Kumwemwu kumwemwu ọfa obo uphẹphẹ ọ epha; ẹkẹvuọvo ohwo ro gbe ọfanrhiẹ ru umwemwa kpahe oma rẹ obọ rọye.

1 Kọrẹnt 6:9

Ovwan rha riẹn nẹ ihwo umwemwu cha sa reuku rẹ uvie rẹ Ọghẹnẹ na-a? Wo jẹ a phiẹn wẹ-ẹn; ọvwọfanrhiẹ, eyẹ ọgedjọ, eyẹ o gbe igberadja, eyẹ ọshare ro duẹ ọshare,

1 Kọrẹnt 7:38

Ọtiọye na ohwo rọ rọvwọ aye rọ sa phihọ otọ riẹn ru; ọ ro rhe sioma nẹ orọvwe kọye ma riẹn ru.

1 Kọrẹnt 9:5

Avwanre rhe vwo ogangan ra vwọ reyọ aye nene oma, kirobo rẹ iyinkọn efa kugbe imoni rẹ Ọrovwohwo na kugbe Kẹfas ruẹ?

2 Kọrẹnt 5:10

Kidie avwanre na ejobi che mudia vwẹ obaro rẹ ekete rẹ ẹdjọeguo ri Kristi, ọtiọye na ohwo ọvuọvo kọ cha reyọ osa rẹ iruo rọ vwẹ ugboma rọye ru, owenẹ oyovwi eyẹ omiovwi.

Galesha 5:19

Asakiephana iruo rẹ ugboma na e pha phephẹ; igberadja, ọfanrhiẹ rẹ ehware, jẹ ẹme-enyo,

Galesha 5:21

omaẹriọ, ozighẹ, idi ẹda, udu ọ gangan, kugbe uruemu efa etieye na. Ri mi bunu rẹ ayen kẹ ovwan jovwo na nẹ ohwo kohwo ro ro imu nana sa reuku rẹ uvie rẹ Ọghẹnẹ-ẹ.

Ẹfesọs 5:5

Jẹ ọna mu ovwan ẹro, nẹ ọvwọfanrhiẹ eyẹ ohwo ro jẹfuọn, eyẹ ovwurhuru (kọye hẹ, ọgedjọ) vwo uku ọvuọvo vwẹ uvie ri Kristi kugbe Ọghẹnẹ na-a.

Urhi Rivẹ 22:22

A da mrẹ ọshare ro du aye rẹ ohwo ọfa, ọshare na vẹ aye na ki ghwu, ayen ri du ohwohwo na, eriyin wọ vwọ hworhẹ umwemwu nẹ Izrẹl.

1 Tẹsalonaika 4:6

E jẹn ohwo ọvuọvo chọ urhi-i, e jo gbe oniọvo rọye kuẹ vwẹ ota nana-a, fikiridie Ọrovwohwo hẹ ọreihri rẹ imu nana ejobi, kirobo rẹ avwanre kpa okpa phihọ ovwan obọ na.

1 Timoti 3:12

E jẹn dikin rọvwọ ẹsiẹvo goi, e jẹn ayen sun emọ rayen vẹ evwruwevwi rayen yoyovwi;

1 Timoti 3:2

Osun na rhe vwo ekan vwẹ oma-a, ẹsiẹvo goi ọ rọvwọ, fuefu, ro vwo iroro, ohwo vẹ udidi, ro ru ẹse, rọ goma rẹ uyono,

1 Timoti 3:4

Ohwo rọ nabọ suẹn nwevwi rọye, ro yono emo rọye phihọ ọghọ emuo vẹ omaevwokpotọ vwẹ idjerhe kidjerhe;

1 Timoti 4:3

re djẹ ihwo orọvwe re tanẹ a gba emuọre rẹ Ọghẹnẹ mare nẹ otu ri segbuyota re riẹn uyota na re vẹ ẹkpẹvwẹ.

1 Timoti 5:14

Ọtiọye na me guọnọre nẹ eyanku rẹ uphophẹ na rhoma kpo orọvwe, re ayen vwie ẹmọ, re ayen sẹro rẹ uwevwi rayen, rere e vwo je se unwe phihọ ayen.

Taitọs 1:6

Eshare ri vwo abe-e, re rọvwọre ẹsiẹvo kpoi, rẹ emọ rọye vwo esegbuyota, re ghwọ-ọ, re họnra-a, ri yivwaro-o.

Hibru 12:16

e jẹn ohwo ọvuọvo dia ọvwọfanrhiẹ-ẹ eyẹ ro jẹn ẹgha ẹriẹn kerẹ Isọ, rọ vwi fiki rẹ emọre shẹ ọkpako rọye.

Ẹvwọphia 22:15

Otu rẹ eranko na, emraro rẹ ofian, evwofanrhiẹ, izighẹ, egọedjọ, kugbe otu re vwọrọn ofian, ki che mudia otafe.